¹ हे बायहो जोर कुण तुमरे विस्मा काय पो पापोमा सापडी जातलो , ते तुमु तिनाहा हवावा एने नोमीन सोमजाडजु ,एने फोसा बुरहामा लावजु क्ष,काहाके तुमु पोवित्र आत्मान ओगवायी दोखा जीवतला से,पुण तुमु काय बी पापोमा पोडनु नी जुवे, कोरीन खुब सोमावीन रोयु ।

² तुमु एक दीहरान वोजु उचलीन मोदत कोरु एहे कोरीन तुमु यीसु मोसीन नेमोह पुरो कोरजु । ³ कायीज नीम्बे ती बी जोर कुण सोताह ओयु सोमजतलु ते च्यु सोताहाते दोकु देतलु ।

⁴ एकेक माणुह तेरे सोतान कामोह फारकीन बावणु जुवे ,तेतार च्यु तेरे कामोह एकदोम हाजो कोरलु कोरीन मोठाय कोर सोकतलु

⁵ काहाके हर एक माणहो आपणो भार उठावणु पोडहे । ⁶ ज्या तुमुह बोगवानोन वोचन देखाडतला तुनुह तुमरा आखा हाजला चीजोन वाटु आपु ।

⁷ तुमु सोताह दोकु मा देवु बोगवानोह कुण बी गांडु नी बोणाव सोकतला ,आपु केहेंक जीवतला कोरीन च्यु जाणतलु माणुह ज्यो उरे च्योज वाडहे ।

⁸ जोर तुमु तुमरा सोतान डीलोमा पापोन खोराब इस्या मानीन जीवे ते तुमु नास ओय जाहोत ,पुण जोर तुमु पोवित्र आत्मान मानिन जीवे ते तुमु जोलमकिज जीवाय जीवहोत । ⁹ एने आपु हाजो काम करने हिम्मोत नी सुडजे ,काहाके जोर आपु हाजो काम कोरता जायीन वातोडा रोयहु , ते बोराबोर टेमोपोर कोमाय वाडहुन वाडहु ।

¹⁰ जेतार बी आपुहु सोंदी जुडे ,तेतार दीहरान कोरता हाजा काम कोरजु ,खास कोरीन विस्वासी बायहो कोरता । ¹¹ देख मार आथो कोरीन कोरता मोटा आकडामा तुमुह चिठ्ठी लेख्यु ।

¹² जोतोरा माणहे शरीरोन देखावो कोरतला से च्या चामडा कातरनेन रीत बोवजोबरी कोरनेन कुसीस कोरतला ,काहाके च्या मसीन कुरुस ओतरुज आपुहु वाचाड सोकतलु कोरिन हीकाडीन च्या दुःख वेठणे नी हुत्तला ।

¹³ एने च्या चामडो कातोरनेन रीत कोरतला च्या लोगोण येहुदी नेमोह पुरी रिते काय नी पाव्या ,पुण च्या तुमुह चामडो कातोरनेन रीत कोरावणे हुत्तला,काहाके च्या तुमरा डीलोन बारामा मोठाय करने । ¹⁴ पुण ओहलो नी ओयनु जुवे की यीसु मोसीन कुरुस खांबा पोर मोरयु ,कोरीन यीसुन कुरुस खांबान बारामा ओतरुज मी मोठाय कोरतलु, काहाके यीसु मोसीन ज्यु कुरुस पोर चोडावीन खीला ठुकलान होस से , एने कोवीन माणहोन नोजरोमा मी बी कुरुस पोर चोडावीन खीला ठुकायलु देखायतलु ।

¹⁵ जोर एक माणुह चामडा कातरनेन रीत कोरलु के नी कोरलु यो खास नींबे पुण बोगवानोमा आपु पुरान पुरा नोवला बोणता जाऊ च्योज खासु से ।

¹⁶ ज्या माणहे बोगवानोपोर बुरहु कोरतला बोगवान तीनुहु सुख सांती आपहे , एने इसरयेली माणहो पोर दोया ,कोरहे एने च्या खोराखोर बोगवानोन नोवला माणहे से । ¹⁷ एने ओगोव दोया मे दुःख जुण देता ,काहाके यीसु पायोन यंगोहो आपणा दिलो फिन फिरतलु से ।

¹⁸ ए मारा बायहो पोरबु यीसु मोसीन दोया तुमरी आखान जीव आत्मा हाते रोये।