¹ Bobo awe koocha yekoyaka ne maelekezo ye koaminika. ² Banunu babe ne kiasi, ne koeshimisha, ne busara, ne imani maachi, kwe mapendo, ne kwe uvumilivu. ³ Bwebo dya bana bakachi banunu be lazima ye komoneka abo bene na kwamba bashi kujiheshimu ne bashi kotetana. Ni lazima batachi batumwa be malu. ⁴ Babe mokofundisha mambo maachi ele kobeka totombe kwe lokanyi kobakonda balume babo na bana babo. ⁵ bashi kobafundisha babe ne hakima, bosafi, babe kofunza ndabo yabo, batene balome babo. Yachi kuba lazimisha mwanda ona nde bobo kwe mwanda we FidiNyambe lishi kosambolwa. ⁶ nde bobo kwe namuna eyo, bateche motema bana ba balome babe ne lokanye. ⁷ kwe njela mase ubeke bano bene busulutane kwe makazi maachi; ne kofundisha kwino kokoneke kwa kwaachi ne heshima. ⁸ Mooche manda mwaachi, itashi mondo wokupinga omoneke ne masoni kwe sababu ndashi ne mwanda ye koocha ne banu. ⁹ Baeka batene bakulu babo ku kila kendo. Batende kobafurahisha kotashi kopingaa naboo. ¹⁰ Kotqshi koeba, komongo kwake bashi komonesha imani myaachi nde bobo kwe njela mase wapambe mafundisho mito kwe FidiNyambe wito. ¹¹ Kwe neema ye FidiNyambe yashi komoneka ku bandu base. ¹² Yashi kutufundisha kokona myanda etashi ye FidiNyambe ne tamaa ye kibalu. yashi kutufundisha kutashikana kwe busara, kwe haki, kwe njela ye FidiNyambe kweeno wakati. ¹³ ne wakati tomokolama kopea tumaini lito ye baraka, Komoneka kwe utukufu we FidiNyambe kwito mokolo ne mwokozi wito Yesu Kristu. ¹⁴ Yesu witolea mwene kwi ajili yito obe kotokombola kwe uasi, kotobeka baachi, kwe ajili yake bando maalumu be kitecha mole mwachi. ¹⁵ ocha na kushimika myanda ena . Kokona kwi nguvu mase. Ndokaitabike mondo mwise kokona.