¹ Kwefika lapho ekupheleni kwemnyaka wesibili lapho Faro waba neliphupho. ² Bheka, abeme ngasemfuleni i Nayili. Bheka, tinkhomo letisikhombisa taphuma ngekhatsi kwe Nayili, letitsandzekako futsi tikhuluphele, tase tidla emahlangeni. ³ Bheka, letisikhombisa letinye tachamuka ngekhatsi kwe Nayili, tingatsandzeki futsi tondzile. Tema naleti letinye tinkhomo elusentseni lwemfula. ⁴ Kwatsi leletingatsandzeki naletondzile tadla leti letisikhombisa letati tsandzeka futsi letikhuluphele tinkhomo. Wase Faro uyavuka. ⁵ Waphindze walala wase ubhudza kwesibili. Bheka, letisikhombisa tinhloko tetibhuluja tavela eluhlangeni lunye,tinotsile futsi tikahle. ⁶ Bheka ,letisikhombisa tinhloko tesibhuluja, tondzile futsi tishiswe ngumoya wase mphumalanga, tamilela emvakwato ⁷ Letinhloko letondzile tamita leletisikhombisa letinotsile naletigcwele tinhloko. Faro wavuka, kwase, bheka, kwakuliphupho. ⁸ Kwase kuyenteka kutsi ekuseni umoya wakhe bokhatsatekile.Watfumela wase ubita bonkhe bantfu bemlingo kanye netati tasegibhithe. Faro wabatjela emaphupho akhe, kepha bekute namunye labengakhona kulihumusha ku Faro. ⁹ Wase umphatsi wetigcini tetitja watsi ku Faro, '''Namuhla ngicabanga ngetiphambuko tami. ¹⁰ Faro watfukutseka ngaletisebenti takhe, wase ungibeka ejele endlini yendvuna yetingadzi, indvuna yekubhaka kanye nami. ¹¹ Saphupha liphupho busuku bunye, yena nami. Sabhudza ngayinye ngayinye ngenkwenchazelo yeliphupho lakhe ¹² Kwakukhona kanye natsi khona indvodza lencane yem Hebheru, sisebenti sendvuna yeti ngadzi. Samutjela wase ushihumushela emaphupho etfu. Wahumusha ngamunye wetfu ngekweliphupho lakhe. ¹³ Kwase kwenteka njengoba abesihumushele, ngako kwase kuyenteka. Faro wangibuyisela esikhundleni sami, kepha lona lomunye wamukhunga.'' ¹⁴ Ngako Faro watfumela wase ubita Josefa. Ngekuphutfuma bamkhokha emgodzini. Watihhula yena lucobo lwakhe, washintja timphahla takhe, wase uta ku Faro. ¹⁵ Faro watsi ku Josefa, ''Ngibe neliphupho, kepha kute umhumushi walo. Kepha sengivile ngawe, kutsi nawuva liphupho uyakhona kulihumusha.'' ¹⁶ Josefa waphendvula Faro, atsi, ''Akukho kimi. Nkulunkulu utophendvula Faro ngebubele.'' ¹⁷ Faro wakhuluma ku Josefa, '' Ephusheni lami, bheka, ngema ngaselusentseni lwemfula i Nayili. ¹⁸ Bheka,letisikhombisa tinkhomo taphuma ekhatsi kwe Nayili, tikhuluphele futsi titsandzeka, tase tiyadla lemahlangeni. ¹⁹ Bheka, letisikhombisa letinye tachamuka emvakwaleti , tiphelelwe ngemandla, tingatsandzeki kakhulu futsi tondzile. Azange sengitibone kulolonkhe live lase Gibhithe letinjena letingatsandzeki kakhulu njengato. ²⁰ Leti letondzile futsi letingatsandzeki tinkhomo tadla leti tekucala letisikhombisa letikhuluphele tinkhomo. ²¹ Nasetitidlile, akwatekanga lokutsi setitidlile, ngako betisolo tingatsandzeki njenga kucala. Ngase ngiya ngiyavuka. ²² Ngabuka ephusheni lami, bese, bheka,letisikhombisa tinhloko tachamuka kulunye luhlanga, tigcwele futsi tikahle. ²³ Bheka, letisikhombisa letinye tinhloko-tibunile, tondzile, bese tishiswe ngumoya wase mphumalanga tavelela kuto. ²⁴ Leletondzile tinhloko tamita leti tinhloko letisikhombisa letikahle. Ngitjele leliphupho lami kulaba bemilingo kepha kwakute namunye lebengakhona kulichaza kimi.'' ²⁵ Josefa watsi ku Faro, ''Lamaphupho aFaro ayintfo yinye.Loku lasatokwenta Nkulunkulu, ukwembulile ku Faro. ²⁶ Letinkhomo letisikhombisanletikahle yiminyaka lesikhombisa, futsi letinhloko letisikhombisa letikahle yiminyaka lesikhombisa. Lamaphupho ayafanana. ²⁷ Leti letisikhombisa letondzile naletingatsandzeki tinkhomo leti letafika emvakwaleti yiminyaka lesikhombisa, bese phindze leti letisikhombisa letondzile tinhloko tihashulwe ngumoya wase mphumalanga kutoba yiminyaka lesikhombisa yendlala. ²⁸ Nguleyontfo lengakhuluma ngayo ku Faro. ²⁹ Buka, iminyaka lesikhombisa yengcebo lenkhulu itokuta kulolonkhe live lase Gibhithe. ³⁰ Iminyaka lesikhombisa yendlala itofika emvakwayo, bese yonkhe lengcebo itokhohlakala eveni lase Gibhithe, bese lendlala iyoshacisa lelive. ³¹ Lengcebo ayinokhunjulwa kulelive ngenca yalendlala leyitoyilandzela, ngoba iyawuba lukhuni. ³² Lokuts leli phupho liphindvwe ku faro kungoba lenkinga seyibekwe ngu Nkulunkhulu, ngako Nkulunkulu utokwenta masinyane. ³³ Nyalo Faro akafune indvodza lebukisisako futsi lehlakaniphile bese uyibeka yengamela lonkhe live lase Gibhithe. ³⁴ Ngako Faro akabeke baholi kulolonkhe live, bese batsatsa incenye yesihlanu etitjalweni tase Gibhithe kulemnyaka lesikhombisa lenengcebo. ³⁵ Bavumele bakugcine konkhe lokudla kwaleminyaka lenenala letako bese babeka lamabele ngephasi kwetindvuna ta Faro, ngoba lokudla kutosebentiswa emadolobheni. Babo kugcina. ³⁶ Lokudla kutonetisa lonkhe lelive lase Gibhithe ngalesikhatsi sendlala. Ngalena ndlela lelive ngeke lishaceke ngale ndlala. ³⁷ Leteluleko tabatinhle emehlweni a Faro nase mehlweni atotonkhe tisebenti takhe. ³⁸ Faro watsi etisebentini takhe, ''Singayitfola yini indvodza lenjena, lekuye kuna moya wa Nkulunkulu?'' ³⁹ Ngako Faro watsi ku Josefa, ''Ngoba Nkulunkulu akukhombise wena konkhe loku, ngako kute lobukisisako futsi lohlakaniphile njengawe. ⁴⁰ Utawuba sendlini yami, bese njengekwemavi akho bonkhe bantfu bami bato buswa. Kuphela esihlalweni sebukhosi ngitoba mukhulu kunawe.'' ⁴¹ Faro watsi ku Josepha, ''Buka, ngikubeke kulolonkhe live lase Gibhithe.'' ⁴² Faro wakhumula indandatho leluphawu lwemandla esandleni sakhe wase uyibeka esandlen saJosef. wamugcokisa ngetimphla letikhetsekile telineni, wase ufaka luketane legolide entanyeni yakhe. ⁴³ Wase umenta agibele lihhashi encoleni yesibili labenayo. Emadvodza amemeta embikwakhe, ''Gucani ngemadvolo. ''Faro wamukeka kulolonkhe live lase Gibhithe. ⁴⁴ Faro watsi ku Josef, ''Ngingu Faro, futsi ngephandle kwakho , kute indvodza leyawuphakamisa sandla sayo noma lunyawo lwakhe kulolonkhe live lase Gibhithe.'' ⁴⁵ Faro wabita libito la Josefa ''Zaphenathi-Peniya.'' Wamunika Asenathi, indvodzakati ya Phothifa umphristi wase Oni, njenge mfati. Josefa waya ngaphandle kulolonkhe live lase Gibhithe. ⁴⁶ Josefa abeneminyaka lamashumi lamatsatfu budzala nakema embikwa Faro, inkhosi yase Gibhithe. Josefa waphuma ebukhoneni ba Faro, wase uya kulolonkhe live lase Gibhithe. ⁴⁷ Kuleminyaka lesikhombisa lemihle lelive lakhicita kakhulu. ⁴⁸ Wabutsisa konkhe lokudla kwaleminyaka lesikhombisa loku lokwakuseveni lase Gibhithe wase ubeka lokudla emadolobheni. Waka ngakulinye lidolobha lokudla kwase masimini lebekukugegeletele. ⁴⁹ Josefa wagcina lamabele njenge sihlaba selwandle, kangangobe wase uyema kubala, ngoba besekungetulu kwekubala. ⁵⁰ Josefa abenemadvodzana lamabili kungakacali iminyaka yendla ifike, lo Asenathi, indvondzakati ya Photifa umphristi wase Oni, amutalele. ⁵¹ Josefa wabita leligama lendvodzana yakhe yekucala Manase, ngako watsi, ''Nkulunkulu sewungente ngakhohlwa tonkhe tinkinga tami netase tindlini yababe.'' ⁵² Wabita libito lendvodzana yakhe yesibili Ifrayemi, ngako watsi, ''Nkulunkulu sewungente ngatsela eveni lekuhlushwa kwami.'' ⁵³ Leminyaka lesikhombisa yenala lena leyayise veni lase Gibhithe yefika ekupheleni. ⁵⁴ Leminyaka lesikhombisa yendlala yacala, njengoba Josefa abeshito. Kwaba nendlala kulolonkhe live, kepha eveni lase Gibhithe kwakune kudla. ⁵⁵ Kwatsi nase lonkhe live lase Gibhithe selilambile, labantfu bamemeta Faro kakhulu babita kudla. Faro watsi kuwo onkhe emaGibhithe, '' Hambani niye kuJosefa bese nenta njengoba asho. ''Le ndlala yase yandze nalolonkhe live. Josefa wavula tonkhe tingungu wase utsengisela emaGibhithe. ⁵⁶ Lendlala yayimatima eveni lase Gibhithe. ⁵⁷ Umhlaba wonkhe wawuta eGibhithe kuyotsenga emabele ku Josefa, ngoba indlala yayimatima emhlabeni wonkhe.