4 ४) कि यो तु जाणले या वाते जी तु सिखलु से,कोहली कायम से । 5 ५) यहुदीयान राजा हेरोदेसन टेंमे अबियाहान दलमा जकर्या एक याजक ओतु ,अने तेरी लाडी हारुनन घरानान ओती तेरो नाव अलीशीबा ओतो 6 ६) अंजु च्या दुय परमेश्वरन अगव धर्मी अता ,अने प्रभुन आखी आज्ञा अने विधीपर निर्दोष चालनेवाला ओता । 7 ७) तीदंरा काय पुरया- पारी नी अता,काहाके अलीशीबा यी वांझी अती ,अने च्या दुयु डायला अता । 8 ८) जेतार च्यु आपणा दलन पारी परमेश्वरन अगव याजकन काम कर तु अतु । 9 ९) तेतार याजकोन रीतीन अनसार तेरे नावन चिठठी निकवी ,कि प्रभु मंदीर मा जाईन धुप लागाडनु ।( निर्गमन ३०:७)
10 १०) अने धुप लागानेन टेंमे माणहन आखी मंडकी बारथे प्रार्थना कर तती । 11 ११) के प्रभुन सरगदुत धुप वेदीन झेवडे वखे उभ रयलु तिनुह देखाव पोडयु । 12 १२) अने जकर्यु देखीन बिहयु अने तीना मा बिख बराय गई। 13 १३) पुण सरगदुत तीनाहा कोयु" से जकन्या" बिहे मा काहाके तारी प्रार्थना हंबवाय गयली से, तारी लाडी अलीशीबा देखो तार कोरीन एक पुन्यु ओयहे अने तु तेरो नाव योहन्ना मेकजी 14 १४) अने तोह आनंद अने खुब खुशी ओयहे अने खुब माणहे तेर जन्मन वजे आनंदीत ओयहे । 15 १५) काहाके च्यु प्रभुन सामने महान ओयहे ,अने अंगुररस अने दारु कभी नी पिये ,आईन गर्भ देखु पवित्र आत्मान बरलु रोयहे ।( इफिसीयों५:१८ न्यायी १३:४-५) 16 १६) अने इस्राईल मा देखा खुब हंवटा तेरा प्रभु परमेश्वर वखे फिरहे ।
17 १७) च्यु एलीयान आत्मा अने शकतीमा रोयीन तिदंरे अगव - अगव चालहे , के बाबान मन पुरया - पारी वखे फिरवे अने आज्ञा नी माननेवालाह धर्मीन समझ पर लावे अनेक प्रभुन कोरीन एक हाजली प्रजा तैयार कोरे।( मलाखी ४:५-६) 18 १८); जकर्याह सरगदुतह फुसलु " यो मी केहेक जाणे ,काहाके मी ते डायलु से अने मार लाडी भी डायी अयगयली से। १९) 19 सरगदुत तीनाह जबाब आपलु " मी जीब्राईल से,ज्यु परमेश्वरन सामने उभु रोयतलु ,अने मी तोह यी वात कोयणे अने यी खबर हंबवाडने कोरीन मेहे मुकलने आवलो से।( दानियेल ८:१६, दानियेल ९:२१) 20 २०) अने देख जे दिह तक यी वात पुरी नि ओये , ते दिह तक मौन रोयहे ,अने तु बुल नी सके ,इनान कोरता के जी मारी वात तीन टेंमे पुरी ओयहे ,विश्वास नी कोरयु । 21 २१) माणहे जकन्यान वाट जुवतता अने अचंभा करने लाग्या ,की जकन्याह मंदीर मा अतरी वार काह लागी ? 22 २२) जेतार च्यु बारथे आव्यु ,तेतार च्यु बुली नी सेकतलु तेतार माणहे जाण गया तीनाह मोदीरामा काई दर्शन जुडलो से,अने च्यु इसारु कोरतु रोयु अने मुकु ओय गयु । 23 २३) जेतार तेरी सेवान दिह पुरा अया ,तेतार चु तेरे घर जात रोयु । 24 २४) इना दिहोन ओवते तेर लाडी अलीशीबा बारहाती ओयी ,पाच मयना तक खुद कोयणे लिकाडी । 25 २५) माणहोमा मारु आपमान सेटा कोरनेन कोरीन प्रभु ,इना दिहोमा मारपोर ध्यान कोरीन मार कोरता ओहलो कोरलु से। ( उत्पत्ति३०:२३) 26 २६) सोववले मयने परमेश्वर पा देखु जिब्राईल सरगदुत गालीलत नासरत नगरम। 27 २७) एक कुंवारी ( सोवडी ) पाह मुकोलने मा आवलु ,तेरी जुडावणी युसुफ नावन दाऊदन घराणामायन एक माणहो हाते अयली अती ,तीन कुंवारी ( सवडी ) न नाव मरीयम अत । 28 २८) अने सरगदुत तेरे घरमा जाईन कोयु ,आनंद अने जय तारी ओये ज्य कोरीन परमेश्वरन कुरपा ओयली से,प्रभु तारे हाथे से। 29 २९) ची तीन वात देखी घाबराय गई,अने सुचने लागी,की यो कानला बातीन आभिवादन ( नेवतो ) से । 30 ३०) स्वर्ग दुत तीनीह कोयु" हे मरियम; भिये मा ,काहाके परमेश्वरन कुरपा तार पर ओयली से। 31 ३१) अने तु बारहाती ओयहे , अने तारु एक पुन्यु ओयहे; तु तेरो नाव यीसु मेकजी । ( यशायाह ७:१४) 32 ३२) चु महान ओयहे अने परमप्रधानन पुन्यु कोवायहे अने परमेश्वर तेरा बाबा दाऊदन सीहासन ( राजगादी) तीनाह आपहे ।( यशायाह ९:६-७) 33 ३३) अने चु याकुबन घरानापर कायम राज करहे अने तेरा राजन कधी नी हरे। ( २ शामु७:१२,१६, इब्रानियों १:८, दानियेल २:४४) 34 ३४) मरीयम स्वर्ग दुत कोयु ,यो केहे ओयहे? मी ते कानला माणहोह जाणतली नी । 35 ३५) स्वर्ग दुत तीनीह जबाब आप्यु , पवित्र आत्मान सकती तार पर उतरहे अने परमप्रधनन शकती तारपर सांवु कोरहे ,इनान कोरता चो पवित्र जो पैदा ओयनेवालु से परमेश्वरन पुन्यु कोवायहे। 36 ३६) अने देख तारी होगी एलीशीबान भी डायेवारे पुरयो अयण्यो से यो तेरो जी वांझ कोवाय तती सहवो मयनो से। 37 ३७) परमेश्वरन कोरीन कायबी उदुड निमले" ( मती१९:२६, यिर्मयाह ३२:२७) 38 ३८) मरियम कोई " देख मी प्रभु न दासी से ,तारे वचनन तेहे मारहाथे ओये " तेतार स्वर्गदुत तेरे हाते देखु जात रोयु । 39 ३९) तीना दिहोमा मरीयम जल्दी-जल्दी उठीन पहाडोन ( बोयडान) देशमा यहुदान नगरमा गई। 40 ४०) अने जकर्यान घर मा जाईन अलिशीबाहा नमन करी। 41 ४१) तेतार अलीशीबा मरीयम नमन करी ,तेतारज पुरयु तेरा पेटमा उसव्य अने अलिशीबा पवित्र आत्मामा भरपुर अय गई। 42 ४२) अने ची मोटे (आवाज) बुलोमा आयडीन कोई" तु आखा बायामा तकदीरवाली से,अने तारो पेटन फव तकदीरन से।
43 ४३) अने यो अनुग्रह मेहे का देखो जुडयो , के मारा प्रभुन आई मारेपा आवी ?
44 ४४) अने देख जेहे तार नमन ( नमस्कार) न शब्द मारा कानो मा पोडयो,तेतार पुर्य मारा पेट मा खुशी देखो उसवी पोडयो ।
45 ४५) अने तकदीरवालु से,चु जो विस्वास( भुरहु) कोरलु के ज्या वाते परमेश्वर देखी तीनुह कोयणेम आवली ची ,पुरी ओये । 46 ४६) तेतार मरियम कोई मारु जीव परमेश्वरन बडाई करे ।
47 ४७) अने मारी आत्मा उदधार कोरनेवाला परमेश्वर से खुशी ओई । ( १ शामु २:१) 48 ४८) काहके चु तेरी दासीन दीनता पर नजर नाखलु से,इनान कोरता देखु,ऐवी देखा ते युगयुग ( पिढयन- पिढया ) माणहे मेहे तकदीरवाली कोयहे ।( १ शामु १:११, लुका १:४२, मलाकी ३:१२)
49 ४९) काहाके च्यु शक्तीमान मारे कोरता मोटा मोटा काम करलु से। 50 ५०) अने तेरी दया तीनुपर ज्या तीनाह बिणारा से,पिढीन- पिढी बणला रोये । ( भजन संहिता १०३:१७) 51 ५१) च्यु तेरी ताकत देखाडयु ,अने ज्या आपणा मनमा घमंड करता अता ,तिनुहु इंखुर- तिंखुर वेर देलु ।( २ शामु २२:२८, भजन संहिता ८९:१०) 52 ५२) च्यु अधीकार करनाराहा राजगादी पर देखु पाड देंलु ,अने दिन अता तिनुहु उपर करलु । 53 ५३) च्यु भुकलाहा हाजो खाणा से पेंट बोरलु अने पामतलाहा दावे हाथ निकावलु ( १ शामु २:५, भजन संहिता १०७:९) 54 ५४) च्यु आपणा सेवक इस्त्राइलह समाव लेदलु के मारी दया याद राखे ( करें) ।( भजन संहिता ९८:३, यशायाह ४१:८-९)
55 ५५) जो आब्राम अने तेरा घराणा पर हमेशा (कायम ) रोयहे ,जेहे च्यु आपणा डाय डायाहा कोयलु अतु । ( उत्पत्ति २२:१७, मिका ७:२०) 56 ५६) मरीयम लगभग तीन मयना रोयीन तेर घर जात रोयी ।
57 ५७) तेतार अलिशीबान फुकडायनेन टेम पुरु ओयु अने ची पुन्याह जनम आपी 58 ५८) तेरा हातेवाला अने घरमायला यो हमवीन ,की प्रभु दया तीनीपर मोटी दया ओयली से तींदरे हाथे खुब खुशी ओया । 59 ५९) अने आठवले दिह पुरयान बारे काढणे आवलो अने तेरो नाव तेरा बाबान नावोपर मेकणेम आवलो । ( उत्पत्ति १७:१२ ,लैव्या १२:३)
60 ६०) अने तेरी आयी जवाब आपी " नी " पुण तेरो नाव युहन्ना मेकु।
61 ६१) अने च्या तिनुह कोया ,तारा परिवार मा कुणीनुज यो नाव निमले। 62 ६२) तेतार च्या तेरा बाबाह इसारु कोरीन पुच्या,के येर नाव तु काय मेकण्यु । 63 ६३) अने च्यु एक पाटी मांगीन लेख देण्यु " तेरो नाव योहन से" अने आखा भी अचंभा ( आश्चर्य) करया । 64 ६४) तेतार तेरो मुय अने उघडी गयो ,तेतार च्यु बुलने अने परमेश्वरन बडाई कोरने लाग्यु । 65 ६५) तेतार तेरे आस-पास रोयणेवालाहा भीक लागी ,अने तीनी आखी वातन चर्चा ( खबर) यहुदीयान आखा बोयडा देसोमा फिर गई ।( फेली) 66 ६६) अने आखा होबोवणेवाला आपना आपना मन मा विचार कोरीन कोया " यो पुन्यो कोहलो ओयहे ,काहाके प्रभुन हाथ तेरे हाथे से ।( अतु ) 68 ६८) अने तेरु बाबु जकार्या पवित्र आत्मा देखु भरपूर ओय गोयु, अने भविष्यवाणी करणे लाग्यु | 67 ६८. प्रभु ईस्रराईलन परमेश्वर धन्य रये के चु तेरा माणहपर नजर करलु अने तींदरों छुटकारु कोरलु से।( भजन संहिता १११:९ ,भजन संहिता ४१:१८) 69 ६९) अने आपणा सेवक दाउदन घराणामा आमरे कोरीन एक उदधारन हिंग निकवलु से।( भजन संहिता १३२:१७ ,यिर्मयाह ३०:९)
70 ७०) जेहे च्यु आपणा पवित्र भविष्यवक्ताद्वारा जगमा पेहले देखो अयतो आवलो से कोयु । 71 ७१) एर अर्थ आमरा दुश्मन देखु अने आमरा आख… 72 ७२) के आमरा डायडाया पर दया कोरीन तेरी पवित्र वायदु अर करे,
73 ७३) अने च्यी शपत जी च्यु आमरु बाबु आबर अब्राम हाते खादलु ओतु ।(उतप:- 17:17) 74 ७४) के च्यु आमुहचो आपहे की आमु आमरा दुसमनन हाथोम देखा सुटहु। 75 ७५) तेरे सामने पवित्रता अने धार्मिकता देखा जीवनभर (हमेशान) कोरीन ने बीजे तेरी सेवा कोरता रोयहु। 76 ७६) अने तु हे पुर्या परमप्रधानन भविष्यवक्ता कोवायहे ,काहाके तु प्रभुन वाट तीयार कोरनेन कोरता अगव अगव चालहे ।( मलाकी ३:१, यशायाह ४०:३) 77 ७७) के तेरा माणहह उदधारन ( छुटकारान ) ज्ञान आपे ,जो तींदरा पापन माफी जुडहे ( ओयहे)। 78 ७८) यो आमरा परमेश्वरन तीनी मोटली करुणा ( दया) देखो ओयहे ,जीनान वजे उपर देखो आमुपोर हुधरोन उजावो ओयहे । 79 ७९) के अंदारो अने मरणन सांवामा बठणे वालाहा उजावो जुडे अने आमरा पायोह हाजीली सीधा चाले । 80 ८०) अने चु पुन्यु युहन्नु ,वाढतु अने आत्मामा मजबुत (वाढतु ) गयु ,अने इस्त्राईल पर प्रकट ओयणेन दिह तक जंगल मा रोयु।