¹ Ngocho vene tuna pande kunyunga lalo viye vi tunovu, kuteua tuhungumuka. ² Muomu nga lijui liye liva handekele na tungelu lya kolele, uoshe uye ayeneka kulishuama ayeneke kuononoka ku likelyo aka uana fueto yevi vya pangela, ³ Etu tukovoka vati nga kutu nyungu vuovoke vuakama? vukevuo vua nambuluile ha kulivanga Muene na vaye vana vuvuile vana vuambuluile kuli yetu. ⁴ Kuntcimbu yiye vene Kalunga lalo uambuluile vukaleho hamo navo mu kupanga vidhivukitho na vikomoketho na ndhili yayo na mukupangela vuana vua mu Mpundhi Yakuyela ngue kuchidhango chendi. ⁵ Muomu keti kutungelu va Kalunga va na hanene chifuti chikenja ko, kuli viye vituhandeka . ⁶ Vuno umo na hana vukaleho, na kuhandeka nguendi, ''Muntu yikeye yiya, viye linga mu muthinganyeke? Ndi muna muntu, vaye linga mu mu takamethe? ⁷ Yove ua mupuithile kamandende muintci lya tungelu; ua mudhalekele nkata ya vungulu na kathingimiko. ⁸ Uo nonothuele vyoshe muintci lya myanja yendi.'' Muomu mu kuononuetha vyuma vyoshe kuli yikeye Kathile na kamo kahi kaku thala ho mu kuononoka. Vuno mualolo kanda tumone vyoshe vina muononoka. ⁹ Vuno tuna mono uye yivana puitha ua mundende muintci lya tungelu, yikeye Yesu vene, muana yandele na kutca vana muhakela nkata ya vungulu na kathingimiko. Linga Kalunga ua kele kutca muomu lya voshe. ¹⁰ Muomu vya muvuahela uye yiva napangela vyoshe, na yikeye ua pangela vyoshe, Mukuneha vana vendi ku vungulu, kutantuluitha tuyando kapitau ua vuovoke vuavo. ¹¹ Muomu uye ueku yeletha na vaye vanayele vana kala vamo lika. Ngocho yikeye kakele na shuama kuvatumbula ava tumbula vamunayina. ¹² Nahandeka nguendi, "Njika tumbula lidhina lyove ku vamuna-nana, hakati kambumga njika kushangala." ¹³ Keho lalo, "njika mutcelela." Keho lalo, Taleni, yange navaye vana njihana Kalunga. ¹⁴ Ngocho na vamo vana tumbula ntcitu na maninga, Yesu nendi lalo ua lipuithile ngue vakevo ua tambuile chithemua chavo cha vuntu vua hano hantci, Yikeye ua pangele ngechiye hakutca, atcimike uye ua kele nampoko ya kutca, yikeye, Satana. ¹⁵ Keho ohyele vaye vali kuvundungo muono uavo uoshe muomu lyova lya kutca. ¹⁶ Chili chishoti cha Yesu keti ku tungelo lika, vuno mbuto ya Avilahama ya kuatha. ¹⁷ Ngocho yamivuahela muvyuma vyoshe kulipuitha kumo na vakuavo, linga akale sasendote uakama muka ngodhi na muka vuchili kuviye vya Kalunga, ku kombeleya mulonga ua vantu. ¹⁸ Muomu yikeye vavenya muana yanda nomu muana mono vyetheko, akatha lalo kukuatha vaye vekumona vyetheko.