¹ Zwino kana zwiri zwamandimwalira, " Zwakanaka kuti unhu alege kubata ukaji." ² Asi nokuda kovhupombwe , ulume mumwe nomumwe ngaavhe noukaji uwe, noukaji umwe noumwe ngaavhe noulume uwe. ³ Ulume ngaape ukaji zwakafanira noukaji ngaadlalo vho kuulume. ⁴ ukaji haana simba paumbiri uwe asi ulume . sayiyezwo vho ulume haana simba paumbiri uwo asi ukaji. ⁵ MUsongonyimana asi mutshiyeta tshikathi tshituku mumbotenderana kuti muvhe netshikati tshokuzwinyima zwokudla nokurabhira. Nokusangana futhi kuti Satani alege kumuyeja paakusangana kenu kuzwijosa. ⁶ Asi ndinolevha hezwi nditshimutendera ndisingalejisi. ⁷ Nokuti ndinoda kuti vhose vhavhe semi. Asi unhu umwe noumwe unetshipiwa tshitshe tshinobva kuna Mwali. Umwe tsholuji ugu umwe tsholumwe luji. ⁸ Asi ndinoti kunevhasina kuwana nokushirikaji, zwakanaka kuti vhagale semi. ⁹ Asi kana vhasingakoni kuzwijosa, ngavhawane nokuti zwirikhwine kuti vhawane pakutswa. ¹⁰ Zwino vhakawana ndinovhalayijira - asi hamindisho - kuti ukaji alege kubva kuulume uwe. ¹¹ (Kana atshibva ngagale asingawaniki kana adanane neulume umwe, ) Ule hafaniri hafaniri kulamba ukaji. ¹² Zwino kuna vhamwe ndinoti- haasi ishe kana hama inoukaji usingatendi kana iye atshida izwo kugala naye ngaalege kuulasa. ¹³ Kana ukaji anoulume usingatendi, kana asinga kwanisi kugala naye hafaniri kuulamba. ¹⁴ Nokuti ulume usingatendi unoyetiwa utswene noukaji uwe noukaji usingatendi unoyetiwa utswene kana asi kudlalo vhana vhenu vhanga vhaneswina asi zwino vhatswene. ¹⁵ Zwino kana usingatendi atshiyenda ngaayende izwe. Hama kana ali ulume kana ukaji hasungwi ne zwakadlalo asi Mwali waka udana kuti muvhe nolugalo. ¹⁶ Unozivha seni ukaji kuti utshathusa ulume uwo? Kana kuti unozivha seni ulume kuti utshathusa ukaji uwe? ¹⁷ Asi umwe noumwe sezwaakakovhegwa na ishe umwe noumwe sezwaakadanwa na Mwali ngayende sayiyezwo. Ndizwo zwandilanoyijira pagereke jose. akapfu. ¹⁸ Kana umwe atshinge akadanwa akapfumbisiwa ngaalege kuyehwa usina kupfumbisiwa kana atshinge adamwa asingapfumbisiwi ngaalege kupfumba. ¹⁹ Kupfumba hasi tshinhu nokusapfumba haasi tshinhu asi kutshengeta milayo ya Mwali. ²⁰ Umwe noumwe ngaagale pakudanwa paakadanwa nako. ²¹ Wakadanwa uliulanda na? Usangozwidla moyo asi kana ungasunungugwa zwiri khwine kuti udlalo izwo. ²² Nokuti wakadanwa munashe ali ulanda wavha usunungugwa washe . sayiyezwo vho wakadanwa akasununguka wavha ulanda wa khiristu. ²³ Wakatengwa neutengo legni kuvha vhalanda vha vhanhu. ²⁴ Hama jangu umwe neumwe ngaagale panda pa Mwali iyapo paakadanwaq napo. ²⁵ Zwino panyezulu pavhasikana , handina ulayo watsho asi ndinolevha sounhu wakapiwa kuhwira vhusiwana kuti avhe wokalulama. ²⁶ Nayiyezwo , ndinoti nokuda ke nhamo ino zwakanaka kuti unhu agale akadlalo. ²⁷ Wakabatanijiwa noukaji nah? Usatswaka kusunungugwa waka sunungugwa paukaji na? usatswaka ukaji. ²⁸ Zwino kana wawana hauna kukhakha kana khomba ikawanika hana kukhakha . Asi vhakadlalo vhatshavha nokutambujika panyama. ²⁹ Zwino ndinozwilevha hama jangu nokuti tshikathi tshifupi. kuti kubva zwino vhanavhakaji vhavha sevhasina. ³⁰ Navhanolira vhavhe savhasingaliri navhanofala savhasingafali navhanotenga savhasina tshinhu. ³¹ Navhanobata nesango savhasingabatisisi . Nokuti ugaliro wesango lino unopinda ³² Ndinoda kuti mulege kuvha nokufunganya . Usina kuwana unofunga zwashe kuti angaufaja seni uwe. ³³ Asi wakawana unofunga zwesango kuti angafaja seni ukaji uwe- ³⁴ Pausiyano pakati poukaji nekhomba usina kuwanika unofunga zwashe kuti uvhe utswene paumbiri napamwiya . Asi wakawanika unofunga zwenyika kuti ungafaja ulume uwe seni. ³⁵ Hezwi ndinozwilevha kuti muthusiwe imwi. Ndisingadi kumusunga nousungo asi nokuda kezwakafanira kuti murabhirire ishe musingakhakhisi. ³⁶ Asi kana umwe atshifunga kuti hayeteri khomba iye zwakafanira kana ali pazera loku wanika ngazwiyete sayiyezwo- unofanira kuyeta zwaanoda . hayeti zvhivhi. Vhanofanira kuwana. ³⁷ Asi uyo unomira akakwata pamoyo pape asingakombetshejiwi netshinhu asi une nungo zezulu pokuda kuke akatema mumoyo tshinhu itshi kuti utshatsheta khomba iye unoyeta zwakanaka. ³⁸ Nayiyezwo unowana khomba iye unoyeta zwakanaka nousingauwanisi unoyeta zwinopinda nokunaka. ³⁹ Ukaji wakasungwa noulayo ulume uwe atshambopira .Mara ulume uwe akapa wasununguka kuti awanike noulume waanoda , ngazwiyehwe muna she. ⁴⁰ Asi unganyanya kufala kana atshigala akadlalo pakufunga kangu imi zwino ndinoti nemivho ndine Mwiya wa Mwali.