¹ Bana,kengi ababusi binyu,kushimbana na N'nahamwirhu,bulya ko bishinganine. ² Okenge sho na nyoko l'irhegeko lirhanzi liri kw'echiragane, ³ lyoba muniragi onalame kasanzi kanji omwigulu. ⁴ Ninyu mwe babusi,naninyu mwe babusi,murhaka halalira abana chikoki mubalere,mukabahanula n'okubayigiriz'okwa N'namahamwirhu. ⁵ Bakazi,mukenge ba nnahamwinyu b'omubiri,muchirhohy'emurhima,n'echoba n'omusisi,muchirhohye emurhima,kula mwakanajirira Kristu. ⁶ Arhali kwone bulya bali bamubona,kula basimisa abantu,chi nka bakozi ba Kristu,bakukola n'omurhima mwinja amalonze ga N'namahanga. ⁷ mMumukolere n'omurhima goshi,nka balibakolera N'nahamwirhu charhali bantu. ⁸ Mumanyirir'oku ngasi muntu,akaba muja,erhi agwerh'oluhuma,ayishi hembwa na N'namahammwirhu kushimbna n'ebinja ajijire. ⁹ Ninyu,ba nnahano,mujire ntyo emunda bali,murhanaka bahuguga mumany'oku nnawabo yena nnahamwinyu ali n'omu mpingu,na yeh'arhajira nzigirizi. ¹⁰ Okubisigire,muzibuhe omu N'nahamwirhu,n'oku misi yage y'obuhashe. ¹¹ Muyambal'empenzi zoshi za Nnamahanga,lyo muhash'okuyimanga n'oburhwali n'okuhima amengehushu ga shetani. ¹² Bulya rhurhalwira nyama na muko,chikoki enyanya ly'amami,na mahashe,n'enyanya ly'abarhwali b'omulino igulu lyo mwizizi,enyanya ly'abazimu bakali b'emlunga. ¹³ Cho chirhumire,muyambaliz'empenzi zoshi za N'namahanga,lyo mulegama omu nsiku mbi,munayimange n'oburhwali hano muhima. ¹⁴ Muyimange,muchishweke okuli nka mikaba omu bibuno binyu;muyambale n'ensiribo y'okuli; ¹⁵ muyamabale obubidu nka birato omu magulu ginyu bika han'omwanzi gwo murhula; ¹⁶ ne nyanya lyebyo byoshi,muhebe kw'empenzi y'obwemere,yo yazimya emyampi yoshi yo muliro yo mulyalya; ¹⁷ murhole n'ensirha y'obuchunguke,n'engorho y'omurhima,ko kali kanwa ka N'namahanga. ¹⁸ Ngasi mango muka huna n'oku nyinginga omunjira ya Muka.Mushibirire muna lalire,mukahunira na batakatifu. ¹⁹ Muka mpunira,lyo mpabw'obuhashe,amango na bumbula akanwa,nnampamule n'oburhwali ebisomeza by'emyanzi y'akalembe. ²⁰ Eyi erhumire ndi murhumisi omu bujogoro,na mpabwe okuderha nkoku bishinganine oku biderha. ²¹ Lyo ninyu,mumany'ebinyerekire,ebindinajira,Tikiko,mwene wirhu muzigirwa na mukozi mwikubagirwa omu karhi ka N'nahamwirhu,amumanyisa byoshi. ²² Nmurhumir'emwinyu dubaduba,lyo mumanya gurhi rhulamire,anarhulirize emirhima yinyu. ²³ Omurhu n'obuzigire n'obwemere bib'emwa bene wirhu kurheng'emwa Larha N'namahanga n'emwa N'nahamwirhu Yesu Kristu. ²⁴ Olukogo lube emwa boshi abazigira N'namahamwirhu Yesu Kristu oku buzigire burha hinduka.