¹ Vyakuhamena kuvitapa ovyo vana kupoyikira vantu va Karunga vamu Vagarata, nanwe viruwanenu yira momu namutantera muMbunga Kriste. ² Kehe shundaha muliyuva lyakutanga mushivike, kehe uno anahepa kupungurako vyuma kutwara mwaviwanamo vyendi. Kapishi dogoro nayatiki ntani munakuvipongayika. ³ Ntjene nganiyatika nganiyatuma vamwe ava mwahuguvara kumwe na ntjangwatumwa vatware vitapa vyenu ku Jerusalem. ⁴ Ntjene ngapakara hepero yakuyenda name, ndi ngavayenda name. ⁵ Nganiya kukwenu opo nganiyapita Masedoniya. Mukondashi nganiyapita mu Makedoniya. ⁶ Ntjene ngaviyawapa ndi nganiyakara nanwe shiruwo shakufu nayintje, mposhi ngamuvhure kumbatera muruyendo rwande, rwa kehe kuno nganiyenda. ⁷ Ame kapi nahoro ashi nganiyamupite tupu. Ngoli ame kuna horo nganiyakare nanwe shiruwo shashire, ntjeneshi ngampulitire. ⁸ Ngoli nganikara tanko mu Efeso dogoro mu Pentekoste, ⁹ Mbyovyoshi kukwande mavero anagharuka unene, ntani ndjira yina wapa yakuruwana viruwana vyavinene, ngoli vanankore navo vanavhuka unene. ¹⁰ Weno opo ngaya Timoteus, ngamuyamutambure mwamuwa, morwashi uye kuna kuruwana viruwana vya Hompa, kumwe name. ¹¹ Kapishi ngamuya mushentje. Ene ngoli ngamumu kwafe pa mbili ngatwikire nandjira yakuya kukwande. Ame kuna kumutaterera ngayatike kumwe nava unyendi. ¹² Vyakuhamena kwa unyetu Apolo, ame kuna kumukorangeda unene ngaye kukwenu kumwe nava unyendi. Ngoli kapi anahoro ashi ngayatike ntantani weno. Nani ghuye ngayatika nangeshi, ngamanguruke. ¹³ Karenu munavangara, karenu nalipuro, karenu vakafumu, karenu nankondo. ¹⁴ Viruwana vyenu navintje munahepa kuviruwana nashihoro. ¹⁵ Vakwetu mwayiva ashi valipata lya Stefanas mbo vakuhova kukara vaKriste mu Gererka, mbyo vakutapa muviruwana vyakukwafa vantu va Karunga. Ame kuna kumukorangeda vakwetu, ¹⁶ kukwata karenu kumwe navo ntani na kehe uno wakuruwana kumwe nakukwatitako kuviruwana. ¹⁷ Ame kuna hafa unene omu kaya tiki Stefanas, Forotunasi na Akayikus. Weno mpovali papande mulivega lyenu. ¹⁸ Vavo vanayatendeke monyo wande yira momo vatendeka denu. Muna hepa kupakera mbili vantu vakukara weno. ¹⁹ Mbunga Kriste damu Asia vanamukundu po. Aquila na Priscilla kumwe nambunga Kriste, kumwe nambunga Kriste oyo ya pongango mumundi wavo, ²⁰ vanamukundu po unene mwa Hompa. Vaunyetu navantje vanamukunditiripo. Kukunda kundenu po nashihoro sha kukuncumita mu ughunga. ²¹ Ame, Paulus, natjango vino naliwoko lyande. ²² Ntjene mpwali owo adiro kuhora Hompa, ogho vamufingilira. Hompa wetu kuna kuya! ²³ Hompa Jesus amufere nkenda. Kuna kumukundapo unene namuvantje vakuhora mwaJesus kristus. Vyavisheshu vyamulyo nava Gereka kuvhukita ntani, ano kutoroka kumwe nakuturako Amen kughuhura wa rumbembera. ²⁴ Ene ngoli vyamulyo va Gereka kuvhukita kumwe nakutoroka, mara ngoli kundereko Amen kughuhura.