¹ Uoshe atcelela ngechiye Yesu yikeye Kilistu, na themuka kuli Kalunga: Na uoshe uye ayongola yishe lalo ayongola mona yana theme yikeye. ² Mukemuo tuna dhivuka ngechiye tuyongola vana va Kalunga: muye mu tu yongola Kalunga na kuononoka ku mashiko endi. ³ Muomu echi chikecho chi dhango cha Kalunga: chiye tu takametha mashiko endi. Na mashiko endi keti aku kola. ⁴ Muomu nkala uoshe uye athemuka kuli Kalunga aka tuvakana vya hantci. Keho ku tuvakana echi chi tuvakana vya hantci chikecho kutcelela kuetu. ⁵ Keho yiya umo uye atuvakana vya hantci? Kuli umo uye atcelela ngechiye Yesu yikeye Muna Kalunga. ⁶ Yesu Kilistu vene yikeye uye nenja na mema na maninga: Yesu Kilistu. Yikeye nenja keti na mema lika, vuno na mema na maninga lalo. Mpundhi yikeyo yimo yiye yihana vumbangi, muomu lya Mpundhi ya vungulu. ⁷ Muomu vali vatatu vaka kuhana vumbangi: ⁸ Mpundhi, na mema, na ku maninga. Vatatu ava vali mulyuvuathano limo lika. ⁹ Nga tu tambula vumbangi vua vantu, vumbangi vua Kalunga vuna tuvakana. Muomu vukevuo vumbangi vua Kalunga vuye vua hanene kuli Munendi. ¹⁰ Uye uoshe atcelela muli Muna Kalunga ali na vumbangi kuli vavenya. Nkala uoshe uye ka katcelela Kalunga na mu panga muka vishaki, muomu endi katcelelele ku vumbangi vua Kalunga vuye vua hanene kushuama kuli Mona. ¹¹ Na vumbangi ovu vukevuo: Kalunga na tu hana muono ka ue kuhua, na ku muono ou uli muli Mona. ¹² Uye ali na Mona ali na muono. Uye kakele na Muna Kalunga ka kele na muono. ¹³ Njina mithonena vyuma evi linga mudhivuke ngechiye muli na muono ka ue kulenga- kuli yeni muna tcelela muli dhina lya Muna Kalunga. ¹⁴ Echi chikecho kulikehetha chiye chi tuli nacho, ngechiye nga tulombela vimo vya lihata na liyango lyendi, yikeye atuvua yetu lalo. ¹⁵ Nga tuna dhivuka ngechiye yikeye atuvua yetu lalo- nkala vyoshe vitu lomba kuli yikeye- tuna dhivuka ngechiye tuli navyo vyoshe vitu lomba kuli yikeye. ¹⁶ Nga umo atala munayina apanga mulonga ukeuo keti vua ku tca, yikeye a lombe, na Kalunga aka muhana muono. Kuli vaye vaka mulonga kaue kuneha kutca. Kuli mulonga ngechiye keti ua kutca; kunja handekele nguange ngechiye endi amu lombele kuli viye. ¹⁷ Kuvihya kuoshe kukeko mulonga, vuno kuli mulonga ka ue ku nehetha ho kutca. ¹⁸ Tuna dhivuka ngechiye uoshe uye na themuka kuli Kalunga, ka kapanga mulonga. Vuno umo uye na themuka kuli Kalunga aka mutakametha muachili, na milonga yimo kayi kakuata livoko kuli yikeye. ¹⁹ Tuna dhivuka ngechiye etu tu vaka Kalunga, na ku dhivuka ngechiye hantci hoshe kua lihata na ndhili ya uye muka mulonga. ²⁰ Vuno tuna dhivuka Muna Kalunga nenja na tu hana mangana linga tudhivuke yikeye uye ua vungulu. Netu lalo tuli muli yikeye muka vungulu, muli Mona Yesu Kilistu. Ou yikeye Kalunga ua vungulu na muono ka ue kulenga. ²¹ Vanike va vandende, litakametheni ku miyombo.