¹ Vyayashorokire opo vapangeli vapangilire shirugho shalirumbu mushirongo, makura murume ghumwe wamuBetelehemu wamumbunga yaJuda mpo ayendire mushirongo shaMoab namukamali wendi, na vana vendi vaviri. ² Lidina lyamurume gho kwakalire shi ndje Elimeleki, ntani lidina lya mukamali wendi kwakalire Naomi. Madina gha vana vavo kwakalire Mahiloni na Kiliyoni, ovo vakaliro shi vaEfurayiti vamu Betelehemu vambunga yaJuda. Vavo vayatikire mushirongo sha Mowabu mpo vatungire moomo. ³ Makura Elimeleki, nturaumbo yaNaomi, adohoroka, mpo vamushuvire na vantu vendi vavakafumu vaviri. ⁴ Vana vendi mpo vakwalire vakamali vamushirongo sha Moabu, lidina lyaghumwe ndje Opa ano ogho ghumwe ndje Ruth. Vatungire mushirongo shinya ure wamwaka murongo. ⁵ Makura Mahiloni na Kiliyoni navantje avadohoroka, mpo vashuvire Naomi hana vyendi na vana vendi vavire. ⁶ Naomi mpo atokolire kutunda mushirongo shaMoabu na vangumweyi yendi vaviri, vavyuke kuJuda mukonda ayuvire, okuno ghuye shimpe mushirongo sha Moabu ashi Hompa anavatere vantu vendi ovo vakaliro na hepero, kumwe nakuvapa ndya. ⁷ Makura ghatundu mulivango linya ghakalire na vangumweyi yendi vaviri, mpo vaghurumukire vakwamite shitaghura vavyuke kushirongo shaJuda. ⁸ Naomi mpo ghatantilire vabgumweyi yendi ashi, ''Vyukenu, kehe uno ayende kuvawina, Hompa amunegheda unongo wendi, yira momu munanegheda unongo wenu kuvafe, na kukwande. ⁹ Hompa amupe muwane ghuturo, kehe uno mumundi wanturaumbo wamupe.'' Kutunda po mpo ghavancumitire, makura avayerura maywi ghavo vavareke kulira. ¹⁰ Mpo vamutantilire ashi, ''Hawe! kutuvyuka kumwe nove kuvantu voye.'' ¹¹ Ene ngoli Naomi mpo avatantilire ashi, ''Pirukenu muvyuke vana vande! Mukonda munke muyendera name? Shimpe nakara na vana mumukogha wande mposhi ngavakare vanturaumbo venu? ¹² Vyukenu vana vande yendenu na ndjira denu, mposhi ame ne nakurupa mukukara na nturaumbo. Ntjeneshi nighambe ashi matiku ghanamuntji kuvhura niwane nturaumbo, makura nganiyite vana vavarume, ¹³ ngamuvataterera nange ngavakure ndi? Ngamutoghorora ashi mupire kukwara nturaumbo ndi? Hawe, vana vande! Ovyo ne uhamu unene kukwande mukonda yenu mbyevishi lighoko lya Hompa linapiruka unkore name.'' ¹⁴ Makura vangumweyi vendi ghavayerura nka maywi ghao valire. Orpa mpo ghancumitire ngumweyi yendi mukurekera ene ngoli Ruth mpo ghashuvalire mpopo. ¹⁵ Naomi mpo gharenkire ashi, ''Teghererenu shi, ngumweyi yenu anavyuka kuvantu vendi na kuvakarunga vendi. Vyukenu na ngumweyi yenu.'' ¹⁶ Ngoli Ruth mpo aghambire ashi, ''Washa mpulitira niyende ure nove, mbyevishi oko ghuyenda, name kuniyenda; oko ghukakara, name nko nikakakara; vantu voye kuvakakara vantu vande, ntani Karunga ghoye kakara Karunga wande. ¹⁷ Oko ghukafera, name nko nikafera, nko vakamvhumbika. Hompa ghampe matengeko, mwamunene, ntjene shi kapishi kehe vino mfa tupu ndo ngaditugaununo.'' ¹⁸ Opo ghakengire Naomi ashi Ruth anakara nalitokoro lyakuyenda naye, mpo ghashayekire kumutangulita. ¹⁹ Makura mpo vangenine muruyendo nange vakatikire mudoropa yaBetelehemu muuviri wavo. Vyayashorokire opo vayatikire mudoropa yaBetelehemu, opo doropa nayintje yavahafilire ngudu. Vakamali mpo vakupuraghilire ashi, ''Oghuno ne Naomi ndi?'' ²⁰ Ngoli ghuye mpo avalimbulire, ''Mwasha ntwenya Naomi. Ntwenyenu uhamu, mbyevishi munankondo anantekura mwamuhamu. ²¹ Aniyendi okuno nayura, ene ngoli Hompa anakambyuta kumundi namuporongwa. Makura ne vinke munakuntwenyena ashi Naomi, anwe pakumona ashi Hompa ana mpangura, munankondo ana ntjuntjupita?'' ²² Makura Naomi na Ruth mukamali wamu Moabu, ngumweyi yendi, avyuka atunde mushirongo sha Moabu, vayire kuBetelehemu shirugho osho vakalire na muyangu.