¹ मोसी आपुह नेमोन काबामा दोखु पुरी रीते सुडाव देल्लु ; कोरीन एवी आपु नेमोन काबामा नींबे कोरीन तुमु पोक्का रोयु , एने तुमरी जीवायोह नेमोन जुवावामा जुपिन फोसा गुलाम जुण बोणता।

² मी पोवलुसयो तुमुह कोयतलु ,तुमु हाजीहुते होंबु , जोर तुमु बोगवानोन ओगोव दोरमी बोणनेन कोरता चामडो कातोनेन रीत कोरने हुत्तेला ते तुमरे कोरता मोसीन बादान ; कायीज फायदु नी रोये । ³ पुण मी तुमु ओवी कोयतलु , के चामडो कातोरनेन रीत कोरनेमा जोर तुमु बोगवानोन नोजरोमा हाजा बोणने कसीस कोरतला ते तुमुह आखा नेमे माननु पोडहे ।

⁴ एने तुमु नेम पावीन दोरमी बोणने हुत्तला ते तुमु मोसी दोखा सेटा ओय गोया,एने बोगवानोन कुरपा दोखा बी सेटा ओय गोया । ⁵ पुण बोगवानोन ओगोव दोरमी बोणनेन कोरता आमु पोवित्र जीव आत्मान मोदत दोखा बुरहु कोरीन आसा कोरीन वाट जुवतला।

⁶ काहाके जोर आपु यीसु मोसी पोर बुरहु कोरतला,ते आपू एक माणुह चामडो कासोरनेन रीते कोरलु के नी कोरलु यो खास नींबे।

⁷ तुमु ते एवी भोली भाती दोवडतला ओता , एने खुण तोरी तुमुह रुक लेदा ,एने काहाके तुमु खोरलाहा नी माने ।

⁸ ओहली हिक तुमुह हादने वावा दोखु नींबे ⁹ थुडुक खाण्यु सोहु आखा कुहोणला लुयेह जेवुणवालु कोर देतलु।

¹⁰ मी पोरबु पोर तुमरा विषयोन दोखु बुरहु मेकतलु के तुमरे दिहरो विचार नी रोये ,पुण जो तुमुह घाबराव देतला से ,च्यु काय कुण बी ओहे तिनाहा दण्ड जुडहे । ¹¹ ए बायहो मी वाच जाणेन कोरता चामडो कातोरनेन रीत कोरनु जोरुडी से,एहे एवी लोगोण मी हीकाडलु ओहे ते ,कुरुस पोर मोरलु।

¹² भोलो ओयतो के जो तुमुह डावोडोल कोरतला च्या आपणो डीलोहो बी काट डालतला । ¹³ हे बायहो नेमोन काबामा दोखु तुमु वाचीन सुटला रोयणे कोरता बोगवान तुमुह बुलाडलु से,आपु नेम माननेन दोखा सुट गोया ,एहे विचार कोरीन आपणा डीलोमा मोनोन इस्या दोखा नी जीवतु,बाकीन मोंग हाते एक दिहरान बी सेवा कोरजु ।

¹⁴ काहाके आखी नियोम यी एक वात मा पुरी ओय जातली से तु तारी होर हाते वावी तारो सोतान गोत प्रेम कोरजी ।

¹⁵ पुण जोर तुमु कावरायला जोनवरोन होस ओंबा सोव्वा चावीन नुकसान कोरणे बाज रोयला ते सोमावीन रोयजु ,नी ते तुमु आखा सोत्यनास ओय जाहोत । ¹⁶ मी तुमुह कोयतलु ,पोविग जीव आत्मा तुमुह जेहे ओगवायी कोरतली तेहेज चालजु ,तेतार तुमरा डीलोन खोराब इस्या नी कोरोत।

¹⁷ काहाके डील आत्मा विरोधमा एने आत्मा शरीर के विरोधमा लालच कोरतलो ,एने एक दिहरान विरोधी सेताहा ,इनान कोरीन तुमु ज्यो कोरने चाहतला च्यो नी कोरनु जुवे ।

¹⁸ अगर तुमु आत्मा चालणु चालता ते नियोमोन आधीन नी रोयता ¹⁹ जोर तुमु डीलोन खोराब इस्या मानीन चालतला ते तुमरी जीवायमा दोखा खोराब कामे निकोवहे ,सीनावो खोराब वीचार ,चोगलाय ।

²⁰ मुरती पुजणे ,एने बुडवाचमा मोन वावणु जोखडी पोडनु कुयरायणु ,खोतायणु ,एने सोतापमा ,जोगडु कोरनु ,एने सोतानुज वीचार कोरनु ,ठोटाये आंगे ओयणु ,जोगडु लागाडने ।

²¹ खोर राखणु ,दारकुटयु ,साकीनु नाचीन पारटी मोनावणे दीहरा सीनावान होस गोलत कामे कोरने जोर तुमु तुमरा मोनोन खोराब इस्यामा यो आखो कोरहोत एने खोराखोर मी तुमुह फोसु कोयतलु के जोर तुमु आखा गोलोत कामे कोरया ,ते तुमु बोगवानोन राजोमा नी जाय सोकतला । ²² पुण आत्मान फोव ,मोंग कोरनु ,खुशीमा रोयणु ,सांतीवार मीवीन रोयणु ,दीर दोरनु दोया कोरनु ,दीहरान हाजो काम कोरनु ,इमानदार रोयनु ।

²³ नोमीन रोयणु , एने सोताहा काबामा मेकणु ,पोवित्र जीव आत्मान यो आखो आपतली ,या नेमे सुडीन तेर विरुद्ध काल्लो बी नेम नींबे ।

²⁴ च्या यीसु मोसीन से च्या तीदंरो खोराब डील एने डीलोन खोराब इस्या आखो कुरुस खांबा पोर चोडाव देल्ला से। ²⁵ एवी पोवित्र जीव आत्मान मोदत दोखा आपु जिवतला से ,कोरीन आपु पोवित्र आत्मान ओगोवा यी दोखा जीवनु जुवे ।

²⁶ एने आपु मोटाय नी कोरनु ,एने दीहरान सोंतान नी चोडावणु एने दीहरान कुयरायणु नी।