V 1 Ewe,karhushubiri chikunga rhwenene? nakandi rhucifinjire nka abandi amaruba gokucimanyisa emu nda muli,erhi g'emwinyu? ² Mw'oyo mwe maruba girhu,mayandike omu mirhima yirhu,gamanyikine n'okusomwa n'abantu boshi. ³ Neci kurhafulikwa,muli maruba ga Kristu rhwa yandikaga rhwenene,n'ago maruba garhali mayandike n'obwino,ci n'omuka gwa Nnamahanga ozine.garhali mayandike oku mpaho z'amabuye,ci oku mpaho z'emibiri, oku mirhima yinyu. ⁴ Kwo rhucikubagira Nnamahaga ntyo,erhi Kristu ohuma. ⁵ Arhali kuderha mpu okubwirhu buhashe rhugwerhe bwa kuderha mpu kantu kalebe kali kuli rhwe.Nanga!Obuhashe bwirhu kuli Nnamahanga burhenga. ⁶ Ye warhuhaga obuhashe bokuba bakozi b'endagano mpyahya;n'eyo ndagano erhali ya lwandiko,ci ya Muka.bulya olwandiko kuyirha luyirha,ci Muka buzine ahana. ⁷ Cikwone obukozi bw'olufu,bwali buyandisirwe oku mabuye,bujiraga irenge lingana halya,ciru bene Israeli barhankalozire Musa ebusu erhi bulangashane bw'obusu bwage burhuma,n'obwo kugera bwageraga, ⁸ kurhigi obukozi bwa Muka bwankabulaga irengelilushire? ⁹ Bulya abakozi bwokutwa olubanja buli n'obukuze,obukozi bw'okuli buli n'obukuze burhalusire! ¹⁰ Bulyala kuhika bulya bwaliyinamwirwe burhali n'obukuze nkobu,okuba obukuze burhalusire bwenene. ¹¹ Bulyala ebyagera erhi bibaga byabonesire omu irenge,ebirhagera kurhi?kabibule bwarhalusa irenge kulusha? ¹² Kusiga obwola rhu gwerhe obulangalire bwa bene bwo rhugwerhe aha rhucikubagire. ¹³ Arhali aka Musa wakag'icibwika obusu mpu bene Israeli bankabona oku obwo bulangashane bwali bwa okugera n'obuzinda. ¹⁴ Cikwoki ekengero zabo zali hebirwe mwe misi,bulyala kuhika olusiku lwene,nka basoma Endagano yamira,ehyohitabara hyenehyo hinahali,bulya barhafululiragwa oku hirhenzibwe muli Kristu. ¹⁵ Neci kuhika ene,omumango MUsa asomwa,ehitambara hinali enyanya z'emirhima yabo. ¹⁶ Olusiku omuntu ahindamukira Nnamahanga,lyo olusiku lutwika. ¹⁷ Nnahano aba Muka,naha omuka gwa Nnahano guli eyo enakaba oluhuma. ¹⁸ Cikwone rhwehe oku busu burhali bubwike rhugwerhe rhwaboneka mwo irenge lya Nnahano,nk'omuciyo rhudwirhe rhwahindulwa mpu rhushushe n'eyo nshusho,rhulangle kulusha rhunalangashane,nkokula obulangashane kurhenga Nnahano,yeba Muka.