¹ Mualolo eni vasasendote, lishiko eli likelyo kuli yeni. ² ''Nga ku muitava ku tolilila, keho nga ku muitava ku chi haka ku mbunge, mu ku thingimika mu lidhina lyange,'' muana handeka Yehova, ''keho njika tuma chithingo hali yeni, keho njika thinga vivedhikitho vyove. chili, njina va thingi vakevo, muomu mue ku vihaka ku mbunge. ³ Taleni, njka handekela mbuto yeni, keho njika thinga tudhi ku vinga, tudhi va viuano vyeni veni keho muka tca navo. ⁴ Eni muka dhivuka ngechiye yange nji na mutumu lishiko eli lya litavyathanolyange likale na Levi,'' muana hankele Yehova. ⁵ ''Lyuvuathano lyange lya kele muono na chivovo, na nge nja vihele kuli yikeye linga akale na lyova lyange, keho yikeye ua kele na lyova lyange keho endi ua komokele lidhina lyange. ⁶ Lishiko lya vu chili lya kele mu kanua keni, na vuhenge kava vu uanene mu kanua keni. Endi uendele hamo lika nange mu chivovo na vu vyuke keho endi a tengulula vavengi ku tunda milonga yavo. ⁷ Muomu milungu ya sasendote ya pande ku takametha mana, keho vana pande ku thetela lishiko ku kanua keni,muomu yikeye kanganda ka Yehova ua vimbunga. ⁸ Vuno eni mua tengulukile kutunda ku ngila ya vuchili. Eni mua hakele vavengi ku kala hamo ;lika na ka thingimiko ku lishiko. Eni mua viyithile lyuvuathano lya Levi,'' muana handeka Yehova ua vimbunga. ⁹ ''Ngocho, ange nja pangele na ku mi kehetha ku mesho a vantu voshe, muomu ove ku ua takamethele ngila yange, vuno muna thingimika mivila ya vantu ku lishiko.'' ¹⁰ Etu voshe kati tuli na Tata yetu umo lika ndi? Keti Kalunga ua pangele yetu ndi? Vika tu pangela vungungu muntu uoshe na munayina muku shauitha lyuvuathano lya va tata yetu ndi? ¹¹ Yunda na pangele vungungu chidhila va chi pange mu Yisalelina mu Yelusalema. Muomu Yunda na viyitha ku yela chiye cha Yehova cha yongola, keho na mbata muna mukentu ua kalu ga ua vifuti. ¹² Linga Yehova aka vatula ku muntu ku muntu uye aka panga echi, umo uye a hinduka no uye a kuanyana ko, nambe nga endi aneha chikombelo kuli Yehova ua vimbunga. ¹³ Yeni lalo mue ku chipanga echi: Mufuika mutula ua Yehova na mishidhi, na ku lila na ku vinjuoka, muomu nolo kanda a chitave kuheta ku chikombelo ndi ku tambula chidhango cha chili ku livoko lyendi. ¹⁴ Vuno eni mu handeka ngueni, ''Vika cho endi?'' Muomu Yehova ua kele mbangi hakati kove na mukentu uove ha vukuenje uove, nendi muna pangele vungungu, nambe mukentu ua kele mukueni na mukentu uove ku lyuvuathano. ¹⁵ Keho yikeye ka pangele umo lika ndi, nambe ua kele na vithupo vya Mpundhi ndi? Keho vika vya pangelele yove umo lika? Muomu endi ua thetelele mbuto ya ku lemetha Kalunga. Ngocho takametheni yeni vavenya mu vimpundhi vyeni, keho keti mukale na vungungu na mukentu ya vukuenje uove. ¹⁶ ''Muomu ange nja dhinda ku kondola,'' muana handeka Yehova, Kalunga Yisaleli, ''keho umo uye afuika chikovelo cha muyoyo,'' muana handeka Yehova ua vimbunga. ''Ngocho takametheni yeni vavenya mu vimpundhi vyeni keho keti mukale na vungungu.'' ¹⁷ Muna ka taletha Yehova na majui eni. Vuno mu ka handeka ngueni, ''Vati tuna muka taletha yikeye?'' mu ku handeka ngueni, ''Nkala umo uye apanga mulonga na vuaha ku mesho a Yehova, na vakevo va muya ku mbunge,'' ndi ''Kuiko ali Kalunga ua ku fuetetha?''