¹ Lijui lya ku tumbula Ninive. Mukanda ua chimona cha Nahume, muka Elekoshite ² Yehova yikeye Kalunga ua lifuua na ku lingula na yikeye ua shula vukalu; Yehova linguilila kuli vaka chidhindo chendi, keho a tulikila vukalu vuendi ku vitodhi vendi. ³ Yehova alivandeka ku vukalu na ku ndhili yakama; yikeye nahamo hahi a thambuetha vaka milonga. Yehova apanga ngila yendi mu chinkuma na mu mpundhi, keho mashelua akeo likungu lya vilyato vyendi. ⁴ A handekele kalunga ndonga na ku yumitha, keho omitha vindonga vya vindende. Mbashane unjumua, na Kalemele lalo; nchani ya Lembanone yina njumua. ⁵ Na mikinya yi jaja kumesho endi, na mikinya yishangunuka; livu lijunduka kumesho endi, chili vene, chifuti na voshe vali mo. ⁶ Yiya atha kuimana kulutue lya litoto lyendi? Yiya atha ku kala ku vukalu vua ku nyengua kuendi? Vukalu vuendi vu jukuka ngue tuhya keho yikeye atavula mavue kutunda kuli yikeye. ⁷ Yehova yikeye ua chili, akuata ku litangua lya kayando; keho endi adhivuka vaye veku teuela muli yikeye. ⁸ Vuno endi apanga kulenga kua kushula kuli vaka chidhindo chendi hamo lika na luhanjo; endi ava kava vakevo mu muthithi. ⁹ Vika vantu eni mua tumbila Yehova? Endi aka panga kulenga kua kushula kuli chikecho; kayando kali ka katuka ntcimbu yamu chivali. ¹⁰ Muomu muku lidhenga ngue vimbimbo na mu ku kolua ngue na viye vive kunua, vakevo vaka valya ngue vishoni vya kuma. ¹¹ Kua ku tuhuka umo kuli yove, yikeye a tumbila Yehova mulonga, a shuama nguli ya mulonga. ¹² Evi vikevyo vya na handeka Yehova nguendi, ''Nambe nga vakevo vana shulu na ndhili keho vakevo vavengi, nambe ngocho vaka va pupa; vantu vavo vaka tca. Vuno ove,Yunda: vutuhu njina kuyandetha, ku njika kuyandetha lalo. ¹³ Mualolo njika ku vatuila mukambo ueni; keho njika ku vatuila mikole yove.'' ¹⁴ Yehova na hana lishiko muku mu tumbula yeni, Ninive: ''Kuye ku ku ka kala lalo mushovo ukema lidhina lyove. Ange nji ka teta chifua cha ku shonga na ku thinga chifua cha chikungu kutunda ku njivo ya kalunga keni. Ange nji ka vuayetha mbumbo yove, muomu ove ua ku vihya.'' ¹⁵ Taleni, ku mukinya kuye hali myanja youye a neha mudhimbu ua chili, uye ambulula chivovo! Takametha viuano vyove, Yunda, keho panga viye vyuna lithingi, muomu vaka mionga vamo kali ka hita lalo hakati kove; endi vana mu tete ko.