¹ Gbɛtɔ lɛ tɛtɛ ɖo a setonu na acɛkpikpa exe ɖe to ɔ mɛ lɛ. ɖo acɛkpikpa ti o ɖe gbɛ mawu o na egbe e, acɛkpikpa e ɖe lɛ ɔ, mawu e ɖo awan, enɛ ɔ, ² mɛ enɔ cite do acɛkpikpa ji lɛ ɔ, nu exe mawu lɔ fan nɛ wa ɛ ji e nɔ cite do, mɛ exe cite do nu exe mawu lɔ fan nɛ wa ɔ ji ɔ la dɔn hwɛ lɔgɔemɛ mawu etɔn do eɖeji. ³ Xonugbo ɔ, emɛ exe wa nu jijɔ ɔ go nɛ wa hu cicuɔ na ga lɛ e, vɔ ɔ mɛ exe wa nu nyi nylan lɛ ehu cicuɔ nɛ. nɛ o go jlo a hu cicuɔ na ye ele ɔ, mɔ wa nu ɖagbɛ. ⁴ enɛ ɔ acɛkpikpa ɔ la kpɛ ɛ. ɖo dɔn enɔ wana mawu na oyɔ tete e ɖagbɛ, Enyi o wa nu nyiylan ɔ, bo hu cicuɔ ni, ɖo ego wa vɔvɔ acɛkpikpaɔ wa dɔn oto na mɛ: enɔ wadɔn na mawu mɔa dɔn mawu e xomɛsi xlɛ mɛ eno wa nu nyinylan lɛ,. ⁵ Enɛ wutu e ɖe dandan fan nɛ setonu na acɛkpikpa ɔ,ego wa nɛ lo cuɔ na mawu e xomɛsi kɛɖɛ nɛ e, vɔ ɔ, mɛ tete eayi mɔ lɔ nu e ye awa ɔ na mɛ wutu nɛ. ⁶ Nu enɛ wutu mi su taxwa,ɖo mɛ exe si acɛkpikpa ɔ ɖe,ye mɔ nɔ wa dɔn enɛ lɛ ɔ, mawu enɔ wadɔn na. mɔ ɖoa wa dɔn enɛ ganji, nu exe axɔ mi ɖu ɔ, mi su mɛ exe mi ɖu do lɛ. ⁷ misu xwexwa mɛ exe mi ɖu xwexwa do lɛ, mi su toxwa mɛ exe miɖu toxwa do lɛ. mi ɖo sisi na mɛ exe mi ɖoa ɖo sisi na ɔ, mɔ wli yɛyi na mɛ exe mi ɖoa wli yɛyi na lɛ. ⁸ Mi ma ɖu axɔ do mɛtie, nu lokpo pɛ eaxɔ mi ɖu do mi ɖe e yi ewa mi nyiwan na miɖe. ɖo mɛ exe nyiwan na mɛ ɖe lɛ ɔ, setonu na isɛn ɔ tɛtɛ. ⁹ xonugbo ɔ, mi nyɔ nu exe sɛn ɔ lɔ: ma lɛ oga e; ma jɛ ajo e, i okun ni ma nɔ inɔzo enu go e. Isɛn enɛ lɛ gɔ esɛn ɖetɔ lɛ tɛtɛ e yi e kpli do: « Nyiwan na i nɔzo ɖi oyɔ tete mɔ ɖe.» ¹⁰ Mɛ exe nyi wan na ɛmɛ ɔ go wa nu nyinyla ti gɔ enɔzo e. emɛ exe nyi wan na mɛ ɔ sɛn ɔ tɛtɛ e nɔ se tonu na. ¹¹ Mi bayi nu etɔnɛ ɖo mi nyɔ gan e mɛ mi ɖe ɔ. Gan exe mɛ mi la fɔn ɖe owlɔn mɛ we, ɖo hwlɛngan ganmɛ mɔ gogo wu mi tɛn hu gan exe mɛ mi ɖinu trolo ɔ. ¹² Zan mɔ sɛ lo sɔn, okun mɔ na kɛn , hun mi bo jo nu exe e wa ɖe zuvlu mɛ lɛ do, mɔ fɔ ahwanfunnu exe zɔn e mɔ fun ahwan ɖe kinklɛn nugbɛn lɛ i kpla. ¹³ Mi wa a mi zan mi egbɛ do jijɔ ji, kɛn e jɛ ɖo fan nɛ bayi ɖe kɛklo ɖo ɔ. Mi ma wa nu zɛ jlɛ go e, mi ma nu ahan mu e, mi ma lɛ oga e, mi ma wa nu xweɖwi-xweɖwi e, mi ma wa jlɛ e, mi ma wa hwanlɔ e. ¹⁴ Mi ze aklunɔ Jesu Klisu i do ɖi awu mɔ ɖe bo ma gɔ jo mi ɖe do na ninɔ mɛ gbɛtɔ tɔn exe mi ɖo ɔ e.