¹ १) सोरगोन राज एक दोरकशान वाडीन मालकोन होस से एक दिह चु होदारे वेगुज तेर दोरकशान वाडीमा मोजरया लगाडनेन कोरता निकव्यु ।

२)

² च्यु मोजरयान एक दिहोन राज एक चोदिन रुपयु एने तीनुह दोरकशान वाडीमा मुकल्यु । ³ ३) होंदारे नोव वाजता च्यु बोजारोमा गोया एने थुडाक माणहे रिकामा उबरोयला देखीन । ⁴ ४) तीनुह कोयु तुमु बी मारी दोरकशान वाडीमा कामे जावु एने मी तुमुहु बोराबोर रुज आपीही । ⁵ ५) ओवतु च्यु बारा वाजता इन तीन वाजता इन तीन वाजता बारथे जायीन तेहेज कोरयु । ⁶ ६) ओवतु च्यु हाजपोर पाच वाजता फोसु गोयु एने उजु थुडाक माणहे उबरोय रोयला देखीन च्यु तीनुह कोयु तुमु आखु दीही याहरी काहा रीकामा उबरोय रोयला। ⁷ ७) चु तिनुह कोयु मोंग तुमु बी मारी दोरकशान वाडीमा कामे जावु। ⁸ ८) हाज पोरली टेमे दोरकशान वाडीन मालक तेर मुकोडदोमह कोयु मोजरयानुह हादीन रुज आप ज्या फोसोव आवला तीनुह लागाडीन ते च्या पेल आवला तिनुह लोगोण रुज आप दे । ⁹ ९) ज्या पाच वाजता कामे लागला च्या आवला ते तिनुह एक दीहोन रुज एक एक चोडीन रुपायु आपयु ।

¹⁰ १०) ज्या पेल आवला ओता तीनुह एहे लागयो के दिहरा दोखा आमुह होटा जुडहे पुण तीनुह बी एक एकुज चोदीन रुपायु जुडयु । ¹¹ ११) रुज जुडयु तेतार च्या दोरकशान वाडीन मालकोन कुड कुड कोरता जायीन कोया । ¹² १२) या ते फोसोव आवला एने एकुज तास एकुज तास काम कोरता ती बी तु इनुह आमरे बोराबोर रुज आप देल्लु बाकीन आमु आखु दीही तोप जेलीन काठी मेहनोत कोरया । ¹³ १३) यो मालक तीनु मायलाह एकाह कोयु ए दुस्ती मी तुमरो उलटो नियाव नी कोरयु मी तुमुह एक दिहोन रुज एक चांदीन रुज एक चांदीन रुपयु आपीह कोरीन बुली कोरलु ओतु कीनी । ¹⁴ १४) एवी तारु रुज ले एने जातरो तोहो आपलु तोतरोज फोसोव आवणाराह बी आपने मारी इस्या से । ¹⁵ १५) मी मार पोयहाह ज्यो मेहे पोटे च्यो मी कोरने मेहे होक निमबे के मी तीनुहाते हाजो काम कोरलु देखीन तुमु मेहे काहा कुयरायतला ।

¹⁶ १६) इने रिते ज्या फोसोव से च्या ओगोव ओय जाहे एने च्या ओगोव से च्या फोसोव ओय जाहे । ¹⁷ १७) जेतार यीसु येरुशलम सेहर जातोतु तेतार च्यु तेर बारा चेलानुह एक वोगे ली गोयु एने वाटे चालतु जायीन तीनुहु कोयने लागयु । ¹⁸ १८) देख आपु यरुशलेम जाणे बाज रोयाह एने च्याहरी माणहोन पुरयु डायला पुजारा एने येहुदीन नेम हीकाडनारा आथोमा होपणेमा आवहे ओवता च्या तीनाहा मोतोन जेड आपे ओहलो गुनावालु ठोराव्हे । ¹⁹ १९) एने च्या तीनाहा बिगुर येहुदी वावा माणहोन आथोमा होप देहे एने तेर मोजाक उडहे एने चोपडका देहे एने खीला ठुकीन क्रुस खाम्बापोर चोडावहे बाकीन च्यु तीसरे दीही फोसु जिवतु ओय जाहे । ²⁰ २०) तेतार जोबदीन लाडी तेर पुरया याकुब एने युहन्ना लीन यीसु हाते आवी ची यीसुन पाया पोडीन वोदी एने यीसु पोर कायतोरी मागने बाज गोयी ।

²¹ २१) तेतार यीसु तिनुह फुसयु तोहो काय जुवे एने च्यी कोयी तार राजोमा मार एक पुरयाह तारडाखरी खेर एने दीहराह तार जेवडीखेर बोठने होक आपजी । ²² २२) यीसु कोयु तुमु काय मागतला चो तुमु नी जाणतला ज्यो दुखोन पियोन पीयालो तुमु बी पीने तियार से के ।

²³ २३) यीसु कोयु हासलीन मी पिनेण दुखोन पियालो तुमु बी पी सोकतला बाकीन मार डाखरीखेर एने मार जेवडीखेर कुण बायहे च्यो नीवाडनेन मार होक निबे च्यु जागु बाबु कुनीन कोरता तियार कोरलु से तीदरुज रोयहे ।

²⁴ २४) यो होंबीन च्या दीहरा दोस चेला तीनु दुय बायहो हाते खोताय गोया। ²⁵ २५) एने यीसु तेर हाते तीनुह हादीनकोयु तुमु यो जाणतला से के बोगवानो पोर बुरहु नी कोरनारा दीहरी जतिन माणहोन विस्मा राज कोरनारा नावलायला मुखी सोतान माणहोन पोर होक जोमाडीनरा पोर ओवी दीहरा मोटला पुडारया होक दाबीन जोमाडतला । ²⁶ २६) पुण तुमु ओहलो जुण बोनता काहाके तुमरामा ज्यु कुण मोटु बाणहे हुदे च्यु तुमरु पावोर बोगनु पोडहे । ²⁷ २७) एने तुमरमा ज्यु मुखी बोणहे हुदे च्यु गुलाम पावरोन होस आखान चाकरी कोरनु पोडहे । ²⁸ २८) जेहे माणहोन पुरयु सोतान सेवा चाकरी कोरवणे नी वाकीन सोता दीहरान सेवा चाकरी कोरने एने खुब होटा माणहोन जीव वाचाडनेन कोरता तेर सोतान जीव आपणे बी आवलु से। ²⁹ २९) जेतार यीसु एने तेरा चेला येरीहो सहर दोखा जातोता तेतार माणहोन खुब गोरदी तेर फोसोव आवतोती । ³⁰ ३०) एने दुय आंदवा सोडकोन दोडी बोठ रोया ओता जेतार तीनी वाटे यीसु आपणे बाज रोयुह यो होंबीन च्या आयडीन कोयणे बाज गोयु ए पोरबु दाऊदन पुरयान पुरया आमु पोर कीव कोर।

³¹ ३१) माणहे तिनाहा कीचवाडीन थावका रोयणे कोया पुण च्या उंजु बी आयडी आयडीन कोया ए पोरबु दाऊदन पुरयान पुरया आमु पोर कीव कोर। ³² ३२) यो होंबीन यीसु उबरोय गोयु अने तीनुह हादीन कोयु तुमुह काय जुवे मी तुमरे कोरता काय कोरो । ³³ ३३) च्या कोया ए पोरबु आमु देखणु जुवे। ³⁴ ३४) यीसुह खुब कीव आवी कोरीन तीनदरा डुवा सिब्यु एने च्या लोगेज देखणे बाज गोया एने तेर फोसोव चाल पोडया ।