¹ Paulu, Silivanu, na Timoteo, ku chikungulukilo cha ku Tesalonika muli Kalunga Tata uetu na Muene Yesu Kilistu. ² Chivovo na kavumbi cheni kuli Kalunga Tata uetu na kuli Muene Yesu Kilistu. ³ Tu shangala kuli Kalunga ntcimbu yoshe omo yeni, vamuna nana, muomu kutcelela kueni china kulu muakama kama, nomo hakati keni na chidhango cha vantu voshe kuli vakueni voshe chishule. ⁴ Ngachiye tulihamethe yetu vavenya muli yeni vya chikungulukilo cha Kalunga omo kuthimpa na kutcelela kueni na ku mipaketha kueni, na ku tuyando muli na ku yanda. ⁵ Chikecho vene chimuetho cha kupangula vaka kuyela va Kalunga, linga yeni muka vuluke vumuene vua Kalunga vukevuo vumua yandela. ⁶ Muomu nga mukemuo mua chili kuli Kalunga ku vaka kayando ava vana miyandetha. ⁷ Na ku liyeni muli na ku yanda chili ku huima hamo netu muye Muene Yesu akayomboloka mu ku tunda muilu na tungelo vaka ndhili ⁸ Mu mulengi ua tuhya, muku linguila ava kuva dhivuka Kalunga, navaye voshe kuva ononoka mudhimbu ua Muene uetu Yesu. ⁹ Vakevo vaka mona chihitho chikecho kutca vene cha ntcimbu yoshe ya yaye mu ku tunda kumesho aMuene na kuye kuvungulu vua ndhili yendi. ¹⁰ Omo yikeye akenja muku mona vungulu muli vaka kuyela vendi, keho ku litangua liye va ka mu komoka muli vaye voshe vatcelela, muomu vukaleho kuli yeni kua kele kutcelela. ¹¹ Muomu evi lalo tumi lombela ntcimbu yoshe, ngechiye Kalunga ketu apange nguendi muna vuahela mu ku mithana cheni na ku ndhili ya ku puithamo liyango na ku tcelela kua vipanga. ¹² Tulomba evi linga lidhina lya Muene Yesu na vungulu muli yeni, na muli yikeye, ngue kavumbi ka Kalunga uetu na Muene Yesu Kilistu.