¹ Vamuna nana, tulombeni linga lijui lya Muene lishatuke keho li uane vungulu, ngue muye muli kuli yeni, ² Keho ngechiye etu tuovoke kuvantu va ngocho vakevo vaka milonga, muomu voshe vatcelela. ³ Vuno Muene yikeye muka chili, aka mikoletha, na ku minyunga kuli uye muka milonga. ⁴ Netu tuna tcelela muli Muene omo yendi ngue mue kupanga viye vitue shika keho muku panga vyendi. ⁵ vuno tumishika mulidhina lya Muene uetu Yesu Kilistu. ⁶ ngechi njimishika keti muli tepe vavenya vamuna nana muli dhina lya Muene uetu Yesu Kilistu. ⁷ Muomu yeni vavenya muna dhivuka ngue omu mo muna pande ku temuinina, muomu ha kati keni ko tua pangele vya ngocho. ⁸ nambe mbolo yaumo ka tua lile ngocho, kuvanga na kufuitangana na ku hona tua pangele vutciki na mutanya, ngechiye keti tuhonethe umo ha kati keni. ⁹ Keti ngue yetu kotua kele na mpoko, vuno tua lipuithile chimuetho kuli yeni linga mutu tutemuinine ¹⁰ Muomu nambe mutua kele nendi, echi vene cho tua mishikile, nguetu, nga umo kayongola kupanga keti alye lalo. ¹¹ Muomu tuovuile vamo ha kati keni vana kala vaka kuenda ngocho, na ku panga kuahi, ¹² vuno vana kala vaka vishaki. vuno ava veku panga omu tuveshika na ku va mamuna muli Muene Yesu Kilistu, ngechiye vapange vipanga na ku holoka, linga valye mbolo yavo vavenya. ¹³ Vuno eni vamuna nana, keti muhone muku panga mua chili. ¹⁴ Keho nga umo katava kulijui lyetu lya mukanda uno, taleni muntu ouo, ngechiye keti muli kuate nendi, muli kuata nendi linga akale na shuama, ¹⁵ Vuno keti mu muyongole ngue muka chindhindo, vuno muna ngule muna noko. ¹⁶ Vuno Muene ua chivovo vavenya ami hane chivovo ntcimbu yoshe. Muene akale neni voshe. ¹⁷ Chihindu change, Yange, Paulu, nalivoko lyange vavenya, chikecho chidhivitho mumikanda yoshe. Ngue munje kuthona. ¹⁸ Kavumbi ka Muene uetu Yesu Kilistu ka kale neni voshe.