¹ Emvakwaleti tintfo Jesu watibonakalisa futsi kubafundzi bakhe elwandle lase Thibera. Kungalendlela latibonakalisa ngayo; ² Simoni Phethru bekakanye kanye na Thomasi lobitwa ngekutsi liphahla. Natanyeli wase Khana eGalile,emadvodzana aZebedewu, kanye nalabanye bafundzi lababili baJesu. ³ Simoni Phethru watsi kube ''ngisayo dweba tinhlanti,'' batsi kuye natsi sitawuhamba nawe.'' bahamba bangena eskebheni, kepha abazange babambe busuku bonkhe. ⁴ Nyalo, nasekuvele kusile, Jesu wema elutsentseni elwandle, kepha bafundzi bebangati kutsi nguJesu. ⁵ Ngako-ke Jesu watsi kubo,'' tinsizwa, ngabe ninako kwekudla?'' Bamuphendvula batsi,''chake.'' ⁶ Watsi kubo, ''jikani emadweba enu ngesekudla semukhumbi nitokhona kukutfola.'' Ngako-ke bajika emadweba bangasakhoni kuwadvonsa ngoba bebabambe incumbi yetinhlanti. ⁷ Lapho ke umufundzi lobekatsandvwa nguJesu watsi kuPhethru, ''yinkhosi''. Uma Simoni Phethru eva lokukutsi kwakuyinkhosi wakhunga timphahla takhe tangephandle, ngoba abengcunu wabese utijika elwandle. ⁸ Labanye bafundzi beta nemukhumbi ngoba bebangasiko khashane nemhlabatsi beba bebakhashane ngema metha langemashumi layimfica, beta badvonsa lidweba netinhlanti. ⁹ Uma bafika emuhlabatsini, babona umulilo wemalahle lapho kwakundlalwe khona inhlanti nesinkhwa. ¹⁰ Jesu watsi kubo,''Letsani letinye taletinhlanti lenitibambile.'' ¹¹ Simon Phetru wakhuphukela kuye advonsa lidweba leligcwele tinhlanti letinkhulu, lebeti likhulu nemashumi lasihlanu natintsatfu. naloku betitinengi lidweba alidzabukanga. ¹² Jesu watsi kutsi kubo,'' buyani sitokudla sidlo sasekuseni.'' Kute ngisho munye kulabafundzi bakhe lowalinga kumubuta kutsi,''ungubani wena?'' Bebati kutsi bekungiyo Inkhosi. ¹³ Jesu weta kubo, wafike watsatsa sinkhwa wabanika kanye netinhlanti. ¹⁴ Loku kwaseku kwesitsatfu atibonakalisa kubafundzi bakhe emva kwekutsi avuke kulabafile. ¹⁵ Emuva kwekutsi badle sidlo sasekuseni, Jesu watsi ku Simoni Phetru,'' Simoni ndvodzana yaJohane, ngabe ungitsandza kwendlula laba?'' Phetru watsi kuye, ''yebo nkhosi, uyati kutsi ngiyakutsandza.'' ¹⁶ Jesu watsi kuye, '' dlisa timvu tami.'' Watsi kuye kwesibili, "Simoni ndvodzana yaJohane, uyangutsandza na? "Phetru watsi kuye, ''yebo nkhosi, uyati kutsi ngiyakutsandza.'' Jesu watsi kuye,''Nakekela timvu tami.'' ¹⁷ Watsi kuye kwesitsatfu,''Simoni ndvodzana yaJohane, uyangitsandza na?'' Phethru wevabuhlungu ngoba Jesu abesekusho kwesitsatfu kutsi,''uyamutsandza na?"'Watsi kuye " Nkhosi uyatati tonkhe letintfo,futsi uyati kutsi ngiyakutsandza.'' Jesu wase utsi kuye dlisa timvu tami. ¹⁸ Ngicinisile, ngicinisile, ngitsi kini, uma usemuncane bewutigcokisa futsi uhambe lapho ufuna kuhamba khona,kepha uma sewumudzala,ulula sandla sakho, bese kubakhona lokugcokisako akuphatse futsi akumikise lapho ungafuni kuya khona. ¹⁹ Nyalo Jesu washo loku kute atewukhombisa kufa kwaPhethru advumisa nkulunkulu. Emvakwaloku washo naku ku Phethru,''ngilandzele.'' ²⁰ Phetru wagucuka wabuka lomufundzi lobeka tsandvwa nguJesu abalandzela, naloyo lobeka chelela emuvaehlangotsini laJesu esidlweni saku sihlwa lowatsi,'' Nkhosi ngubani lotakutsengisa?''' ²¹ Phetru wamubona wabese utsi kuJesu, Nkhosi itawenta njani lendvodza?" ²² Jesu watsi kuye,'' uma ngifuna asale ngize ngibuye, kuyini loko kuwe? Ngilandzele.'' ²³ Ngako ke lombhalo wandza ebazalwaneni , kutsi loyomufundzi angeke afe. Kepha Jesu akashongo ku Phetru kutsi lomunye umufundzi ngeke bashone.kepha,'' uma ngifuna asale ngize ngibuya kuyini loko kuwe? ²⁴ Lona ngulomufundzi lofakaza, futsi abhale ngaloku, futsi siyati kutsi bufakazi bakhe buliciniso. Tinyenti tintfo Jesu latenta. ²⁵ Uma ngabe konkhe kwabhalwa phasi, ngiyacabanga nelive imbala angeke likwati kugcina lemibhalo lengabhalwa.