¹ Vuno ove una pande kukuanya vya vungulu vua kuvuha. ² Longetha vakuluntu vavamala keti vapende, vakale vaka kathingimiko vaka kusilikinya na chitimo cha kutcelela, mu chidhango mu lukakateya. ³ Muye vene, longetha vakuluntu va vakentu vakale vaka kathingimiko, keti vaka kufueya, ndi vindungo vya kupenda muakama vinyu, vuno mukale vaka kulongetha vya chili, ⁴ linga valongethe vakentu vavanike mukuyongola vamala vavo na ku yongola vana vavo, ⁵ kukala vaka kusilikinya na kuononoka kuva mala vavo vavenya, linga majui aKalunga keti aka kuanye vya kuvihya. ⁶ Muye vene, mamuneni ko vamala vavanike vakale vaka kupanga vya chili. ⁷ Mu vingila vyoshe lipuithe chimuetho cha vipanga vya chili. Muvilongetha vyove, leketha mudhimbu uove uye u na toko, una vuaha, ⁸ na ukeuo ua vungulu uye una yeneka kapayo, linga voshe vaye va ku luitha va tce shuama muomu kuvethi nevi vyetu vya kuvihya viva handeka. ^{9 10} Vindungo vyononoke ku vimyene vyavo mu vyuma vyoshe, linga va va tokethe ku vimbunge vuno keti ku kala vimpata navo, keti va va puanje, vuno va lekethe lutcelelo luoshe lua chili, linga mu vyuma vyoshe va shangale vilongetha vya Muovole uetu Kalunga. ¹¹ Muomu ngodhi ya Kalunga yina yombolokela mu vuovoke vua vantu voshe. ¹² Yi tu longetha kuvyana vya kuvihya na mashungu a hantci, na kulinyunga, na kuimana mu vuchili, na kukala muli Kalunga ha ntcimbu yino yituli, ¹³ ntcimbu tuchi tata linga tu uane viva tu tceleletha, na ku yomboloka kua vungulu vua Kalunga ketu ua kama na Muovole Yesu Kilistu. ¹⁴ Yesu ua li hanene vavenya linga a tuohyele ku milonga yetu na ku li tokethela vantu vaye vali na chidhango cha kupanga vipanga vya chili. ¹⁵ Kuanya vyuma evi, vya kumamuna vantu linga va vi pange, keho vuayetha na ndhili yoshe. na umo uahi aka ku thembulula.