2 २) यो पेल्लीवारीन नाव लेखने तीने टेमे ओयलो , जेतार क्विरिनीयुस सिरीयान राजपाल ओतु । 3 ३) अने आखा माणहे आपणा आपणा नावे लेखाने कोरीन आपने आपने गाव गया । 4 ४) अतः युसुफ भी इनान कोरता की च्यु दाऊदन घरानान अने परिवारन ओतु ,गलीलन नासरत नगर देखु ,यहुदीयामा दाऊदन नगर बेतलेम गोयु । 5 ५) के तेरी मंगतर ( लाडी ) मरीयम हाथे जी बारहाते ओती नाव लेखाडे । 6 ६) तीनीही चेंहरी रोयते तेरा फुकडायणेन दिहे पुरा ओया ।
7 ७) अने ची तेरा पेल्ला पुन्याहा जन्म ( पयदा ) ओयो ,तीनाहा लुगडामा गुंडाविन चारान जागे मेकी ,काहाके तींदरे कोरता शालामा जागु नी ओतु । 8 ८) अने तीना देसोमा कोतराक मेंडावाला ओता ,ज्या राती मुकवे जागे ,रोयीन आपणा टुवान राखवावी कोरता अता । 9 ९) अने एक परमेश्वरन देवदुत ( दुत) हाते आवीन उभ रोयु ,अने प्रभुन उजळ तींदरे चारी वखे चमक्यो अने च्या खुब भी गया । 10 १०)तेतार सरगदुत तीनुह कोयु " भिऊ मा;काहाके देखु ; मैं तुमुहु मोटी खुशीन वात कोयणे कोरीन आव रोयुहु जी आखान कोरीन से।
11 ११) के आज दाऊदन नगर मा तुमरे कोरता उदधारकरनारु जन्ममा आवलु से प्रभु मसी से। 12 १२) अने एरो तुमरे कोरीन यो निशान से, के तुमु एक पुरयाहा कपडामा गुडावलो अने डुरोन खुटामा लुटावडलो देखहत । 13 १३) तेतार कदम तीनी सरगदुतोन टुवु परमेश्वरन स्तुती कोरता जाईन अने यो कोयता देखाया । 14 १४) सरगोमा परमेश्वरन महिमा अने धरती पर ,तीना माणहन जीनदरे देखु खुस से ' शांती रोये । 15 १५) जेतार सरगदुत तींदरे पा देखा सरगम जात रोयला ,तेतार एकदीहरान कोया आऊ आपु बेथलेममा जाईन ,यी वात जी ओयली से,अने जी प्रभु आमुह कोयलु से देखहु। 16 १६) अने च्या लगेच जाईन मरीयम अने युसुफह अने चारामा तीना पुरयाहा । 17 १७) इनुह देखीन च्या तीनी वातेह ज्यो इना पूर्यान बारामा कयली ची वात समजी । 18 १८) अने आखा हंबोवणारा ,तीनी वातो देखु च्या गुवाव्या कोयला खुब आश्चर्य ओया । 19 १९) पुण मरीयम यी आखी वाते तेरे मनमा मेकीन विचार करतली । 20 २०) अने गुवाव्या जहलो तीनुहु कोरणे आवलो ओतो ,तेहेज आखा हंबवीन अने देखीन परमेश्वरन महिमा अने स्तुती करता करता गया। 21 २१) जेतार आठ दिही पुरा अया ,अने तेरो बारे कादणे टेम आव्यु ,ते तेरो नाव येसु मेक्या ,योनाव सरगदुतो देखा तेरो पेटोमा आवणेन पेल आपणेमा आवलो अत।( उत्पत्ति १७:१२, लैव्या १२:३) 22 २२) अने जेतार मुसान व्यावस्था ( नियम) नुसार मरीयमन शुद्ध ओयणेन के प्रभुन सामने लावे ।( लैव्या १२:६) 23 २३) जेहे के प्रभुन व्यावस्था मा लेखलो से," हर एक पेहलाठया मा प्रभुन करीन पवित्र मानायहे ।( निर्ग १३:२,१२) 24 २४) प्रभु न व्यावस्थान वचनन नुसास पाणकुकडान एक जोड नीते कबुतर न दुय बच्चा लावीन बलीदान करे। (लैव्याव्यवस्था :१२ : ८) 25 २५) तीने टेमे यरूशलेममा शीमोन नावन एक माणुह ओतु च्यु माणुह धोर्मी अने भक्त ओतु , अने इस्त्राईलन शांतीन वाट देखतोतु अने पवित्र आत्मा तेरे पर अतो। 26 २६) अन पवित्र आत्मान दोखो प्रकट अय , के जेतार तक प्रभुन महीमा हा देख नी लेय तेतार तक मरणह नी देखे। 27 २७) अने आत्मान सिकाउने देखु मंदीरमा आव्यु ,अने जेतार आई - बाबु तीना पुर्या येशुह मायता लीगया , के तेरे कोरीन नियमन रिती।
28 २८) तेतार च्यु तिनाह तेरा खुवामा लेदयु अने परमेश्वरन धन्यवाद करीन कोयु।
29 २९) " हे प्रभु तार दासह तारा वचनन नुसार सांत देखु मुकोल दे। 30 ३०) काहके मारा डुवा तारा उद्धार ह देख लेदला से ।
31 ३१) जेहे तु आखा देसन माणहोन सामने तियार करलु से। ( यशायाह ४०:५)
32 ३२) के अलग जातिमा यो खंर प्रकट करनेन कोरीन एक दिवु बोणहे , अने तेरा हातेन माणहे इस्त्राईलन महीमा ओये। ( यशायाह ४२:६ यशायाह ४९:६) 33 ३३) अने तेरू बाबु अने तेरी आई इनवातोह जो तेरे बारामा कोयतोता आस्चर्य कोरता अता। 34 ३४) तेतार शिमोन तीनुह आशीर्वाद आपीन तेरी आई मरियमह कोयु ,देख युते इस्त्राईलमा खुबोह पाडणे अने उठाडणे कोरीन एक ओहलो चिन्न ओयणेन कोरीन ठरवायलु से,जेरा विरोधमा वात ओयणी से।( यशायाह ८:१४-१५) 35 ३५) पुण तेरु जीव भी तलवार करीन आरपार छिदहत इनासे खुबोन ह्रदयन ( दिलन) विचारे प्रगट ओयहे । 36 ३६) अने अश्शेर कुल मा देखी हन्ना नावन फनुएलन सुरी एक भविष्यवक्तीन ओती ,ची खुब डायी ओती ,अने वियाव ओयणेन बादमा सात वरीह तेरा घरवावा हाते रोयली ओती । 37 ३७) ची चौरयासी वरहन रंडायली अती , अने मंदीरह नी सुडतोती पुण उपवास अने प्रार्थना करकरीन रात दिह उपासना करतोती । 38 ३८) अने ची तीने टेमे चेहरी आवीन परमेश्वरन धन्यवाद ( बोडाय ) करती ,अने तीनु आखाहा जो यरुशलेमन छुटकारान वाट देखतोता ,तीदंरा बारामा वातु कोरने लागी ( यशायाह ५२:९) 39 ३९) अने जेतार च्या व्यावस्थान ( नियम) अनुसार आखो आपटीज गालील मा आपणा नासरत नगर वापीस जात रोया । 40 ४०) अने पुन्यो वाढतो ,अने बलवान ( ताकतमा) अयतो ,अने बुदधीमा भरपुर ओयतो गयो अने परमेश्वरन कुरपा तेर पर अयती गई। 41 ४१) तेरा आई बाबु हर साल काटनीन तिवार पर यरुशलेम जाया करता अता ।( निर्गमन १२:२४-२७, व्यवस्थाविवरण १६:१-८)
42 ४२) तेतार च्यु बारा वरहन ओयु ,तेतार च्या तिवारन रितीनुसार यरुशलेम मा गया । 43 ४३) अने जेतार च्या दिहेपुरा करीन वापीस आवतता ,तेतार च्यु पुर्यू येशु यरुशलेम मा रोय गयु , अने यो तेरा आई बाबाह मालुम नी पोडयो ।
44 ४४) च्या यो समजीन कि च्यु आवणारा माणहो हाते ओहे , एक दिहन चालनेन निकवी गयो , अने तीनाह आपणा हगामा अन उरवायता माणहोमा हुदणे लाग्या या । 45 ४५) पूण तेतार नि जुडयु ,तेतार हुदता हुदता वापीस ( फचा) यरुशलेम मा गया 46 ।४६) अने तिन दिहनमा च्या तीनाहा मोदीरमा उपदेशकन विच मा बठलु,तिदंरो हंबवतु आनु तीनुहाते वातचीत ( सवाल-जवाब) करतलु देख्या । 47 ४७) अने जोतरा तेरो हंबवता,च्या आखा तेरी समज अने उत्तरों देखा चकित अता । 48 ४८) तेतार च्या तीनाहा देखीन चकित ओया ,अने तेरी आई तीनाहा कोयी हे पुन्या तु आमरे हाते एंहे काहा व्यावहार कोरलु ,तारु बाबुन मी कुरकुर करता जाईन तोहो हुदता ओता । 49 ४९) च्यु तिनुह कोयु ,तुमु मेहे काहा हुदता ओता ,तुमुह नी मालुम ओतो काय कि मी मारा परमेश्वर (बाबान ) घरमा रोयणे गरज (अवश्यकता) से।
50 ५०) पुण जी वाच्यु तीनुह कोयु ची वात च्या नी समझ्या । 51 ५१) तेतार च्यु तीदंरे हाते गोयु ,अने नासरत नगर मा आव्या ,अने तिदंरे हाते रोयु अने तेरी आई यी आखी वाते तेरे मनमा राखी ।
52 ५२) अने येशु बुद्धी अने डिलोमा अने परमेश्वर अने माणहम अनुग्रह मा वाढतु गोयु।( १ शामु २:२६, नीतीवचन३:४)