¹ Paulo,ntumwa ya Yesu Kristu oku bulonza bwa N'namahanga,okuba bashinganyanya balya bali e'Efeso na birhonzi omu Yesu Kristu. ² Olukogo n'omurhula muguhabwe kurheng'emwa N'namahanga Larha wirhu na N'nahamwirhu Yesu Kristu. ³ Agishwe N'namahanga Ishe wa N'nahamwirhu Yesu Kristu,ye warhugishag'emigisho yosi y'omurhima ahantu hachir'omu Kristu. ⁴ Erhi omu ye N'namahanga arwishizire embere ly'okulemwa kw'igulu,mpu lyo rhuba Batakatifu na bazir'ishembo emalanga gage. ⁵ Arhul'omukarhi k'obuzigire bwage erhi rhube bana bamwimo oku Yesu Kristu,kushimbana obwinja,oburhimanye bw'olukogo lwage. ⁶ Olwikumbo lw'obukuze bw'olukogo lwage lw'arhuhaga oku muzigirwa wage. ⁷ Kugerera ye rhugwerh'obuchunguke oku muko gwage,mababale g'ebyaha kushimbana n'obuhirhi bw'olukogo lwage, ⁸ Ye N'namahanga abalagaga bwinja bwinj'emwirhu bilya byoshi byoshi by'obwirhonzi n'obwenge. ⁹ Arhujir'okumany'ihwe ly'obulonza bwage,kushimbana n'enshusho ajirag'omu yene, ¹⁰ lyo rhubikolesa amang'akasanzi kahika,n'okuheb'ebintu byosh'omu Kristu,ebiri omu mpingu n'ebiri omw'igulu. ¹¹ Omu ye nirhu rhwabire mwimo,arhwishoga kushimbana n'obulonze bwoly'okajir'ebintu byoshi kushimbana n'ihano ly'obulonza bwage, ¹² lyo rhuyishi kol'oku burhundulike bw'irenge lyage,rhwe rhwalangalire bwenene omu Kristu. ¹³ Omu ye,ninyu enyuma ly'okuyunv'omwanzi gw'okuli,enyigirizo z'obuchunguke bwinyu,kugerera ye mwayemire n'oku hebwa kw'echimanyiso cha Muka Ochire olya balaganyagya, ¹⁴ ye bugwarhizo bw'omwimo gwirhu,oku buchunguke bw'abalya N'namahanga achijiriraga,oku bwirhundulike bw'obukuze bwage. ¹⁵ Chochirhumire nanani,erhi nyunva baderh'obwemere bwawe oku N'nahamwirhu Yesu n'obuzigire bwawe oku batakatifu boshi, ¹⁶ ntarhama oku vug'omunkwa emwinyu,n'okubakenger'omu mahuno gani, ¹⁷ lyo N'namahanga wa N'nahamwirhu Yesu Kristu,Larha w'obukuze,abah'omurhima gw'obwirhonzi n'obumanye,omu karhi k'obwenge bwage. ¹⁸ n'okuheb'obulangashane omu masu g'omurhima gwinyu,lyo mumany'obulangalire bukachiheb'oku buhamagale bwage,bugale buhi bw'obukuze bw'omwimo gwage gulu mukubulire ab'okuli. ¹⁹ na bich'emwirhu rwe rhuyemire obuhamu burhahwa bw'obuhashe bwage,okuchikuza n'emisi oku bulonze bw'emisi yage. ²⁰ Ayirhumire omu Kristu,erh'amufula kurheng'omu bafire,n'oku mutamaz'ekulyo kwag'omu mpingu, ²¹ enyanya lya ngasi burhambule,na ngasi bukulu bwoshi,na ngasi buhashe,na ngashi bushinganane,na ngas'izino lyoshi lirya lyakaderhwa. ²² Ahebire byoshi idako ly'amagulu gage,anamuh'obukulu bwenene omw'ishengero, ²³ gwo guli mubiri gwage,buyunjuze bw'oly'okajira byoshi omu byoshi.