¹ Nyalo ngeluvivi elangeni lekucala leliviki, Kuse semnyama, Mariya wase Masemagadaline weta ethuneni wabona litje lisusiwe ethuneni. ² Ngako ke wagijima weta ku Simoni Phitha nakulabanye bafundzi labatsandvwa ngu Jesu, Watsi kubo, ''Bayitsetse inkhosi ethuneni, futsi asati kutsi bamubeke kuphi.'' ³ Ngako ke Petro nalabanye bafundzi baphumela ngaphandle, bahamba baya ethuneni. ⁴ Bobabili bagijima kanyekanye nalalabanye bafundzi baphangisa bagijima ngembili kwa Petro bafika kucala ethuneni. ⁵ Base bayagobondzela, babona tembatfo tihleli lapha, kepha akayanga ngekhatsi. ⁶ Simoni Petro wase uyafika emvakwakhe wase ungena ethuneni. Wabona tembatfo tihleli lapha ⁷ kanye netembatfo betisenhloko yakhe. Betingakahlali naleletinye tembatfo kepha betigocwe tabekwa endzaweni letsite. ⁸ Kwase lalabanye bafundzi, laba labafika kucala ethuneni, nabo bangena ngekhatsi, wase uyabona phindze watsemba. ⁹ Kwaze kwafika sikhatsi lapho bebangati kutsi lombhalo utsi utovuka ekufeni. ¹⁰ Ngako labafundzi babuyela emuva ekhaya. ¹¹ Kepha Mariya bekeme ngaphandlekwelithuna akhala. Ngesikhatsi akhala, waguca phasi ethuneni. ¹² Wabona tingilozi letimbili tigcoke lokumhlophe sihleti, munye enhloko, lomunye etinyaweni lapho umtimba waJesu bewukhonakhona. ¹³ Tatsi kuye, ''Mfati, ukhalelani?'' Watsi kito, ''ngobe batsetse Inkhosi yami, futsi angati kutsi bambekephi.'' ¹⁴ Watsi sekakhulume loku, wagucuka wase ubona Jesu eme khona lapho, kepha beka ngati kutsi nguJesu. ¹⁵ Jesu watsi kuye, ''Mfati,Ukhalelani? Ngubani lomfunako?'' Wacabanga kutsi sisebenti sase ngadzeni, ngako watsi kuye, ''Mnumzane, nangabe umsusile lana, ngitjele kutsi umbekephi, khona ngitomtsatsa.'' ¹⁶ Jesu watsi kuye, ''Mariya.'' Wagucuka, watsi kuye ngesi Aramaic, ''Mfundzisi.'' ¹⁷ Jesu watsi kuye, ''Ungangitsintsi, ngobe ngisekayi etulu kuBabe, kepha hamba kubomnaketfu utsi kibo ngitowuhamba ngiye etulu kubabe naku babe wenu, nakuNkulunkulu wami phindze na Nkulunkulu wakho.'' ¹⁸ Mariya wase Magadeleni weta watjela bafundzi, ''Ngibone Inkhosi,'' phindze ngekutsi umtjele letinfto kuye. ¹⁹ Ebusuku ngalelo langa, ngelilanga lekucala leliviki, iminyango yayikhiyiwe lapho bafundzi bebesaba emaJuda, Jesu weta wase uma emkhatsini wabo wase utsi kibo, ''Kuthula kini.'' ²⁰ Emva kwekutsi asho loku, wabakhombisa tandla takhe kanye nelihlangotsi lwakhe. Labafundzi batfokota nababona Inkhosi. ²¹ Jesu watsikibo futsi, ''Kuthula kini. Njengobe babe angitfumile, ngako ke ngitfuma nine.'' ²² Ngesikhatsi Jesu asho loku, waphefumulela kibo wase sewutsi kibo, ''Mukelani Moya Longcwele.'' ²³ Loyo lononako nimcolele, bacolelwe; loyo lochubeka anona, babuyiselwa emuva.'' ²⁴ Thomasi, munye walabalishumi linye nakubili, lobitwa ngaDidymus, bekangekho ngesikhatsi Jesu efikile. ²⁵ Lalabanye bafundzi batsi kuye, ''Sibone Inkhosi.'' Watsi kibo, ''ngaphandle ngibone etandleni luphawu lwetipikili, bese ngibeka tandla emhlubulweni wakhe, ngeke ngitsembe.'' ²⁶ Emva kwemalanga lasiphohlongo labafundzi bebangekhatsi futsi, NaThomasi abe nabo. Jesu weta ngesikhatsi iminyango ivaliwe, wema nabo, wase utdi, ''Kuthula kuwe.'' ²⁷ Wase utsi kuThomasi, ''Fika lana nemino yakho bese ubona tandla tami. Buyisa sandla sakho bese usibeka ngelihlangotsi lami. Yekela kungatsembi, kepha tsemba.'' ²⁸ Thomasi waphendvula watsi kuye, ''Nkhosi yami kanye naNkulunkulu wami.'' ²⁹ Jesu watsi kuye, ''Ngobe ungibonile, sowetsembile. Babusisiswe labo labangakaboni, bas bayetsemba.'' ³⁰ Nyalo Jesu wenta imimangaliso leminye leminyenti phambi kwebafundzi, imimangaliso lengakabhalwa kulena ncwandzi, ³¹ kepha loku kubhalwe ngobe kumele utsembe kutsi Jesu ungu Khristu, Indvodzana yaNkulunkulu, ngako labo labetsembako, nitoba nemphilo ngeligama lakhe.