¹ Natapire lino lifumadeko lya mpangera kumeho yaKarunga na Kristusa Jesusa, ogho ngakapanguro vayumi nava fe, ntani morwa limoneko lyendi na untungi wendi: ² Yuvita nkango; kara wakuvangara ntjene hepero ntani ndi kwato. Kuvurukitange, shwenena, shongaura, nanavantje vakuku hamitira ntani na mashongo. ³ Ruvede ngaruya opo ngava kara ashi vantu kapi ngava didmika liywi lyamashongo. Mundjira ndjoyo, ngava kukonga naumwavo vashonge kukwama madowo ghana umwavo, gha kughamba ovyo anahoro kuyuva matwighavo ghakuyuwa ghayuve. ⁴ Ngava shweneka matwi ghavo mukuyuva ushili, vavo ngava kwama vyampo. ⁵ Ene ngoli ove, kara wakukorwa pandunge muvininke navintje. Hepa namaudito ghamanene; ruwana shiruwana shaghu Evangeliste, ruwana shiruwana osho shakutumbukiro mungereka yenu. ⁶ Ame naku wapayikiri kungupamo nitundemo. Ruvede rwande rwakukugaunuka runatiki. ⁷ Ame narumbatana marumbatano ghamawa; namana kurwa; natulika lipuro. ⁸ Shimbarara shauhungami vashimpongwera shande, osho Hompa, mupanguli wauhunga, ngakampa ame muliyuva olyo, ntani kapishi ame pentjande, ene ngoli novo vaholire limoneko lyendi. ⁹ Ruwana po wahulira ghuye wangu kwande. ¹⁰ Demasi ghantjuva. Ahora uno udjuni wantantani ntani ayendi kuThessalonika. Crescens ayendi kuGalatia, ntani Tiyusa ayendi kuDalmatia. ¹¹ Rukasa pantjendi anakaro name. Wana Marukusa ghuye naye morwa uye mulyo kwande muukareli. ¹² Tychicus namutuma kwa Ephesus. ¹³ Lirwakani lyo nashuvire kwa Troas na Carpus, ngaulipiture opo ngauya ntani mbapira, unenepo shipapa shinya twa tjanganga. ¹⁴ Alexander muruwani wangoporo ghandundilire maudona ghamayingi kuhamena kwande. Karunga ngamupangura kukwama viruwana vyendi ovyo aruwana. ¹⁵ Nove ngoli wakona kukukunga naumoye kwendi, morwa ghuye kurwanitanga unene nkango detu. ¹⁶ Pakuhova nakukandwire, kwato oghu andjimanitiroko. Mundjira ndjoyo, navantje avantjuvu. Ndi kapishi ngava kavivapangwire ovyo. ¹⁷ Ene ngoli Hompa ayimanine name nakunkondopeka mposhi, kupitira mwande, nkango ngavavure kungambipara, ntani vapuli navantje ngava kaditereghere. Ntani vampopilire vangupe mukanwa kanyime. ¹⁸ Karunga ngampopera kukehe vino vininke vyavidona ntani ngampopera morwa Untungi wamuliwiru. Uyerere ukare kwendi naruntje nanaruntje. Amen. ¹⁹ Mora kwaPriscilla, Anquila, ntani namundi nauntje wa Onesiphurus. ²⁰ Erastusi ghakalire mu Corinth, ngoli Trophimus ghuye kwakalire ku Miletusi. ²¹ Ruwana mwamunene powahulira ngaukaye pakuFu. Eubulus anamumorora, na Pudens, Linusi, Claudia ntani navamunya venu navantje. ²² Hompa akare nampepo denu. Ufenkenda ukare nanwe.