¹ Ngesikhatsi Jesu abuyela eKhaphanawume emva kwemalanga lamancane, kwevakala kutsi ubuyile e khaya. ² Bantfu labanyenti bahlahlangana khona lekhaya kwaba bete nendzawo, ngisho nasemnyango, na Jesu wakhuluma livi kubo. ³ Lamanye emadvodza eta kuJesu atoletsa indvodza lebeyikhubatekile; bekaphetfwe bantfu labane. ⁴ Lapho khona bangakhoni kufika dvutane na Jesu ngenca yalesicuku, basusa liphahla lebelingetulu kwaJesu, emvakwekuba bavule lapho etulu, behlisa lendvodza lebeyilele kuleluhlaka. ⁵ Abona lukholo lwabo, Jesu wakhuluma kulendvodza lekhubatekile watsi, ''Ndvodzana, tono takho ticolelwe''. ⁶ Labanye bebabhali labebahleli lapho, bebazindla etinhlitiyweni tabo, ⁷ ''Kungani lendvodza ikhuluma ngalendlela? uyahlambalata! Ngubani longacolela tono kepha nguNkulunkulu yedvwa?'' ⁸ Ngaleso sikhatsi Jesu wati emoyeni wakhe lebebakucabanga etinhlitiyweni tabo. Wase utsi kubo, ''Nikucabangelani loku etinhlitiyweni tenu? ⁹ Yini lokumelula lokungashiwo kulendvodza lekhubatekile, 'Tono takho ticolelwe' noma sitsi, 'Sukuma, utsatse luhlaka lwakho, uhambe'? ¹⁰ Kepha ngalokutsi kumele wati kutsi indvodzana yemuntfu inemagunya emhlabeni kucolela tono, ''Watsi kulendvodza lekhubatekile, ¹¹ ''Ngitsi kuwe, sukuma, tsatsa luhlaka lwakho, uye endlini yakho.'' ¹² Wasukuma ngaleso sikhatsi watsatsa luhlaka lwakhe ,waphuma kulendlu embikwabobonkhe bofakazi, ngako bonkhe bamangala futsi banika Nkulunkulu ludvumo, base batsi, ''Asikate siyibone intfo lenje.'' ¹³ Jesu wahamba futsi ngasemfuleni,futsi sonkhe lesicuku seta kuJesu, wabafundzisa. ¹⁴ Nakendlula, wabona Levi indvodzana ya-Alfiyose ahleti ethendeni lebatselisi wase utsi kuye, ''Ngilandzele.''Wasukuma wamlandzela. ¹⁵ Jesu bekadla endlini ya Levi nebatselisi labanyenti kanye ne toni betihleti naJesu nebafundzi bakhe, ngoba bebabanengi futsi balandzela Jesu. ¹⁶ Uma babhali, labebabaFarisi, babona kutsi Jesu abedla netoni kanye nebatselisi, batsi kubafundzi baJesu, ''Leni adle nebatselisi ne toni?'' ¹⁷ Uma Jesu eva loku watsi kubo, ''Bantfu labanemandla emtimbeni abadzingi Dokotela; kodvwa bantfu labagulako bayamudzinga. Angiketeli kutobita bantfu labalungile,kepha ngitele toni.'' ¹⁸ Nyalo bafundzi ba Johane nebaFarisi bebazilile. Labanye bantfu beta kuJesu batsi, ''Leni bafundzi baJohane nebafundzi bebaFarisi bazile, kepha bafundzi bakho abazili? ¹⁹ Jesu wakhuluma kubo watsi ''Kungenteka yini labete emshadweni bazile kepha umkhwenyana solo anabo? Uma nje umkhwenyana anabo, angeke bazile. ²⁰ Kepha ke sikhatsi sitawufika lapho umkhwenyana atawutsatfwa kibo, futsi ngalawo malanga, batozila. ²¹ Kute ngisho munye longatfunga sicephu lesisha tikwemphahla lendzala. Ngaphandle kudzatjulwe lesiphesho sisuswe kulemphahla, lokusha kulolokudzala, futsi kunekudzabuka lokukhulu. ²² Kute longafaka liwayini esikhumbaskhwameni lesidzala. Ngaphandle leliwayini litobhomisa lesikhumba kanye naleliwayini nalesikhumba sikhwama silahlekile. Esikhundleni, liwayini lelisha lifakwa esikhwameni seliwayini lesihlantekile. ²³ Ngelilanga leli Sabatha Jesu waya kulamanye emasimu, bafundzi bakhe bacala babutsa tihloko tembila ²⁴ .Bafarisi batsi kuJesu, ''Buka, Leni bente intfo lengaphandle kwemtsetfo ngelilanga leliSabatha?'' ²⁵ Jesu watsi kubo, ''Anikafundzi yini ngalokwentiwa ngu Davide ngesikhatsi adzingile futsi alambile_ yena nemadvodza lebekanaye_ ²⁶ aya njani endlini yaNkululnkulu ngesikhatsi Abiyatha angumpristi losetulu, wabese udla sinkhwa sebukhona, ngalokungekho emtsetfweni noma ngabe ngubani ubhekek kutsi adle ngaphandle kwebaPristi, wabese unika letinye tato kulaba labekanabo?'' ²⁷ Jesu watsi, ''liSabatha lentelwa bantfu, hhay kutsi bantfu beliSabatha. ²⁸ Ngako ke, indvodzana yemuntfu iyiNkhosi, ngisho yeli Sabatha.''