¹ Chilombelo cha Havakuke ka polofeto: ² Yehova, ange nji novu lijui lyove, keho njili na lyova. Yehova, panga vipanga vyove mukati ka ntcimbu eyi; mukati ka muaka ou upanga linga udhivuke; vuluka ku kala na chivovo mu vukalu vuove. ³ Kalunga ua tundile ku Temane, keho Umo ua Kuyela ku Mukinya ua Palane. Sela vungulu vuendi muilu, na hantci ha shulile na ku lemetha yikeye. ⁴ Hamo lika na mutangeko ngue litangua, mihyato yivali yitunda mu livoko lyendi; keho kuye endi ua shuekele ndhili yendi. ⁵ Mikithi ya kutciha ya yile kulutue lya yikeye, na kutca kua tuhukile ku myanja yendi. ⁶ Endi ue manene na ku meta hantci; endi ua talele na ku jajetha mishovo. Nambe mikinya ya kele kuholoka, na mikinya ya ku kalelela ya tcikamene hantci. Ngila yendi yikeyo ya ku kalelela. ⁷ Nja muene vimbalaka ku Kushane vali na lyova, na muhela ua kupanga vimbalaka mu chifuti cha Mindiane cha jajele. ⁸ Yehova ua kele na vukalu ku ndonga? Vukalu vuove ua kele ku ndonga, ndi lya ku nyenguetha kalunga ndonga, muye upupa ha kakambe kove na kuvula matemba ndi? ⁹ Una nehele lilonga lyove lya kuyeneka chifuiko; una haka ko vikuti ku lilonga lyove! Sela Ove uvyavadhela hantci hamo lika na mema. ¹⁰ Mikinya ya muene yove keho ya kele na lyova mu ku vavala. Kuintci lya mema va hitile vakevo; kuintci lya kalunga ndonga lya hindukile. Lya kanduile mavoko acho muilu. ¹¹ Litangua na ngonde nolo yinemana mu mihela yavo na ku vyadhima kua vikuti ngue vipula, ha temuna kua vyadhima kua vikuti vyeni. ¹² Eni munendele hano hantci hamo na vukalu. Mu vukalu vuakama mua lyatangalele mishovo. ¹³ Eni muayile hanja muomu vuovoke vua vantu veni, muomu vuovoke vua uye umo ua ku shovola. Mua holokethele mutue ua njivo ya muka kuvihya ku tunda vilyato na ku heta ku ntcingo. Sela ¹⁴ Ove ua thanyuine mutue ua ntuamena uendi hamo na mukuale kutunda vakevo vedhile ngue likungu kunviyitha yetu; vithinganyeka vyavo ngue umo uye alya vihutu vaye vana vandele mu muhela. ¹⁵ Muendele ku kalunga ndonga na tukambe veni, keho mua pangele mankimba akama. ¹⁶ Njo vuile, na muintci lya vilyo vyange vya jajele! Milungu yange ya shikile. Kuvola kuedhile mu vitciha vyange, keho kuintci lyange nja jajele ngue nja tatelelele kuholoka muomu litangua lya kayando likenja hali vantu vaye vakovelele muli yetu. ¹⁷ Nambe chiti cha vushuka ku che kuima keho kuye ku che kuhana vushuka kutunda ku vinyu; keho nambe ku hana vushuka vua chiti cha olive na lihya kulye kuhana vushuka vua kulya; keho nambe vutamba vana uteta kutunda kua liheteka keho kuye ku kua kele vingombe mu chivunga, evi vikevyo vinji ka panga. ¹⁸ Nolo, ange nji ka yolela muli Yehova. Njika kala na ku yolela muomu lya vuovoke vuange muli Kalunga. ¹⁹ Muene Yehova yikeye ndhili yange keho endi apanga myanja ngue ngila. Endi apanga yange njiye kuya kulutue kuilu lya mihela yange. _Kuli mukuluntu ua myatho, ha vimbitho vyange.