¹ Nalalire nti ntashubira emwinyu omu burhe. ² Bulya erhi nankamulerera oburehe,ndi wankacirhuma nashagaluka aha nyuma y'olya nalerheraga oburhe? ³ N'akaba nayandisire ebi mumanyire,kwali kuderha nti lyo hano nyisha ntagiba burhe erhi abali kwanine oku nsimisa barhuma.bulya mumanyire oku okunsimisa kwani kunali kwinyu mweshi. ⁴ Neci burhe bwinji nalimwo n'omutula omu murhima erhi nmuyandikira,erhi nnandi omu mirenge,arhali kuderha nti nmujire burhe,ci nti lyo mumanya oku obuzigire bwani kuli mwe buli bwinji bwenene. ⁵ Akaba hali owanjirire burhe,arhali nye abujirire,ci mweshi,erhi nderhe oku baguma mulimwe abujirire lyo ntagibugera. ⁶ Burhali buhane bunyi bw'okuli oyo muntu wahanyirwe na banji. ⁷ Mumubabalirage erhikwo munamuhire omu murhima omu nda,oyo muhanya alek'irhogera omu burhe bulushire olugero. ⁸ Cocirhumire nmuhunyire nti muyerekane obuzigire kuli ye. ⁹ N'erhi nnyandika kwali kuderha nti nmurhagule na ndole erhi ubunvi bwinyu burhali bwa birholo. ¹⁰ Cikwonene oyu mubabalire akaba hali akantu namubabalirekwo mwe mwarhumire namubabalira omu masu ga Kristu. ¹¹ Mumanye rhwankarebwa na Shatani.Emihigo yage rhurhayihabiri. ¹² Olunvi lwa nyigukiraga na Nnahano erhi npika omu lugo lw'e Troa mpu nyigirize omwanzi gwa kalembe gwa Kristu eyo munda. ¹³ Omurhima gwani ntayunvagya gurhulwire,bulyala ntabonaga mwene wirhu Tito eyomunda.Nabasengeruka na nanacishubira e Makedonia. ¹⁴ C'ayagirwe Nnamahanga,oyu muli Kristu okarhuhimira amango goshi.n'oku rhulagula rhwono eyibaya hyo kumumanya omu garhi kangasi hantu. ¹⁵ Neci omu masu ga Nnamahanga,rhuli hibaya hinja omugarhi ka Kristu omu karhi kabacira n'omukarhi kabahera. ¹⁶ okwaba bakabirhi rhuli hibaya hya lufu kuheka ebwalufu.N'okubandi rhuli hibaya hinja hya buzine kuheka ebwa buzine.Omukolo murhio ndi wankaguhasha? ¹⁷ Bulyala rhwehe rhurhali nka banji bakazirhimbula akanwa ka Nnamahanga oku buguke,ci nka bantu nkana,bahamiriza ba Kristu,emalanga g'amasu ga Nnamahanga,barhumirwe na Namahanga.