¹ Kakateleni muku liyongola umo na mukuavo ngue va vuthamba muli Kilisitu. ² Keti muivale kumuetha chidhango kuvangendhi. Muomu vamo vana yumbula tungelu na ku dhivuka kuahi. ³ Vulukeni vaye vali mundolongo ngue muli mundolongo mumo navo. Vulukeni vaye vali na kuyanda ngue neni lalo muli na kuyanda mumo navo. ⁴ Vulo vuna pande ku kala na kathingimiko ku voshe, na vulo vuna pande kukala vaka kulitcelela umo namu kuavo muomu Kalunga aka pangula vaka kupanga vupangala na vukuidhi. ⁵ Keti mukakatele kuyongola vimbongo; vyu kilileni naviye vi muli navyo, muomu Kalunga vavenya nahandeka nguendi, ''Nahamo hahi hanjika kuthila.'' ⁶ Ngocho tuatha kuthimpa vuino muku handeka nguetu, ''Muene yikeye mukuathi uange, kanji kovua lyova; muntu aka njipanga vika?'' ⁷ Vulukeni vaye vami lekele, vaye va myambuluile lijui lya Kalunga na kuthinganyeka kuhua kua myono yavo. Tambuluitheni kutcelela kuavo. ⁸ Yesu kilisitu yikeye ua kele ko dhau na lelo, na ku myaka yoshe. ⁹ Keti muhungumuke na vinkanda nkala vyeka na vyeka muomu vyachili mbunge yikoletheko na kavumbi. Keti na vya kulya. vikevyo vya vuahela vaye vali hakele mo. ¹⁰ Tuli na mutula, na vaye vapangela ngeleka kava kele nampoko ya kulyako. ¹¹ Muomu vivimbi vya tuthitu vaye. Maninga avo sasendote uakama uekuneha mukati ka kuyela ngue kukombelela kua mulonga, va vitcimika hanja lya chilombo. ¹² Ngocho Yesu lalo linga ethele vantu na maninga endi vavenya, ua yandele hanja lya chikolo cha limbo lya kama. ¹³ Ngocho tuyeni kuli yikeye hanja lya chikolo, na kuambata shuama yendi. ¹⁴ Muomu kotua kele nalimbo lya kukalele ho hano. Vuno tutceleleni liye likenja ko. ¹⁵ Ngocho hali yikeye tuna kombelela chikombelo chaku shangala Kalunga ntcimbu yoshe, yikeye mihako yamilungu yakutava kulidhina lyendi. ¹⁶ Vuno kupanga ngodhi keti muvivale, muomu kukombelela kua ngachiye vikevyo vya yongola Kalunga. ¹⁷ Ononokeni kulya vaye vali na kuva kuluntu veni, keho vataveni, muomu vali na ku takametha myono yeni, ngue vaye vo vahana kuyela kuli Kalunga linga va vipange na kuyolela, keti na kuvinjoka, muomu kacha mi vuahelele. ¹⁸ Katu lombeleni ko, muomu tuna tcelela ngachiye tuli na mbunge ya chili tuyongola kuovoka na kuvuaha muvyuma vyoshe. ¹⁹ Keho njimikandelela kuvi panga evi na vuana vua panga, linga njihiluithe vuathi kulyeni. ²⁰ Mualolo Kalunga ua chivovo, uye ua shituile lalo kukutca uye kanyungi uakama uavinjui na maninga alikumiyo kayekuhua yayaye, yikeye Muene uetu Yesu. ²¹ Yikeye ami tantuluithe muvyoshe vya chili muku panga chidhango chendi, na kupanga mulyetu viye vya yongola kumesho endi, hali Yesu Kilisitu: kuli yikeye kukale vungulu kumyaka na myaka! Amen. ²² Njili na kumikandelela vamuna nana, nguange, tolilileni na ku thimpa ku lijui eli lya kumikoletha, ou mukanda njina mithonekela na majui ano amandende. ²³ Dhivukeni ngachiye muna yina yetu Timoteo mualolo vana muechela kutunda mundolongo, nga alivanga ko kuinja, nga kumo nendi tuinja tuakumi taleleho. ²⁴ Haneni vihindu kuli voshe vantuama lutue veni na kuli voshe vaka kuyela. Vaka Yitalia vana mikunduho. ²⁵ Kalunga amyuvuile ngodhi muva voshe.