² Enú éxe éɖé hwihwlá, Yesu Klisu mɔɖexlɛ́ céké́ céké lɛ eyi eɖe xoma exé mɛ. Mawu ɖe inu enɛ lɛ xlɛ, nɛ ni xlɛ inu exe ena jɔ ɖe madɛn madɛn mɛ lɛ e mesɛntɔ lɛ. yesu klisu e ɖo ewɛnzangun lohlan emɛnsɛntɔ jaan, mɔ ɖe nulɛ xlɛ. ¹ jaan e ɖe klun na inu exe e mɔ lɛ tɛtɛ. ewɛn exe mawu do ɔ, gɔ xonugbo exe yesu klisu ɖexlɛ ɔ exo elɔ ɖe xie. ³ inu jɔhun na emɛ exe enɔ xlɛ wema exe, mɔ nɔ ɖoto ewɛn exe lɛ exe mawu do zɔn ixo yi mɔ lɔtɔlɛ ji, mɔ bay deji lɛ ɔ, ɖo gan exe mɛ mawu ɖo do nɛ inu enɛ lɛ tɛtɛ ni lo jɔ ɔ e mɔ gogo. ⁴ Inyɔ jaan e ɖo xoma exe lo hlan ogun klisu tɔn acyowe exe ɖe tota azii tɔn mɛ lɛ ɔ: mawu exe eɖee tɛɛn mɔ ɖe san mɔ awa ɔ, ni na majɛna gɔ fifa mi; gbigbɔ aciowe exe ɖe kɔsu zinkpwe wunkɔn lɛ ni na majɛna gɔ fifa mi; ⁵ yesu klisu exe nyi klun ɖe tɔ gbeji nɔtɔ mɔ nyi emɛ tantɛn exe mawu fɔn ɖe ku ɔ, mɔ hungan kɔsu exe ɖe hɔnnɛzanji lɛ ɔ ni na majɛna gɔ fifa mi. yesu klisu e nyiwan na mi e hwɛn mi ɖe ehwɛ exe mi hu lɛ mɛ, zɔn e hun mɛ; ⁶ mɔ yi mi lo bay vɔsanu xwlemawutɔ lɛ e kɔsuɖuto, nɛ ami nɔ wa idɔn na itɔ mawu susu gɔ hinhlɔn ni mɔ nyi etɔn tɛn kaka lo sɔn magɔn magɔn! ami! ⁷ Mi kpɔn! e zwan ɖe kpɛtɛvi mɛ ! emɛ tɛtɛ e la mɔɛ; emɛ exe tɔ hwan wi lɛ fe la mɔ ɛ. okɔta exe ɖe hɔnnɛzanji lɛ tɛtɛ la na ale ɖo eyɔ wutu. xonugbo nɛ, ela nyi etɔnɛ ! ami! ⁸ aklunɔ nu tɛtɛgo kpetɔ exe ɖɛ tɛn mɔgɔ ɖe san mɔa wa ɔ fan: inyi alufa mɔ nyi omega; inyi bibɛ mɔ nyi gingɔn. ⁹ I nyi jaan mi nɔnvi eyi i nyi; ɖe kpwɛ exe mi ɖe ɖe yesu mɛ ɔ, nɔ ɖu aya gɔmi mɔ ɖe kɔsu ɖuɖu lɔ mɛ gɔ mi; i ɖete gɔ suulu gɔmi iɖe tɔ cɛncɛn e awlango exe e ylɔ fan Patimɔsi ɔ ji, ɖo i jla mawuxo lɔ mɔ klun na yesu wutu. ¹⁰ Aklunɔ zangbe ɔ gbigbɔ ɖedovo e wa xuun ji mɔ nɔ se igbe sisyɛn nɛhwlɛn ɖe un godo, gbe lɔ mɔ nɔ jan nu ɖi ekpɛn gbo nɛnhwlɛn mɔn ɖe ¹¹ mɔ lɔ fan: wlan inu exe onɔ mɔ lɛ do xoma mɛ, mɔ ɖo xoma lɔ lo xlan ogun klisu tɔ acyowe exe lɛ; ogun efɛzi tɔn, simini tɔn, pɛgami tɔn ,tiatii tɔn, saadu tɔn, filadɛlufii tɔn, gɔdo laodisee tɔn ¹² I tlɔ mɔ nɔ din a kpɔn emɛ éxé e nɔ lɔ xo na ; gan enɛmɛ ɔ, i mɔ sikazoggbɛnhɛnnu aciowe. ¹³ Nuɖi gbɛtɔ mɔɖe ha nɛhwlɛn ɖe e cɛnɛn; e do ahwu zaa nɛhwlɛn, awu lɔ mɔ ziza , awu lɔ mɔziza gbɔɔn mɔ wa é Ofɔ lɛji; e yi okɔnnugbɛn blanu éxé e yi sika lo bayi ɔ isin do okɔnnugbɛn. ¹⁴ E takun godo e ɖa lɛɛ e we ɖi lotinwɔ alo ala weweyi mɔɖe; e okun lɛ tazo ɖi ezo ha mɔɖe. ¹⁵ E ofɔ lɛ dazo ɖi ogan fɛfɛyi éxé e slé ɖe zomɛ, mɔ ɖiɖi wutu ni ɔ mɔɖe; e gbe jannu ɖi esin gbe ɖehwlɛn nɔ kɔnxwan mɔɖe. ¹⁶ E hɛn sunvi acyowe do e olɔ oɖusi ɔ mɛ, iji ɖiɖa nugbɛn owenɔ nɛhwlɛn mɔ nɔ tɔn ɖe kemɛ ni; e okunmɛ dazo ɖikɛn sɛzo dazo ɖe sɛzomɛ ciɖi ciɖi ɔ mɔɖe . ¹⁷ Exé i mwɛn ɔ, i jɛ awan ɖe e asamɛ, mɔ ciɖi emɛ kuku mɔɖe. E ɖe e olɔ oɖusi lɔ un ji mɔ lɔ fan: "ma hu cicwɔ e ! Inyɔ enyi emɛ éxé é jɛ nukɔn, mɔ nyi emɛ éxé jɛ godo. ¹⁸ Inyɔ ewa emɛ gbɛgbɛ ɔ. I mɔ ku san ; vɔ tɛn ɔ, i ɖe gbɛ gan tɛtɛ mɛ ; iku gɔ kutomɛ e sanfle ɖe un si. ¹⁹ Hun , mɔ wlan inu éxé o mɔ lɛ: éxé nɔ jɔ tɛn lɛɛ gɔ éxé la we jɔ ɖe enɛ e ogodo lɛɛ. ²⁰ Sunvi acyowe éxé o nɔ mɔ ɖe un odusilɔ mɛ lɛ gɔ sika zogbɛn hɛnnu acyowe lɛ ɔ, inu budo éxé e nɔ ɖexlɛ ɔ we: Sunvi acyowe lɛ ɔ, ogun Klisu etɔn acyowe lɛ e wɛnzangun lɛ nɛ, zogbɛn hɛnnu acyowe mɔ nyi ogun Klisu etɔn acyowe lɛ.