¹ Wase Josefa ubuyela ngekhatsi wase utjela Faro, ''Babe wami kanye nabo mnaketfu, imihlambi yabo, imfuyo yabo, nako konkhe labanako, sebafikile basuka eveni lase Khenani. Buka, base veni lase Gosheni.'' ² Watsatsa bomnakabo labasihlanu wababika ku Faro. ³ Faro watsi kubomnakabo, ''Uyini umsebenti wenu?'' batsi ku Faro, ''Tisebenti takho tibafuyi, njengabo khokho betfu.'' ⁴ Base batsi ku Faro, ''Sita njengetikhonti tesikhashane kule live. Kute emadlelo yemihlambi yetisebenti takho, ngoba lendlala imatima eveni lase Khenani. Ngako nyalo, sicela uvumele tisebenti takho tihlale eveni lase Gosheni.'' ⁵ Ngako Faro wase ukhuluma ku Josefa atsi, ''Tsatsa babe wakho kanye nabomnakenu bete kuwe. ⁶ Lelive lase Gibhithe lisembikwakho. Hlalisa babe wakho nabomnakenu esifundzeni lesikahle, eveni lase Gosheni. Nangabe wati indvodza emkhatsini wabo lengakhona, yibeke esikhundleni sekugadza imfuyo yami.'' ⁷ Wase Josefa uletsa ngekhatsi Jakobe babe wakhe wase umetfula ku Faro. Jakobe wabusisa Faro. ⁸ Faro watsi ku Jakobe, '' Sophile kanganani?'' ⁹ Jakobe watsi ku Faro, ''Iminyaka yekuhamba kwami ingu 130. Iminyaka yekuphila kwami ibe mincane futsi yaba buhlungu kakhulu. Ayikabi midze njengalena yabo khokho bami.'' ¹⁰ Wase Jakobe ubusisa Faro wase uyaphuma ebukhoneni bakhe. ¹¹ Ngako Josefa wase uhlalisa babe wakhe kanye nabomnakabo. Wabanika indzawo eveni lase Gibhithe, lelincomekako eveni, eveni lase Ramesa, njengoba Faro abeyalile. ¹² Josefa wanakelela babe wakhe ngekudla, bomnakabo, kanye nayo yonkhe indlu yababe wakhe, njenge linani lalabo bebafuna kunakekelwa. ¹³ Nyalo bese kute kudla kulolonkhe live, ngako lendlela yase imatima.Le live lase Gibhithe kanye nelive lase Khenani lasokola ngenca yendlala. ¹⁴ Josefa wa hlanganisa yonkhe lemali lena leyayiseveni lase Gibhithe nase veni lase Khenane, ngekutsengisela labahlali. Wase Josefa uletsa lemali esigodlweni sa Faro. ¹⁵ Kwatsi yonkhe imali yase veni lase Gibhithe neyase Khenani seyisebentile, onkhe ema Gibhithe aya ku Josefa afike atsi, ''Sinike kudla! Leni fanele sife ebukhoneni bakho ngoba imali yetfu seyiphelile?'' ¹⁶ Josefa watsi, ''Nangabe imali yenu seyiphelile , letsani imfuyo yenu ngitose ngininika kudla ngekushintjisa imfuyo yenu.'' ¹⁷ Ngako base baletsa imfuyo yabo ku Josefa. Josefa wabanika kudla ngekuntjintjiselana ngalama hhashi, ngemihlambi, ngemfuyo, kanye netimbongolo tabo. Wabadlisa sinkhwa ngekushintjiselana ngayoyonkhe imfuyo yabo kulowo mnyaka. ¹⁸ Ngesikhatsi loya mnyaka sophela, beta kuye emnyakeni lolandzaleko base batsi kuye, ''Ngeke sibhace kumphatsi wami kutsi imali yetfu seyiphele yonkhe, kanye nemihlambi yetinkhomo kwemphatsi wami. Sekute lesekusele emehlweni emaphatsi wami, ngephandle kwemitimba yetfu kanye live letfu. ¹⁹ Sesingafelani emehlweni akho, tsine kanye nelive letfu? Tsenga tsine kanye nemhlaba wetfu ngekushintjiselana nge kudla, bese tsine nemhlaba wetfu sitoba tisebenti ku Faro. ²⁰ Ngako Josefa watsengela Faro wonkhe lomhlaba wase Gibhithe. Ngako wonkhe umgibhithe watsengisa emasimi akhe, ngoba lendlala bese yimatima kakhulu. Ngalena ndlela , lelive laba la Faro. ²¹ Ngekwebantfu, wabenta tigcila ngasekucaleni kwesiphetfo semahheke ase Gibhithe kuye kulesinye siphetfo. ²² Bekulive leba phristi kuphela Josefa langalitsenganga, ngoba baphristi bebatfola sincephetelo. Bebadla loku bebakunikwa ngu Faro. Ngako ke abatange bawutsengise umhlaba wabo. ²³ Wase Josefa utsi kubantfu, ''Bukani, senginitsengile kanye nemhlaba wenu ngatsengela Faro. Nyalo nayi inhlanyelo yenu, nitose niyahlanyela lomhlaba. ²⁴ Ekuvuneni, nitonika lokusihlanu ku Faro, bese incenye yesine itoba yenu, ngako inhlanyelo yalamasimu kanye nekudla kwemindeni yenu kanye nebantfwabenu.'' ²⁵ Batsi, uyisindzisile imphilo yetfu. Shengatsi singatfola bubele emehlweni akho. Sitoba tisebenti ta Faro.'' ²⁶ Ngako Josefa wakwenta kwaba ngumgomo losolo usekhona kulelalive lase Gibhithe nalamuhla, lokutsi incenye yesihlanu ibe ya Faro. Kuphela live leba phristi lelingabanga la Faro. ²⁷ Ngako Israyeli waphila eveni lase Gibhithe, eveni lase Gosheni. Bantfu bakhe batfola tikhundla khona. Batsela base bayandza kakhulu. ²⁸ Jakobe waphila eveni lase Gibhithe lishumi nesikhombisa weminyaka, ngako leminyaka yemphilo bekulikhulu nemashumi lamane nesikhombisa. ²⁹ Kwatsi nasekhatsi sesisondzela sekutsi Israyeli afe, wabita indvodzana yakhe Josefa watsi kuye, ''Nangabe nyalo sengitfole bubele emehlweni akho , faka sandla sakho ngephansi kwelitsanga lami, bese ungikhombisa kwetsembeka nekubacotfo. Ngicela ungangingcwabi eGibhithe. ³⁰ Nase ngilala nabo babe bami, utongetfwala ngephandle kwase Gibhithe bese uyongingcwaba emadlindzeni abo khokho mkhulu.'' Josefa watsi, ''Ngitowenta njengoba sewushito.'' Israyeli ³¹ watsi, ''Funga kimi ,'' wase Josefa uyafunga kuye. Wase Israyeli uyakhotsama enhloko yembhedze wakhe.