¹ Befika ngesheya kwelwandle, eveni lase Gerasene. ² Watsi lapho asaphuma esikebheni Jesu, masinyane kweta kuye indvodza lebeyihlala emathuneni inemoya longcolile. ³ Lendvodza beyihlala emathuneni. Kute labesengayilawula lendvodza, ngisho nangemaketane. ⁴ Abeboshiwe emahlandla ngetinsimbi nemaketane. Wadzabula lamaketane naletinsimbi abetephula. Kwase kute umuntfu labengaba nemandla ekumehlula. ⁵ Busuku nemini emathuneni nase tintsabeni, abekhala futsi atisika ngematje lakhaliphile. ⁶ Watsi nakabona Jesu asebucalu, wagijimela kuye wafike wakhotsama embikwakhe. ⁷ Wakhala ngeliphimbo lelikhulu, ''kufanele ngenteni ngawe, Jesu, Ndvodzana yaNkulunkulu lophakeme kakhulu? Ngikuncenga nga Nkulunkulu lucobo lakhe, ungangihluphi.'' ⁸ Jesu abesatse kuye, ''Phuma kule ndvodza, wena moya longcolile." ⁹ Wambuta, "Ngubani libito lakho?" Wamphendvula, "Libito lami ngingu Legiyoni, ngoba sibanyenti." ¹⁰ Wancenga waphindzelela kutsi angamucoshi kulesifundza. ¹¹ Kwakhukhona umhlambi lomkhulu wetingulube lebetidla egcumeni, ¹² amuncenga, atsi, "sitfumele etingulubeni; sivumele singene kuto." ¹³ Wawavumela; lemimoya lemibi aphuma ase angena kuletingulube, tehla kuleligcuma tangena elwandle, betingaba tikhulungwane letimbili letingulube letamita elwandle. ¹⁴ Kwatsi laba bebeluse letingulube entsabeni babaleka baya kuyobika edolobheni loko lokwentekile nase macentselweni elive, ngako ke banftu baphuma bayobuka loku lobesekwentekile. ¹⁵ Nabefika kuJesu babona lendvoda lenemadimoni, lona bekangenwe bolegiyoni, ahleti, lapha agcokile futsi angulophilile nase mcondveni; besaba. ¹⁶ Labo bebabonile lokwenteka kulendodza lebeyihlaselwe madimoni bababikela konkhe lebekwentekile nangetingulube, babatjela futsi nangetingulube. ¹⁷ Babese bamcela Jesu kutsi ahambe kulendzawo. ¹⁸ Asagibela esikebheni, lendvodza beyihlaselwe madimoni yamcela kutsi ihambe naye. ¹⁹ Kepha Jesu akamvumelanga, kodvwa watsi kuye, "hamba endlini yakho nakubantfu bakho bese uyabatjela kutsi Inkhosi ikwenteleni, nekutsi ikubonisele njani sihawu." ²⁰ Yahamba lendvodza yacala yamemetela eDekhapolisi ngetinfto letinkhulu Jesu abementele tona, wonkhe umunftu wamangala. ²¹ Nasekawelele ngesheya futsi Jesu ngesikebhe, sicuku lesikhulu sabutsana ngakuye, aseseme emacentselweni elwandle. ²² Munye webaholi belisinagogi lebitwa ngekutsi nguJariyu weta, watsi nakambona wafike wawa etinyaweni takhe. ²³ Yamncenga waze wamncengisisa, atsi, ''Indvodzakati yami lencane ibangwa netibi. Ngiyakucela, wota utombeka tandla kuze abe kahle futsi aphile." ²⁴ Wahamba naye kanye nesicuku lesikhulu samlandzela samminyetela ndzawotonkhe. ²⁵ Bekune mfati lobekanesifo sekopha iminyaka lelishumi namibili. ²⁶ Abesagule kakhulu ahamba bodokotela labanyenti abesacitse konkhe lanako, kodvwa kunekutsi abencono kwaya ngekuya kuba kubi kakhulu. ²⁷ kwatsi sekavile imibiko ngaJesu, weta emvakwakhe esicukwini wabamba ingubo yakhe. ²⁸ Ngobe watsi ''Nangingatsintsa ingubo yakhe, ngitawuphiliswa." ²⁹ Watsi nakamtsintsa, kopha kwema, naye weva emtimbeni kutsi bekalaphekile kulobo buhlungu bakhe. ³⁰ Masinyane Jesu wativela kutsi kukhona emandla lasaphumile kuye. Wagucuka wabuka sicuku wabese utsi, "ngubani lotsintse timphahla tami?" ³¹ Bafundzi bakhe batsi kuye, "Uyabona lesicuku sebantfu siminyetele lakuwe, kepha wena utsi, 'ngubani lokutsintsile?" ³² kepha Jesu wachubeka wacalata abuka lokutsi ngubani lolowente loko. ³³ Lomfati, ati kutsi kwentekeni kuye, wesaba wachachatela. Wefika wawela phansi embikwakhe wamtjela lonkhe liciniso. ³⁴ Watsi kuye, ''Ndvodzakati, kukholwa kwakho kukuphilisile. Hamba ngekuthula ulapheke kulokugula kwakho.'' ³⁵ Asakhuluma, labanye bantfu beta bachamuka kumholi weli sinagogi, batsi ''indvodzakati yakho seyifile. ''Usamhluphelani umfundzisi?" ³⁶ Kepha kwatsi kube Jesu eve lombiko lobekukhulunywa ngawo, watsi kumholi welisinagogi, ''Ungesabi. Kuphela nje kholwa.'' ³⁷ Akavumelanga muntfu kutsi amphekeletele ngaphandle kwaPhetru, Jakobe kanye naJohane, umnakabo Jakobe. ³⁸ Befika endlini yemholi welisinagogi bafika wabona lapho banftu babanga umsindvo lomkhulu; bebakhala futsi balila kakhulu. ³⁹ Kwatsi kube angene endlini, watsi kubo, "Nikwateleni futsi nikhalelani? Umntfwana akafi kepha ulele." ⁴⁰ Bamhleka. Kodvwa wabese ubakhiphela ngaphandle watsasa uyise walomntfwana nenina nalabo lababenaye, baya lapho bekuna lomntfwana khona. ^{42 41} Watsatsa sandla semntfwana watsi kuye,''Thalitha koum!, Lekuhunyushwa ngekutsi, ''Ntfombatanyana, ngitsi kuwe, sukuma.'' 42 Ngekushesha lomntfwana wasukuma wahamba (ngobe abenemnyaka lelishumi nambili budzala). Masinyane bamangala bonkhe batsatseka yinjabulo. ⁴³ Jesu wabayalisisa kutsi kute lokufanele ati ngaloku, Wabese ubatjela kutsi abamnike lutfo langaludla.