¹ Ubakumbushe kwika kobakolo ne mamulaka, ko batena ne koba tayari kwe molemo mwachi. ² ubakumbushee kuushi komotendela mondo yeyote bibe, batene koochana, babe koecha bando bakine mafasi kwe kotenda maamuzi, na komonesha nyenyekevu kwe bando base. ³ kwa kuwa baatu tobe ne mawazo ye upotevu ne bando babe, tobe mokochimbela bashi kututecha batumwa kwe tamaa mawelele ne kuchikana. Tobe kuchikana kwe wivu ne ofu. Tobe kuchikaza ne kuchizikana. ⁴ Nde bobo lokwa lwe FidiNyambe wiito na upendo wake kwe bando base komoneka, ⁵ kutashi kwe matendo me haki twashi kotecha, alakini kwe neema yake. Obe kotookowa kotokomba koboteka kopya na koketa kopya kwe motema motakatifu. ⁷ Washi kotecha bobo bashi kotobaleka twe nesambo kwe neema yake, tobe bando be kweli kwe maisha ye milele. ⁸ Eko ne koocha mwaachi eno ne mafundisho ye koaminika. Washi kotenda kwe nguvu mwanda ona, kini balya bashi kocheba FidiNyambe babe ne likanyi kwe molemo mwaachi washi kobeka kombala kwaba myanda myachi me ne faida kwe bando base. ⁹ Alakini jiepushe ne kupinjana mabe, mashindano ne kotutana kole sheria, myanda ena iishi ne maana ne faida. ¹⁰ mokane mondo obe ko sambakanya mambo mino. Kwe baada kwe mashauri ye mosa ao mobele. ¹¹ Nde bobo mondo we bobo ushi kolekela njela nyaachi washi kotenda zambi ne kujibeza mwene. ¹² Nabe komotoma kwake Artemi ao Tikiko, techa lobelo lobelo obeake kwane eko Nikopoli kwe nashi koamua kwe kipindi mashika. ¹³ otecha lobelo lobelo omtume Zena omokocheba kwe sambo, na Apolo, ukushi kupungukiwa ne kyendo. ¹⁴ Bando bito we ne lazima ye kuifunza molemo mwaachi we mahitaji ma lazima nde bobo batashi kobota matunda. ¹⁵ Base babe ne meno washi kokoecha moyo. Moyo we bale be mokotokonda kwe imani. Cho neema ebe ne bando base.