¹ Okwo kwo kurhumire rhukwanine rhucishwekere oku nyigirizo rhwayunvire,lyo rhurhagi lalaha. ² Bulya akaba burhumisi bwa bamalahika bwa yunjwire na ngasi wadesire mpu abugomera erhi mpu arhayunvagya ahabirwe obuhane bukwanine, ³ kurhigi rhweki rhwankashihash okufuma erhi rhwankagaya obucire bungana obwo? Obwo bucire burhanzi bwamanyisibwe na Nnahano nabo ababuyunvire babuhamiriza muli rhwe. ⁴ Nnamahanga yene aseza obwo buhamirizi omu kuyerekana ebimanyiso n'ebirhangaza n'ebisomerine bya ngasi lubero,haguma n'enshokano za Muka Mutakatifu nkoku alonzagya yene. ⁵ Bulya arhali bamalahika adesire mpu barhabule eryo igulu lyabe rhudwire rhwaderha. ⁶ Ntya, hali owaciderhire halebe erhi, "Omuntu aligi cici mpu wamukengera? Mwene Omuntu,alindi mpu wamushibirira? ⁷ Wamujizire munyi hisungunu hyone kuli bamalahika wamuyambika ishugwe ly'irenge n'obukuze. ⁸ Byoshi wabihizire aha magulu gage,akaba amuhire obuhashe bw'oku rhegeka byoshi,ntaco alesire cirhali cage.Ci kwonene,oku rhuli buno rhurhabwini kurhi byoshi biri omu burhegesi bwage. ⁹ Ci olya warhagijirwa munyi kuli bamalahika,Yesu,yoyo okola oyabire ishungwe lyirenge n'obukuze,bulyala ahabirwe anafa.Kwanali kukwanine arhagifa,lukogo lwa Nnamahanga na buguke bwa ngasi muntu birhumire. ¹⁰ Erhi Nnamahanga alonza mpu ahise bagala banji omu irenge kwali kushinganine Nnamahanga.NN'ebintu byoshi na Lulema wa byoshi,arhagiyumanyanya n'amalibuko ecirongozi cabaheka omu bucire. ¹¹ Bulyala omumanya n'omumanywa nsina nguma bajira.Cocirhuma arhaba nshonyi z'okubaderha balumuna. ¹² erhi: "Namanyisa balumuna bani izino lyawe;omundeko y'olubaga nayimba irenge lyawe." ¹³ Kandi erhi: "Niehe ye nnalagalira." Nakandi,erhi: "Nie ono rhwe n'abana Nnamahanga ampaga." ¹⁴ Nabulya abana bali na muko muguma na mubiri muguma,naye anacigushagira,mpu lyahererekeza omu kufa kwage olya wali nnolufu,ye oligi Shetani. ¹⁵ Mpu lyo analikuza balya boshi bali omu omubuja bwaca bwayira erhi kuyoboha olufu kurhuma. ¹⁶ Bulya arhali bamalahika ali ciza,nanga,ci iburha ly'Ibrahimu aliciza. ¹⁷ Okwo kwarhuma acishushanya n'abalumuna muli byoshi mpu lyo aba mudahwa mukulu w'olukogo n'ow'okucikubagirwa omu biyerekire Nnamahanga lyalyula ebyaha byo lubaga. ¹⁸ Nakakulya yene abwine amababala n'amalibuko,anahashirhabala abali omu malibuko.