¹ Paulo,ntumwa ya Yesu Kristu okubulonza bwa Nnamahanga,na Timoteyo mwene wirhu,oku kanisa ka Nnamahanga kali e Korinto n'okubatakatifu boshi bali omu Akaya yoshi. ² kuli mwe olukogo n'omurhula kurhenga emwa Larha Nnamahanga na Nnawirhu Yesu Kristu. ³ Ayagirwe Nnamahanga Ishe wa Nnawirhu Yesu Kristu.Larha w'obonjo na Nnamahanga wagasi burhulirize. ⁴ Nnamahanga w'oburhulirize omu mbaka zirhu zoshi,mpu lyo nirhu rhurhulirize abandi omu ngasi malibuko n'oboburhulirize rhuhabwa na Nnamahanga. ⁵ Bulya,kulyala amalibuko ga Kristu,garhulugire kwo n'oburhulirize burhulugire erhi Kristu orhuma. ⁶ Rhukalibuka erhi burhulize bwinyu n'okucira kwinyu birhumire,ekajira omukolo gwage gw'okushibirira amalibuko nkoku rhunagabona:nakandi nka rhwanka rhulirizibwa erhi eri enyanya ly'oburhulirize bw'obucunguke bwinyu. ⁷ N'obulangalire bwirhu muli mwe bwenene bukomire:rhumanyire oku obula mushangire amalibuko maguma nirhu,mukolaga mwayish'ishangira n'okurhulizibwa haguma nirhu. ⁸ Nanga bene wirhu rhurhalonzizi muhwinjagale,amalibuko rhwabwine omu Aziya.garhurhindibuza bwenene garhalusa emisi yirhu,ciru rhurhali rhucilangalire mpu rhwaberamwo omuka. ⁹ Okuli kwo rhwali yosire nka abatwirirwe okufa,lyo rhuleka okukacikubagira emisi yirhu rhwene,ci rhube Nnamahanga ye rhucikubagira,ye fula abafu. ¹⁰ Yene ye warhulikuzagya oku lufu lunene lwamene olwo,ye wanacirhulikuza kuli lwo:neci,ye rhucikubagira oku acirhuciza kandi. ¹¹ Ninyu murhurhabale n'esengero zinyu.lyo obugashane rhwahabirwe kuli banji bube emwabanji ebe njira y'okukavuga mukwa erhi rhwe rhurhuma. ¹² Bulya ebijira irenge lirhu, bw'obula buhamirize bw'entimanyo zirhu,nkoku rhugezire omw'eri igulu,na bwenene emunda muli,rhwayosire omu bucese n'omu kurhabesha,n'okola rhwakuhabwa na Nnamahanga.Rhwayosire ntyo arhali oku bwenge bw'omubiri ,ci okuburhabale b'olukogo lwa Nnamahanga. ¹³ Rhurhamuyandikiraga kantu murhankahashi soma erhi kuyunva.Ndangalire ntyo, ¹⁴ nkakulyala mwayunvirhe hitya okurhwe igwarhiro ly'obukuze bwinyu,kulya ninyu mwayishiba igwarhiro ly'obwirhu olusiku lwa Nnawirhu Yesu Kristu,mpu lyorhucikuza erhi mwemurhuma. ¹⁵ N'omukarhi k'obubulangalire, nnozize okurhagihika emwinyu burhanzi,nti muhabwe obugashane bwa akabirhi okubalola. ¹⁶ Ndozize ngere emwinyu nje e Makedonia,nakandi ngaluke e Makedonia nje emwinyu,n'emwinyu mwishindusa e Yudea. ¹⁷ Ewe kerhi ndalira ntyo kabwifulikwe nalariraga?Nakandi k'eyo myanzi yani erigi ya ci_namubiri,nantyo yabamwo <> na <> caligumiza? ¹⁸ Nnamahanga orhagalula akanwa kage ye ndahire.ebinwa nmubwira birhaba <>. ¹⁹ Bulyala olya Mugala wa NNamahanga, Yesu Kristu,rhwamubwiraga rhwe na Silvano,Timoteyo arhali <>;arhabamo orhali <>. ²⁰ Neci ebi Nnamahanga arhulaganyagya byoshi,<> wabyo muli ye aba.ye narhuma rhwadera <> w'irenge rhuha NNamahanga. ²¹ Orhuzibuhya haguma ninyu muli Kristu n'owarhushigaga amavurha,ye Nnamahanga. ²² Ye wanarhuhebagakwo ecimanyiso cage,anaheba ecikinja ca Muka omu mirhima yirhu. ²³ Cikwone niehe Nnamahanga ye ndahire oku buzine bwani,oku kumufa lukogo kwarhumaga ntaciyishe e Korinto. ²⁴ Arhali kuderha nti rhurhegeke obwemere bwinyu,ci nti rhuyushule obusime bwinyu:bulya omu bwemere muli bazibu.