¹ Mädäje tamedä Isadaeditacomo yää jatawoncomo mmaja cöntonto chuta jemjönö Zinña awadenato nunä wajäntädö cönennojaicho Cedesña yätä cönämai Miriam cönewacaicho yaawä. ² Yää jatawoncomo tuna jeda cönäjato mädäje cönejunmaicho Moisés Aron Juntacadänñe. ³ Soto cönämatoicho Moisés jäcä cönädöato chänöng'e eichö cöneiyacä ñanno jadänñe cöwämajäcänñe yaawä ñanno quijinmotoncomo isadaeditacomo cönäjajoicho da´wä Cajiichaana Wanaadi je'taca. ⁴ Aanecotojo Cajiichaana sotoi menetäne sadä nono chutajemjönö aca yäjajodöcomo wetä ñaa ecööntomo mmaja. ⁵ ¿anecotojo inña cöjacanöjone Egipto ñanno ñaa enejödö wetä conenjönö dewä ?dhadödö jeda etä Higos jeda mmaja viñas granadas jeda mmaja tuna tängemö jeda mmaja. ⁶ Mädäje Moisés Aarón acä cöntonto yejunma’como jetacai’ñe. Cöntonto yejumatocomo imaichomo womon’tojo diinña cönemotäjäti’cho tudhenñe. Yäätä CAJICHANA WANAADI ashichatoje töweichö cönenejoi chäwäi’ñe. ⁷ CAJICHANA WANAADI cönadeuwi Moisés wää cönädöa’cä : ⁸ "ajäi’chä adheseji ijumacoto soto amäädä adhacono Aarón mmaja adhadeu’cä toju’ wä ñenedöcomo’je ecanmacä tuna otunacachai’ye. Amäädä meneja’de tuna toju acanno u’cäde yaawä soto wäiñe chäcönöcomo wocö’dö mmaja. ⁹ Moisés tä’seji cönajäi Cajichana WANAADI wanontäjödö nönge cönnöi. ¹⁰ Yäjemma yawä Moisés Aarón mmaja cönejumaicho toju je’taca Moisés cönädöa’cä: etatäcä eduwa änwanno anetajöncomo ¿ tuna ñña nuuca änadöcomoje ? ¹¹ Yä’je Moisés tamädö cönannäjöi Aa’cäde toju cönaijucui täseji’que tuna joje cönejacai yaawä cönenicho yawä yää jatawon’como chäcönöcomo mmaja cönenicho’dea. ¹² Yäjemma yawä CAJICHANA WANAADI cönädöa’cä Moisés wwä Aarón wwä mmaja: anequenei yecamjöda mato meyaquene ashichato äntuda ashichato’je weichö Isadaedita’como emjatawäiñe, änwanno anaa’däda matode canno wejunmacomo öwö untudu nono de’wä. ¹³ Edä weichojo cönetäi tuna Meriba ññano’je Isadaeditacomo wotä’cujotöjocomo CAJICHANA ja’dä yä’tä töwö cönänejoi töwö jede’a chäwäiñe ashichatoje. ¹⁴ Moisés cönennojai ecammanei Cades ñanno cajichana Edom ñano wadädä aweichacono Israel nädöa edäje odhowanäcä’na tamedä conenjönö yejadäjätöjödö ñña jä’cä. ¹⁵ Odhowanäcä’na ñña owajo cönäjatodö egipto ña cönätoichodö cänejatatoicho egipto ña numa yeichö’cwacä. Egipto ñancomo ñña maminchatä cönäjato töjadojonede’ja ñña owajo cönäjatodö mmaja. ¹⁶ Yaawä ñña’wä yademecödawä CAJICHANA WANAADI töwö cönetai ñaa enö cönennojai yawä toni Angede ñña u’cane egipto ñanno, enecämma Cades ña caato yää jata yedatoncadö nono jonno. ¹⁷ Äwä we’caa ñña wejadotojo ononodö’ai ñña ejadätäda naade anatödö ñatötajä nono dewä Tuna anenöda mmaja ñaa yä änadiiyö. Ñaa nö’tade cajichanacomo e’madöcomo ai o’cumeda ñaa naade omudato döseda omudenjönö döseda mmaja yää shadätädö’cwacä ononodö ye’tontädö. ¹⁸ Yäwä Ñädä cajichana Edom cönecujätöi: amädä ejadäja’chama edä’ai. Äwä tödöajäcä, Öwö weade Äwänätä. ¹⁹ Mädäje yawä isadaeditacomo cönädöato chäwä: adaijoto ämatai ñña nötade ñaa ecöntomo mmaja engajäcä Yää änadö Ñaa nejemade, ajojoancädäda ñaa no’joimañojo. ²⁰ Yawäne cajichana Edom cönecujäa’cä Önwanno ejadöjaicha mato mädäje cajichana Edom cönejä isadaedita juntacadäi joduje tösotoi jadäiñe. ²¹ Töwö cajichana Edom shadojosenñeda cönäjacä tönonodö we’ctontädö ai mädä’jotädöje isadaeditacomo cöntonto Edom nonodö jonno. ²² Mädäje soto cöntonto Cades ñanno Isadaeditacomo mmaja Jaata woncomo mmaja cönejoto Jöö Hode jödö döiña. ²³ CAJICHANA WANAADI cönadewöi Moisés Aarón wä mmaja Jöö Hode jödö dewä Edom nonodö wectontä’dö dö’tä cönädöa’cä : ²⁴ Aarón ijumacoto osotoi, yawä töwö omomöda naade isadaeditacomo wäiñe untudu nadö aca, edö yää eduuwa canno ya ’deedu juntacadö cönadewöichodö tuna Meriba ñanno. ²⁵ AJäichä Aarón inñedö Eleazar mmaja annucoto yää jö Hore jödö decäi. ²⁶ Efinñacä Aarón yomöque WANAADI wä ya' detojo inñnedö Eleazar yontäcä yawä Aarón wämadö tujunne na yäjinmätädö ijumacoto yätä . ²⁷ Moisés cönnöi CAJICHANA WANAADI wanontä’jödö. cönäncu’cho yä jöö Hore jödö decäi yä jatawoncomo nenedöcomoje. ²⁸ Moisés cönajäi Aarón womö WANAADI wä wadetojo cönwontäi yawä inñedö Eliazar . Aarón cönämai yätä jöö dewä. Yawä Moisés Eleazar mmaja cönotoicho. ²⁹ Yawä tamedä jata cöneneato Aarón töwääma yeichö, tamedä jata weichö wacä cänamoicho Aarón junne tooni sototo dewä amoojadö anoto cwua’cä.