¹ Nyɔ PɔIu emɛsɛntɔ yesu tɔn exe mahu ylɔ fan anyi emɛ sntɔ en̵ɔ wlan xoma exe loxlan mi, mɔnɔ do igbe loxlan mi; mahu ecan dovo alo jla e wɛn ɖagbɛ. ² Ewɛn Ɖagbɛ enɛɔ Mahu mɔ yi zɔn e xolɔdawantɔ lɛ ji tɛn ɔ edɛn ,emɔ wlan do Mahu xoma lɔ mɛ. ³ Ewɛn Ɖagbɛ enɛ lɔ lɔxo do evi osintɔ yesu klisu go. Ɖe gbɛtɔ nyinyi etɔn mɛ Davidi e okɔta mɛ e jɔ ɖe. ⁴ Vɔ ɖe gbigbɔ nyinyi etɔn mɛ ɔ eɖe xlɛ gɔɖo igan fan Mawuvienyi zɔn kuku gɔdo fifɔn etɔn mɛ. ⁵ Mahu ɖo olɔ zɔn klisu ji, mɔ yiu lo bayi emɛ yixlan alo kɔ yesu e nyikɔ ɖo jihwle, mɔlo ɖɔn gbɛtɔ lɛ ɖe ito tɛtɛ mɛ nɛ lo ɖinu ni, mɔ se tonu ni. ⁶ Miɛlɛ fe ɖe emɛ enɛ lɛ mɛ, miɛlɛ emɛéxé Yesu ylɔ mi mɔ nyi Yesu etɔn lɛ. ⁷ Lo wlan xoma éxé lo xlan miɛlɛ emɛ éxé ɖe Hlɔma lɛ; miɛlɛ éxé Mawu nyiwan na, mɔ ylɔ miɛlɛ, mɔ ɖe mɛɖedovo mi mɔ lo nyi togun etɔn. Mawu mitɔn gɔdo evi Yesu Klisu ni na Majɛna gɔdo fifa etɔn. ⁸ Feto walo lɔ ixo éxé ɖe unsi ɔ, la do ekpɛ na Mawu untɔn zɔn Yesu Klisu ji, ɖo miɛmɛ tɛtɛtakun gba. Ɖo enɔ lɔ inu éxé mi ɖi na Klisu lɔ e xo zɔn egbɛ lɔ tɛ mɛ. ⁹ Mawu éxé lo sin gɔdo susu untɔn tɛtɛ, zɔn ewɛn Ɖagbɛ éxé lɔxo do evi Yesu jijla go ɔ, nyɔɛn fan xojɔxo lo lɔ; nyɔɛn fan nɛnyifan lo xo eɖɛ gan lele kpokpoe mɛ ɔ mi nu nɔ un susu mɛ. ¹⁰ I biyɔ ɖesi fan zɔn ojlo etɔn mɛ ɔ ni bayi a mɔ imɔ lo wa mi kɛ. ¹¹ Ɖo enɔ jlo fan a wa mi kɛ mɔ hin gbigbɔ mɛ enu nina lohwlɛn lo wa na mi, mi mɔ lo ɖo igan ɖe nuɖiɖi éxé mi ɖo na Klisu wutu. ¹² Ixo éxé lo lɔ kpoun enɔ nyi fan enyɔ gɔdo mi aminɔ kpoɛ mɔ lo na jiɖiɖe wu miɖe lɛ. Inyɔ la na jiɖiɖe mi zɔn nuɖiɖi untɔn mɛ, miɛlɛ fe mɔ na jiɖiɖewu zɔn nuɖiɖi mitɔn mɛ. ¹³ Un nɔvilɛ, ijlo ami nyɔ fan imɔ ɖo ojlo jɔ nɛmu lele wa lo wa mikɛ vɔ inulɛ mɔ nɔ jɛdemɛ na. Vɔ mɔnɔ ɖin fan idɔn éxé nɔwa lɔ ni ɖo ale ɖe cɛncɛn na mi ɖikɛn eɖo ale ɖe ito kpɔtwɛ lɛ mɛ ha. ¹⁴ Eɖe dandan mɛ na fan asɔn mɛ tɛtɛ kɛ, emɛ éxé hunkun gɔdo emɛ éxé go hunkun fe. Emɛ exe se xoma lɛ gɔdo emɛ éxé go se xoma lɛ. ¹⁵ E yi ena e lo nɔ jlo fan a we jla ewɛn Ɖagbɛ lɔ na emɛ éxé ɖe Hlɔma lɛ fe ¹⁶ Nɛnyifan lo jla ewɛn Ɖagbɛ lɔɔ inya go wa fee; ɖo igan éxé Mawu zan lo hwlɛn emɛ éxé ɖinu lɔ nɛ; Jwifu lɛ enyi tantɛn emɛ éxé go nyi Jwifu lɛ mɔ we bɔdo ego. ¹⁷ Ɖe xojɔxo mɛ ɔ, ewɛn Ɖagbɛ lɔ eɖe kɛ Mawu yi gbɛtɔ lɛ lo tlɔzun ehwɛ jijɔnɔ ɖo ixlɛ; ɖe bibɛmɛ gbɔn losɔn gigɔn nugbɛn ɔ nuɖiɖi mɛ ɖoɖo eyi emɛlɛ lo bayi ehwɛ jijɔ nɔ na; vɔ, kɛn Mawu e xoma mɔ lɔ ɖo ha: "emɛ éxé Mawu mɔ lo mɔ ehwɛ jijɔ nɔ la nɔ egbɛ ¹⁸ Emɛ éxé go se tonu na Mawu, mɔ nɔ inu éxé jloe lɛ watɔn ɔ, Mawu yi e xomɛsin eba lo xoe, sɔn jihwle, inu enɛ lɔ eyie na gbɛtɔ lɛ go kpego lo nyɔ xojɔxo lɔ e. ¹⁹ Mawu dɔn ito nɛ, ɖoinu éxé eɖo wa nyɔ Mawu go ɔ eɖe nuvo ɖe ekɛ: Mawu tete mɔ hun inu enɛ lɛ ixlɛ ganji. ²⁰ Ɖe xojɔxo mɛ ɔ, ɖe egbɛ lɔ e bibɛmɛ , inu éxé enyi gbɛ e go mɔ lɔ le eyɔ enyi fan igan etɔn magɔn magɔn gɔdo inu exe enyi ɖe xonugbo mɛ ɔ, enyɔ ɛn zɔn inu éxé e wa lɛ mɛ , enɛ wutu ɔ e ɖe kuku gɔ ɖe emɛ na mɛti e. ²¹ Enyɔ Mawu co e go na kpikpa wi e; gbɛ e go do ekpɛ ni kɛn e jɛ ɖo e; wugan wu etɔnɛ ɔ e takunmɛ bubu go sɔgbe e, inujɔnu ti goɖe e ayixa lɛ mɛ e, gbɛ e go bu susu ti e. ²² E lɔ fan inunyɔtɔ e nyi vɔ iklenɔ e mɔ nyi. ²³ Egbɛ Mawu maku maku kafu, mɔ nɔ kafu otinmɛswɛ gbɛtɔ éxé mɔ ku lɛ etɔn, mɔ kafu tinmɛswɛ exɛ éxé mɔ ku lɛ etɔn, kanlin éxé ɖo ofɔ enɛ lɛ etɔn gɔdo kanlin éxé sa lɛ etɔn. ²⁴ Enɛ lɔ ena Mawu lo joedo emɔ nɔ inu eɖuwi kɛn ejloe ɖo, mɔ yi agbaza etɔn lo nɔ inya nu lɛɛ watɔn ɖe eɖe lɛ mɛ. ²⁵ E gbɛ xojɔxo exe lɔ ixo do Mawu go lɔ, mɔ yigbe na awo. E yi inuɖiɖo Mawu etɔn lɛ lo bayi inu sɛnsɛn mɔ se tonu nɛ, mɔ ɖekɔ ɖe Mawu tete egbɛdatɔ lɔ go; eyɔ mɔ nɛmi ɖo a yi akpakpa gɔdo kafu kafu yi na. Amii ! ²⁶ Enɛ ena Mawu lo joedo emɔ bayi agbaza mɛ enuéxé nyi inya nu lɛ. Nyɔsi etɔn lɛ mɔ ɖoxo gɔdo eɖelɛ, inu éxé nyi inunyinylan. ²⁷ Etɔnɛ ke islun etɔn lɛ ɖekɔ ɖe e nyɔsi lɛ go, ojlo agbaza tɔn mɔ na emɔ nɔ wa inya nu lɛ gɔdo eha islun lɛ. Enɛ wutu Mawu lo nɔ dɔnto nɛ. E mɔ sɔgbe etɔnɛ pɛpɛ, enu nyinylan wiwa lɛ wutu. ²⁸ Exé egbɛfan eylɛ gona sɛn Mawu le ɔ, Mawu joedo e mɔ wa inu éxé linlɛn masɔgbe etɔn jlo lɛ, mɔ nɔ inu éxé e go ɖo awa lɛ watɔn. ²⁹ Inu masɔgbe tɛnmɛ tɛnmɛ gɔdo inu nyinylan wiwa lɛ tɛtɛ e juwɔ e ayi xa lɛ mɛ, emɛnu jijlo gɔdo adanu wiwa olɔkpa olɔkpa lɛ e juwɔ e ayi lɛ mɛ. Hwanlɔ, emɛhuhu gɔdo ejlɛ wiwa olɔkpa olɔkpa tɛtɛ e juwɔ e ayi lɛ, sɛsɛ gɔdo bibi tɛtɛ e juwɔ e ayi lɛ mɛ; enɔ ixo lɔ tɔn kpowun, ³⁰ Mɔ nɔ ixo nyinylan lɔ tɔn do eɖe lɛ go tɔn; kɛntɔ enyi na Mawu. E go si emɛ e, e mɔnɔ goyitɔn, mɔnɔ ojɔ jla na eɖe lɛ tɔn. E mɔnɔ inu nyinylan e susu yɔyɔ lɛ ɖe tɔn; e tlito , gbɛ e go se tonu na emɛjitɔ etɔn lɛ e, ³¹ E ayixa go mɔnɔ e ; e go ɖegbeɖo e; e go ɖo wannyinyi e, gbɛ emɛ enu go ɖu odɔnu nɛ e. ³² E nyɔ ɛn ganji fan Mawuxo lɔ fan: emɛ éxé zan egbɛ etɔnɛ lɛ ɔ, iku e jɛ na, co e mɔ nɔ inu etɔnɛ tɔn lɛ bayi tɔn, emɔ gɔnɔ exwɛ yi tɔn do emɛ éxé nɔ inuwatɔn etɔnɛ lɛ.