¹ Ghumbangi kuhamena Egipute. Kengenu, Hompa kuna kuyenda palivemo nakuya kuEgipute; vintjwantjwe vyamu Egipute kuna kukankama kumeho yendi, ntani dimutjima da vaEgipute kuna kuyengumuka. ² ''Nganirunga vaEgipute ngavakupirauke; murume ngarwanita muunyendi, ntani murume ngakupiruka na maparambo ghendi. Vitata ngavikupiraghuka, ntani mbara na mbara ngadikupiruka. ³ Mpepo da vaEgipute ngavadighupa nkondo mumwavo. Ngani djonaura makorangedo ghendi, nampiri ngoli vadiwananga kuvintjwantje, mpepo ya muntu wakufa, pakatji, ntani vaghambi na vadimu. ⁴ Nganitapa Egipute mulighoko lya mpititi waghukunyu, ntani Hompa wa nkondo ngavapangero- uno ngo ghumbangi wa Hompa mutangi.'' ⁵ Mema gha mulifuta ngaghapwilira, namukuro ngaghupwilira ntani kapi nakukara muporongwa. ⁶ Dimukuro ngadinyata; dimukuro ghona ngadikugaunuka ntani ngaghapwilira; mbuu na marembe ngagha kukumuka. ⁷ Mbuu kuntere ya mukuro wa Nile, ntani kehe mbuto mumafuva kuNile ngaditundako, ntani kapi ngavikarako nka. ⁸ Vakuhuga ntjwi ngavatakuma na kulira, ntani navantje varoveli muNile ngavalira, ntani vateyi mashire mumema ngavaguva. ⁹ Varuwani kwakuyalire mukukesha ntani ovo vakuwedeliro vyuma vyavikenu ngavikutjindja mushinamahako. ¹⁰ Vyuma vya varuwani muEgipute ngavavidjonaura; navantje varuwanango ngavakara naliguvho. ¹¹ Vana vahompa va vakafumu muZoyani magova unene. Maghano ghavatapi maghano vaFaragho kapi ngavakara mulyo. Weni ghughamba kwa Faragho, ''Ame mona wa mukafumu waukonentu, mona hompa washikuru?'' ¹² Kuni ko vanakara vakafumu vaukonentu? Varenkenu vamutantere ntani vamuyuvitire shi Hompa Karunga mushiti aviwapekera kare ngoli kuvaEgipute. ¹³ Vana vahompa va vakafumu vanagovara, vana vahompa va vakafumu mu Mempis vanavapukita; vanarenkita Egipute ayende mundjira da mapuko, vare vampititi vamarudi. ¹⁴ Karunga kuna pakerere mpepo dakudonganita mukatji kendi, ntani vanarenkita Egipute ayende mundjira damapuko kutwara muviruwana vyendi, yira nkorwi ana kukudoro muviruki vyendi. ¹⁵ Kundereko aruwana kehe uno kwa Egipute. ¹⁶ Muliyuva linya, vatungi muEgipute ngavakara yira mugholikadi. Ngavakankama na kuntjira mukonda ya lighoko lya Karunga mushiti opo ngaliyerura papavo. ¹⁷ Shirongo sha Juda ntjo ngashiyitito kukudora muEgipute. Kehe pano kehe uno ngavavhurukita kuhamena ndje, ngavakara na ghoma, mukonda ya Karunga mushiti, ashi avawapayikira vya kuvapiruka. ¹⁸ Muliyuva olyo ngakukara vitata vitano mushirongo sha Egipute vyakughamba liraka Kanani ntani avaghana ushiri kwa Hompa mushiti. Ghumwe wavitata ngavishiyita shi shitata sha liyuva. ¹⁹ Muliyuva linya ngapakara shidjambero kwa Hompa mukatji kashirongo sha Egipute, ntani ngapakara ngundi ya liwe pamururwani na Hompa. ²⁰ Ngashikara shiyivito na ghumbangi kwa Hompa mushirongo sha Egipute. Opo ngavalira kwa hompa mukonda ya udona, ngavatumina muyogholi na mukareli, ntani ngavaghupirapo. ²¹ Hompa ngavamuyiva muEgipute, ntani vatungi muEgipute ngava ngambipara Hompa muliyuva olyo. Ngavamutangauka na kutapa ndjambo na vitapa ntani ngatapa mughano kwa Hompa ngavikitemo. ²² Hompa ngatapa matengeko kuvaEgipute, Matengeko na maveruro. Ngavavhuka kwa Hompa; ngavayuvha ndapero davo kumwe nakuvaverura. ²³ Muliyuva olyo ngakukara ndjira yayire kutunda kuEgipute ghuyende kuAssyria, ntani va Assyria ngavayenda kuEgipute ntani vatungi muEgipute ngavakarera navaAssyria. ²⁴ Muliyuva olyo, Israeli ngayika yaghutatu kumwe na Egipute ntani Assyria, litungiko mukatji kaghudjuni; ²⁵ Hompa mushiti ngavatungika nakughamba shi, ''VaEgipute vamatungiko, vantu vande; Assyria, viruwana vya maghoko ghande; ntani Israeli vatungi vande.''