¹ Kwamupititili yimbiti, nangovera yakufuda. Lipisaromu lyaDaviti. Teyerera nkugho yande yakukoye, Karunga; ghayadara kukema kwande. ² Tegherera mushagharo wankugho yande, Hompa wande naKarunga wande, kovino kukoye nakuvishungida. ³ Karunga, mungurangura ove kuyuvha kulira kwande, mungurangura ame ngani yita shinka shande koye nakutaterera nkumbu. ⁴ Ove kapishi Karunga mukakupulitira ghudona; vantu vavadona kapi ngava kara vagenda voye. ⁵ Muhahuli kapi ngayimana kumantjo ghoye; ove kwanyenga navantje vakukutura kughudona. ⁶ Ove ngaghudjonaghura vana vimpempa; Karunga kwanyenga madipagho navantu vaghumbudi ⁷ Ngoli kukwande ame, mukonda yamughano ghoye waghunene namatwenyedero, Ame nganiya mundjugho yoye; mumfumwa ame ngani tongamena mundjugho yoye yakupongoka. ⁸ Hompa, mpititire mughuhungami ghoye mukonda yavakankore vande; renka ndjira yoye yivyukilire kumeho yande. ⁹ Weno kwato ghushiri mutunwa twavo; nkalito yavo yinavipa; dimulighu davo dina kara mbira yamuyashamen; kuna kupapeda namaruraka ghavo. ¹⁰ Vape ghundjoni, Hompa; maghayadaro ghavo ghakare shilimbika shavo! vatjidire mavipayiko ghavo ghamanene, konda varughani ghukorokoshi pakudikuvyuka. ¹¹ Ngoli renka vahafe mumoye ovo vahuguvaro mumoye; varenke kehepano vapembure kuruhafo mukondashi ove kuvapopera; varenkite vahafe mumoye, ovo vahoro lidina lyoye. ¹² Ove ngaghu shwera vahungami, karanga; ove ngaghuvadingilika naghuwa shikashikukandulito.