¹ Mposhi ove, monande, kara unakoro muUfenkenda ogho wakaro mwa Kristusa Jesusa. ² Vininke wayuva vyakutunda kwande muma umbangi ghamangi, gha huguvarera vantu vova puro ovo ngava kavuro kushonga vaunyavo nka. ³ Hepa namaudito kumwe name ngomu mukwayita wamuwa wa Kristusa Jesusa. ⁴ Kwato mukwayita akarerango ghuye ana kukwatakane navinka vya liparu, mposhi ahafite mukurona wendi wamu kavita. ⁵ Ntani, ntjene umwe anamana yira wa kuduka, kapi vamudwatekanga nkwandi ana mana na dimuragho. ⁶ Vyavyo hepero ashi munafarama wakuruwana unene ghakona kuwana ruha rwendi rwa viyimwa vyendi pakuhova. ⁷ Ghayara vyakuhamena kovi nakughamba, Karunga ghuye ngakupa uyivi nana vintje. ⁸ Vurukashi Jesusa Kristusa, ghamonine Ndafita, oghu varambwitire kuUfe. Ovino kutwara mumbudi yamatjangwa ghande, ⁹ mbyo nakuhepera dogoro vamange na mauketanga yira muwidi. Mara nkango daKarunga kapi vadimanga. ¹⁰ Mbyona pita navintje vino vininke morwa ovo vahoroghora, mposhi navo ngava kawane liyowoko lyakaro mwaKristusa Jesusa, nauyerere wanaruntje. ¹¹ Olino lihuguvaro kuvighamba: '' Ntjene tufa naye, ngatukatunga nka naye. ¹² Ntjene tudidimika, ngatukaya kumwe naye. ntjene tumushwene, naye ngakatushwena. ¹³ Ntjene kapi tukara muuhungami, ghuye ngakara muhungami, morwa ghuye nakukushwenashi naumwendi.'' ¹⁴ Twikira kuva vhurukita kuvininke vino. varondore kumeho ya Karunga kupiruka kutangura vyakuhamena dino nkango; vyavyo kwato mulyo, ntani vyavyo kudjonawita ovo vana kuditerero. Dimwe damulyo mbapira dava Gereka, varondore kumeho yaHompa. ¹⁵ Ruwana mwamunene ukuneghede naumoye kwaKarunga ashi kumwe munakara, mukareli ogho apiro kukara nashitambo shakukufa ntjoni, ogho anayimano muuhunga ashonge nkango daushili. ¹⁶ Kughupeko kuvighamba vyakupira lifumadeko ovyo vyatwarango ghungi wakupira vyaKarunga vyahana mulyo. ¹⁷ Vighamba vyavo kukuhana yira Kankeri. Vamwe vavo vaHymenaeus nava philetus, ¹⁸ ovo vayendiro vakombane ushili. Vavo kughamba ashi livumbuko lyashoroka kare, mbyo vavipita lipuro lyavamwe. ¹⁹ Ene ngoli, ntundiliro yalitateko lya Karunga lya yimana. dakara paliwe: '' Hompa ayiva ashi vendi vare'' ntani '' Kehe uno arukango naumwendi lidina lya Hompa ghakona kutunda kuvininke vyakupira uhungami.'' ²⁰ Mundi waungawo kapishi vipako vya ngorodo na siliveli pantjavyo. namo mpovili vya vitondo na lirova. Vimwe vino vyakuruwanita vakurona vapamapuna, ntani vimwe vya vakupira mapuna. ²¹ Ntjeneumwe ghakukenita kulipuna lyaukurona lyaviruwana, ghuye mukurona wavipako. Ghuye vamutura pantjendi, mulyo kwaHompa; ntani vamuwapayikira viruwana vyaviwa. ²² Tunda kuvinyenena vyawanuke, kushana uhungami, lipuro, shihoro ntani mbili novo vayitango lidina lyaHopma namutjima wakukena. ²³ Ngoli kushwene na vyaugova ntani kumwena mapuro. ogho unayiva ashi kuvikayita dimutangu. ²⁴ Mukareli waKarunga nakutangunashi. Mulivango olyo wakona kukara wamunongo kwa navantje, kuvura kushonga, ntani kukuhamitiramo. ²⁵ ghakona kutwikida kushonga ovo vamurundirango. Mposhi Karunga kuvura avape likutezururo pankedi yaushili. ²⁶ Ngavashuva Unkorwi ntani namango da satana, kutunda opo ava kwata mushihoro shana umwendi.