¹ Rhumanyire oku erhi cihando rhubamwo hano igulu cankashandla,rhugwerhe enyumpa yayubakagwa na Nnamahanga,mubako gw'ensiku n'amango gurhajiragwa na nfune za muntu omu malunga. ² Gw'ogu mulenge rhuli mwo mw'obubworhere;rhudwire rhwacifinja nti omubako gwirhu gwo omumpingu rhuguyambalire oku gundi. ³ Casinga rhurhimanwe rhuyambirhe,ci rhurharhimanwe rhuli bushunzi. ⁴ N'eci okurhunaciri mweci cihando erhi mulenge rhunali n'omu malibuko;kulya kuba rhurhalonza okuhogolwa ogwo mwambalo,ci rhuguyambalire oku nyanya ly'ogundi,mpu omu mibiri gwirhu g'olufu guhinduke buzine. ⁵ N'owarhubumbiraga okwo,anali Nnamahanga yene,ye wanarhuhaga Muka ciginja. ⁶ Kusiga akaba ntyo,rhugwerhe aha rhucikubagire,rhumanyire bwinja oku amango rhunaciri mwo ogu mubiri,erhi emwabene rhunali kuli Nnahano; ⁷ bulya bwemere rhuli rhwagendmwo,ci arhali masu. Rhurhwalihire obwo, rhurhakanaga rhurhengemwo ogu mubiri,rhujiberaho Nnahano. ⁹ Nantyo,rhubeziremwo ogu mubiri,rhubire rhurhagubezimwo,kumusimisa rhulonzize. ¹⁰ Bulya rhweshi kukwanine rhubonekane embere z'ecirhi c'okutwa olubanja ca Kriatu,lyo ngasi muguma ahabwa amakwanane gebi ajijire aciri omu mubiri,binja erhi bibi. ¹¹ Nanto,bulya rhuyishi oku kukwanine okuyoboha Nnahano,rhudwirage rhwayebeza abantu.Nnamahanga yehe rhulangashine omu masu gage.Ninu nnangalire oku rhulangashine omu mirhima yinyu. ¹² Rhurhacikuziri embere zinyu kandi,cikwonone rhumuhire ecirhumire cokucikunga enyanya zinyu,lyo mubona oku mwashuza balya balimbira ebiboneka,babule bwalimbira ebiri omu murhima. ¹³ Bulya akaba rhwahezize obukengere,eri enyanya za Nnamahanga;nakandi akaba rhugwerhe obukengere boshi,eri enyanya zinyu. ¹⁴ Bulya obuzigire bwa Kristu burhuminisire.kworhugerereza oku akaba muguma afirire boshi,kusiga boshi banafire. ¹⁵ Boshi anafirire,mpuabalimwo omuka barhacicibereregamwogo,cibabe olya wabafiraga anafukira ye baguberamwo. ¹⁶ Nantya,kurhenga buno rhwehe rhurhamanyiri omuntu oku nshusho y'omubiri;kulusha ciru akaba rhumanyire Kristu oku nshusho y'omu mubiri.Cikwone kuhika buno rhurha cimumanyiri ntyo. ¹⁷ N'omontu erhi akaba ali muli Kristu,erhi anakola ali iremwa cihyahya;okwali burhanzi kunagere,byoshi bikola bihyahya. ¹⁸ Okwola kwoshi yo kurhenga emwa Nnamahanga.ye washigirhuhumanya yenene na Kristu,na anarhuhaga omukolo g'oku humanya. ¹⁹ Bulya,Nnamahanga ali omundalala za Kristu ahumanya igulu yenene,arhacibaganjire amahusha gabo.na arhuhebaho okutigiriza akanwa kobuhumanya. ²⁰ Ntyo rhuli bahimiriza kuli Kristu,kobinali nka Nnamahanga alyayingiga ukurhunwa rhwirhurhumuyingizirage ninyu erhi Kristu orhuma :'Muhumanyizibwe na Nnamahanga. ²¹ Orhali oyishi ecaha,amujira chaha rhwe rhurhumire,mpu lyo muli ye rhushuba bushinganyanya bwa Nnamahanga.