¹ Njikemana ha vungililo vuange, na ku lihaka ha njivo ya ku tuntuka keho njika tala kuye mu ku mona viye vya ka handeka, keho vati njika kuanya ko omo ku lijunga. ² Keho Yehova ua nji kuanyene yange na ku handeka nguendi, 'Thona chimona na ku chi shungametha vuino ha vitale, linga uye achi tanda linga vakevo va shatuke. ³ Muomu chimona chi chili ntcimbu ya ku chitumbula keho chi ka hana vumbangi na ku dhimbalethe. Nambe vikuata ntcimbu, ku tatela chikecho. Muomu vuchili chikenja keho ku chika kala. ⁴ Taleni! Vamo vaye vali na chidhango keti cha chili hamo lika na yikeye ku vaka mono muono. Vuno vaka vuchili vaka kala na muono ku lutcelelo luendi. ⁵ Chili, ngue vinyu yili na muono, nambe vantu vaka lithino ku ve kukala ku membo. Endi a vuayetha mulivu ngue ua kama ngue Sheole; keho ngue kutca, endi ke kuikuta . Endi akunguiya mishovo yoshe kumo lika, keho a kunguiya vantu voshe kuli yendi vavenya. ⁶ Ava voshe keti ku tambula vithimo na ku tcopa, ku shaula vya yikeye, na ku handeka nguendi, 'Chikele kuli umo a vuedhelela viye keti vyendi! Muomu vintcimbu vingahi uka livuedhelela ku chikumo cha vufuko vu mua tambuile ndi?' ⁷ Vaye vamo vami shumine keti vaka shituka na ka vuathi, na vaye vami teuethele vaka shituka ndi? Uka kala muka chidhindo kuli vakevo. ⁸ Muomu eni mua nyangele vantu vavengi, voshe vantu vaye vali honene ho vaka minyanga yeni. Muomu muali hakele maninga a vantu na ku panga muyoyo mu chifuti, limbo lya kama, na vaye voshe vakele muli vakevo. ⁹ 'Chikele kuli vamo vaye va tambula vufuko vua ku vihya ku membo avo, ngocho endi aka haka lishua lyendi kuilu kuli hana yendi vavenya ku mavoko chitodhi.' ¹⁰ Eni muna nehela vinjivo vyeni shuama mu ku teta vantu vavengi, keho vana panga mulonga ku muono uove. ¹¹ Muomu livue lika tambakana kutunda mu chivumbe, keho vipilangi vika kuanya vakevo, ¹² 'Chikele kuli vaye vamo va tunga limbo lyakama na maninga, keho uye atunga limbo mu mionga.' ¹³ Keti vya kutunda kuli Yehova uye ahaka vaye vantu vapanga muomu lya tuhya, keho mishovo yavo vavenya yiya mungocho ndi? ¹⁴ Nambe chifuti chika shula na mana a vungulu vua Yehova ngue mema a fuika kalunga ndonga. ¹⁵ 'Chikele kuli vaye vamo thininika lihambo lyendi kunua_uka thindila vukalu vuove kulutue keho uka panga vakevo vakolue muku tala mushenga shenga uavo.' ¹⁶ Uka shula hamo na shuama nga vungulu. Mualolo yikeyo ntcimbu yove! Nueni, keho uka haka vaka kuyeneka vaka kuyeneka kulovoka ha mutanya! Nganja mu livoko Yehova lya chili likenja ku lidhemga kuli yove, na shuama yika fuika vungulu vuove. ¹⁷ Na muyoyo va upanga ku Lembanone vuka kuilanena yove na vukalu vua tuthitu vuka viyitha yove. Muomu ua pangele maninga a vantu keho ove ua pangele muyoyo ku chifuti, limbo lyakama, na kuli voshe vaye vakele muli vakevo. ¹⁸ Vika muka uana muye mu chifua cha kushonga? Muomu cha ku shonga vana chishongo! ndi ku kuta chifua cha chikungu, mulongithi ua vishaki ndi? Muomu muka kupanga a tcelela muli viye vyana panga muye apanga echi chaku yeneka ndhili muyombo. ¹⁹ 'Chikele kuli vamo va handeka kuli vya kushonga nguavo, Katuka! Ndi ku livue lya kuholoka nguavo, Hinduka!' Panga vyuma evi kulongetha ndi? Taleni, vana chidhaleka hamo na mavue a vunchele na mavue achili, vuno kuye ku kua kele kuhuima muli chikecho. ²⁰ Vuno Yehova yikeye muali mu tembele yendi yaku yela! Holokeni kumesho a yikeye, vifuti vyoshe.''