¹ Co cirhumire nawe ciru wankaba wendi,orhankayera ciru n'ehitya,we katwa olwa bene,bulyalya omu kutwa olwabene kuciyaza ociyaza,kulya kuba wani mamutwa_olwa_bene,oku ajira kwo nawe ojira. ² Rhurhanahabiri oku abajira kwa benekwo Nnamahanga ye wabatwire olubanja lw'okuli ³ Nawe wekatwa emanja zabajira ntyo,n'obwo nawe kw'oli akabo,k'omanyire mpu wa wafuma olubanja lwa Nnamahanga? ⁴ Nkabaga kunganyagusa oganyagusize obuhirhi bw'obwinja n'olukogo n'obutudu bwage? K'orhishi oku obwo bwonjo bwa Nnamahanga bukulalisire mpu ociyunjuze? ⁵ Obula ohusize omurhima gwawe orhanolonza okuciyunjuza,k'orhishi oku odwire wacihakira enguli y'obukunizi oku lusiku lwa ngerera_hano,lwo lusiku olubanja lw'okuli lwa Nnamahanga lwabonekane. ⁶ Alyule ngasi muntu nk'oku ebijiro byage binakwanine: ⁷ Abantu bacishwekera oku kujira aminja abalonza irenge n'obukuze n'okurhafa abashoboze obuzine bw'ensiku n'amango. ⁸ Nabo bagoma,balya barhakenga okuli balya banywana n'obubi,babone obukali n'obukunizi. ⁹ Obuhanya n'amalibuko garheganyizibwe ngasi muntu ojira amabi,burhanzi Abayahudi,kandi Abagriki. ¹⁰ Ci irenge n'obukuze n'omurhula birheganyizibwe ngasi muntu ojira aminja,burhanzi Abayahudi,kandi abagriki.Bulya Nnamahanga arhajira kabolo. ¹² Ngasi bantu boshi bajizire kubi buzira irhegeko bafe buzira irhegeko,na ngasi bajizire kubi banamanyiri irhegeko banatwirwe olubanja nk'oku irhegeko linadesire. ¹³ Bulya arhali abayunvirhiza amarhegeko kwone bo beru kweru embere za Nnamahanga ci abajira oku amarhegeko gadesire bo bayere. ¹⁴ Ngaso mango abapagani bakulikira obworhere bwabo bwinja ciru ankaba barhagwerhi marhegeko,bakajira ebijiro binja omurhima gwabo gunabere ahali h'amarhegeko. ¹⁵ Banayerekane oku amarhegeko gali mayandike omu murhima gwabo,entimanyo zabo zinahamirize ntyo n'omurhi gwabo hali amango gubabwira oku bajizire kubi. ¹⁶ Kwo byabwikuke ntyo nk'oku nyigiriza omu myanzi yani y'akalembe amango Nnamahanga arhumaga Kristu mpu atwe olubanja, lwebifulisirwe omu mirhima ya abantu. ¹⁷ Cikwone we negenera okuderhwa Muyahudi,we yegemera amarhegeko we cikuza muli Nnamahanga, ¹⁸ we yishi obulonza bwage,we yishihanula ebiri binja mpu we wayigirizibwe amarhegeko; ¹⁹ we cikubagira mpu oli cirogozi c'emihurha,mpu oli kamole k'abali omu mwizimya, ²⁰ we mwigiriza w'abahwinja mwalimu w'ebirhaba mpu obwenge irhegeko likuzabulire ebinwa by'obumanye n'eby'okuli? ²¹ Ewani sho,Oyigiriza abandi ci orhaciyigiriza wene? Ohanule okurhaziba,ogali zimba wene? ²² Ohanze obushungu,ogali kashugula? Onaderhe mpu oshomba eshushano z'abazimu,obulinakaziba omu ngobe zabo? ²³ Wecikugira irhegeko,ogalinakalivuna,kugayisa ogayisa Nnamahanga. ²⁴ Nkakulya biyandisirwe,mwe murhuma izino lya Nnamahanga lijacirwa omu mashanja. ²⁵ Okukembulwa,neci,kwanakulerara amakwanane,akaba oshimba amarhegeko;ci akaba orhashimba marhegeko we wakembwirwe okola nk'orhakembulagwa. ²⁶ Omuntu orhali mukembule erhi akashimba amarhegeko,k'arhumanini n'owakembwirwe n'obwo arhakembulagwa? ²⁷ N'oyo muntu oshimba amarhegeko ciru ankaba arhali mukembule, ayishi twirwa olwawe,we vuna amarhegeko n'obo wakembwirwe. ²⁸ Bulya Omuyahudi arhali omu masu abonekera n'obukembule arhali omu mubiri buba. ²⁹ Ci Omuyahudi menemene omu murhima obuyahudi bwage buba,n'obukembule bw'okuli omu murhima buba,buba bwa murhima,ci burhaba bwa myandiko.Obukembule bwa bene bwo burhenza obukuze,arhali emwa bantu,ci e mwa Nnamahanga.