V 1 Nanirhu bulya rhuli rhakola haguma naye,rhumuhunyire nti murhayankiriraga enshokano ya Nnamahanga busha. ² Kulya kuba adesire,erhi:OMumango gakwanine na kuyunvirhize,n'omulusiku lw'okucira nakurhabire.Amango ga kwanine go gano,olusiku lwokucira lwo luno. ³ Rhurhasarhaza ndi nti lyo barhagiganyagusa omu myanzi yoshi omukolo gwirhu. ⁴ Ci omu ngasi kantu kwo rhunaciyerekana nka baganda ba Nnamahanga.omukuzibuhirira bwenene amalibuko omu malumwa n'omu burhe, ⁵ omu kushurhwa empimbo,omu kubula eliro,n'omukubula ebiryo; ⁶ omubucese bw'omurhima,omu bumanye,omukulembera amalibuko,omu butudu muli Muka Mutakatifu,n'omu buzigire bw'okunali; ⁷ omu luderho lw'okuli,n'omu buhashe bwa Nnamahanga;omu kukolesa amatumu ge kuboko kulyo na ge kumosho. ⁸ Omu kukegwa n'omu kulolwa nka byasi,omu kuderhw kubi n'omu kuderhwa kwinja;omu kujirwa ndyalya,n'obo rhurhaderha ebirhali by'okuli; ⁹ nka abarharhuyishi,n'obwo ntaye orhuhabire;mpu rhuli obufa,n'obwo rhuli mitaraga;mpu rhuli bahane,ci barhankarhuyirha; ¹⁰ nti rhuli burhe,n'obwo rhurhayorha rhurhashagalusiri;mpu rhuli babuligo,n'obwo banji rhugaza;mpu rhurhagwerhi kantu,n'obwo ntaco rhurhajira. ¹¹ Nta kantu rhumufulisire,wani Bakorinto,n'omurhima gwirhu guyigusire. ¹² Emirhima yinyu erha fundiriri emunda rhuli,ci omu mirhima yinyu mwo rhufundirire. ¹³ Ninyu murhugalulirage___Kwo nmubwizire nka kulya omuntu anabwira abana bage___ninyu muyigule omurhima gwinyu goshi goshi. ¹⁴ Mumanye mwankashagira mulinduzo muguma na barhayemiri.bici obushinganyanya bwankashagira n'obubi?Neri buguma buci obumoleke bwankajira n'omwizimya? ¹⁵ Bwira buci Kristu agwerhe bo na Beliyari?Neri bici omwemezi ankashagira n'orhali mwemezi? ¹⁶ Aka__Nnamahanga kankafundikira haguma n'eshushano z'abazimu? Rhwono,n'eci rhwe rhuli nyumpa ya Nnamahanga ozine,nkoku Nnamahanga aderhaga erhi: ''Nabera omu karhi kabo nakabagerageramwo.Naba Nnamahanga wabo,nabo babe bantu bani.'' ¹⁷ Bulyala,''rhengagi ekarhi kabo muna ciyegule,kwo Nnamahanga adesire.Mumanye mwa nkahuma okukantu karhaciri,nani namuyankirira. ¹⁸ Naba nye sho ninyu mube bagala bani na bali bani,ye kudesire Nnamahanga ogala byoshi.