¹ Wlan xoma lohlan ogun Klisu etɔn éxé ɖe Efɛzi ɔ e wɛnzangun mɔ lɔ ni fan: "emɛ éxé hɛn osunvi acyowe lɛ do e olɔ aɖusi ɔ mɛmɔ nɔ zɔn zɔnlin ɖe sika zogbɛn hɛnnu acyowɛ lɛ cɛncɛn ɔ, ixo éxé enɔ lɔ ɔwe: "i nyɔ inu éxé owa ɔ tɛtɛ , ² i nyɔ tagba éxé o jɛ ɔ; mɔ nyɔ fan oɖo suwulu . I nyɔ fan o go mɔ gbɛtɔ ɖiɖa lɛ ɖo kun e; eyɛmɛ éxé lɔ fan eyɛ nyi emɛɖolohlan gbɛ ego nyi lɛ e le ɔ, o dindonɛ mɔ mɔ fan xosuɖutɔ e nyi. ³ O ɖo suwulu, ose vivɛ do inyɔ wutu, gbɛ abɔkanmɛ go kwi e. ⁴ Vɔɔ, inu éxé vɛɖe ungo ɔ we, o go ɖo wannyinyi ɖikɛn oɖo ɖe bibɛmɛ ɔ e. ⁵ Hun mɔ flin tɛnxwe mɛmɛyi éxé o flɛ ɖe ɔ mɔ lɛkɔ ɖe i ehwɛ lɛ gun , mɔ wanu ɖikɛn o wa ɖe bibɛmɛ ha. Nɛ ogo lɛkɔ ɖe i ehwɛ lɛ gun e le ɔ, la we mɔɛn , mɔ ɖe i zogbɛnhɛnnu sɛ. ⁶ Eɖe etɔnɛ co, nu exe tɔ éxé o bayi ɔ e jɔhun nɛ, o gbɛwan na inu éxé Nikolaa e gbɛtalɛ bayi lɛ ɔ, kɛn i gbɛwan na lɛɛ. ⁷ Emɛ éxé ɖoto wa lo ni se inu ɔ, ni se inu éxé gbigbɔ nɔ lɔ na ogunlɛ ɔ ganji ! emɛ éxé la ɖu ɖeji ɔ la na gbe wii, emɔ ɖu oti éxé na egbɛjɔegbɛ mɛ mɔ ɖe mawu ejikpamɛ ɔ e sinsɛn. ⁸ Wlan xoma lohlan ogun Klisu etɔn éxé ɖe Simini ɔ e wɛnzangun mɔ lɔ ni fan emɛ exe nyi emɛ tantɛn atɛn mɔ nyi emɛ godogodo tɔn ɔ, emɛ éxé ku mɔ gɔ fɔn ɔ, ixo éxé elɔ ɔ we: ⁹ Inyɔ vivɛ éxé o nɔ se ɔ, inyɔ fan o go o inuti e, nɛ ela lɔ xonugbo ɔ, dɔkunnɔ e wɛ ! Emɛ éxé lɔ fan eyɛ nyi Jwifu gbɛ ego nyi lɛ le ɔ, i nyɔ inu nyiylan éxé e nɔ linlintɔn do i go lɛ ɔ: habibɔ sataan etɔ enyi ! ¹⁰ Vivɛ éxé omɔɔ ni mă hu cicwɔ nɛ e, ɖoto awovi la bɛ mɛsusu ɖe mimɛ la do gankpamɛ mɔ lo tɛn mi kpɔn; mi la se vivɛ na azan owoe. Nɔ gbeji kaka lo sɔn ku; gan énɛmɛ ɔ, la na egbɛ wi emɔ nɔ ɖi kɔsu gba exe na egbɛ emɛ ɔ ha. ¹¹ Emɛ éxé ɖoto wa lo senu ɔ, ni se inu exé gbigbɔ ɖedovo nɔ lɔ na ogunlɛ ganji. Emɛ éxé la ɖuɖeji ɔ go na ku ku owegɔ ɔ é. ¹² Wlan xoma lohlan ogun Klisu etɔn éxé ɖe Pɛgamu e wɛnzangun mɔ lɔ ni fan mɛ éxé iji ɖida nugbɛn owɛnɔ ɔ, ixo exe elɔ ɔwe: ¹³ "I nyɔ xie o nɔɔ, xie Satan ɖu Kɔsu ɖe ɔ eyi o nɔ, onɔ gbeji na, o go jo nuɖiɖi éxé o ɖo na ɔ do e, gan éxé mɛ ehu un klunɖetɔ gbejinɔtɔ Antipasi de mikɛ ɖe xie sataan nɔ ɔ , o go jodo e. ¹⁴ Eɖé etɔnɛ co, o bayi inu nɛhwlɛn lɛ emɔ vɛɖe ungo: mɛ éxé tɛdo inukplɔn emɛ Balamu etɔngo lɛ ɖe mi mɛ, Balamu kplɔnnu Balaki fan ni dɔn Izlaɛli vikpɛlɛ, nɛ ɖu kanlin éxé e xwle yɛhwelɛ e lan, mɔ lɛ oga, emɔ lo hu ehwɛ. ¹⁵ Etɔnɛ ke ɔ, emɛ éxé tɛdo inukplɔemɛ Nikolaa e gbɛta etɔn go lɛ ɖe mi mɛ. ¹⁶ Hun, mɔ lɛkɔ ɖe i ehwɛ lɛ e godo, e go wa etɔnɛ le ɔ, la we mɔɛn ɖe madɛn madɛn mɛ tɛn, mɔ kɔ iji éxé tɔn ɖe un kemɛ lo fun ahwan gɔ emɛ enɛ lɛ. ¹⁷ Emɛ éxé ɖo to walo se nu ɔ ,ni se inu éxé gbigbɔ nɔ lɔ na ogunlɛ ɔ ganji. Emɛ éxé la ɖuɖeji ɔ, la na inu ɖuɖu exé eylɔ fan mana emɔ ɖe hwihwla ɔ, la gɔ ni ekpɛn weweyi éxé e wlan nyikɔ yɔyɔ nɛhxlɛn do ɔ, mɛti go nyi nyikɔ enɛ zɛ emɛ éxé nyi ekpɛn enɛ ɔ go e. ¹⁸ Wlan xoma lohlan ogun Klisu etɔn éxé ɖe Tiatii ɔ e wɛnzangun mɔ lɔ ni fan Mawuvi éxé okunlɛ dazo, ha kewun e ofɔlɛ mɔ klɛn ɖi ganfɛfɛyi éxé eɖiɖi wutu na ɔ ha; ixo exe elɔ ɔ we: ¹⁹ I nyɔ inu éxé onɔ wa ɔ tɛtɛ. Inyɔ kɛn oɖe gbeji ɖo ɔ; i nyɔ kɛn o bi do idɔn go ɖo ɔ, mɔ nyɔ suwulu éxé oɖo ɔ; i nyɔ fan i dɔn exe o nɔ wa tɛn ɔ esu wu idɔn éxé o wa ɖe bibɛmɛ ɔ. ²⁰ Vɔ, i nu éxé vɛɖe un go ɔ we , nyɔsi éxé nyi Jezabɛli mɔ nɔ yiɔ eɖe fan igbeyilɔ Mawu etɔn ejoedo kewun e mɔ kplɔnnu un emɛsɛntɔlɛ fan nɛ lɛ oga, nɛ ɖu kanlin éxé e xwle yɛhwe lɛɛ e lan; e kplɔn inu enɛlɛ wi lo fui. ²¹ I jo ganmɛ do n'i nɛ nilo lɛkɔ ɖe e hwɛ lɛ gun; vɔ ego jlo a jo oga lilɛ do e, enɛ wutu la lo jodo do zanji; la zɔn kewun emɛ éxé lɛ oga gɔdi lɛfe mɔ se vivɛ gbo , afin nɛ elɛkɔ ɖe inu nyinylan éxé eyɔ gɔɖe nɔwa lɛ e ogodo. ^{22 23} La hu e vikpɛlɛ; enɛ ɔ ogun Klisu etɔn lɛ tɛtɛ la nyɔ fan inyɔ e wa emɛ éxé nyɔ linlin gɔdo ojlo gbɛtɔlɛ etɔn ɔ; la su kɛn mimɛ lokpo lokpwe wanu ɖo ɔ e axɔ wumi ²⁴ Vɔɔ, myɛlɛ ɔ, mi mɛ éxé ɖe ogun Tiatii etɔnmɛ gbɛ mi go jɛ inu kplɔn emɛ nyinylan gun é le ɔ, gbɛ mi go mɔ kunnu jɛ inu éxé emɛ enɛlɛ ylɔ fan do gɔn gɔn Sataan etɔn lɛ go e lɛ ɔ, nɔ lɔ fan, go na gɔ ɖiɖa agban bu wu mi e. ²⁵ Vɔɔ, mi hɛn nu éxé mi ɖe ɔ go sinsiɛn gbɔn mɔ wa. ²⁶ Emɛ éxé la ɖu ɖeji mɔ wa nu éxé i jlɔ gbɔn mɔ sɔ gingɔn nugbɛn ɔ, la na acɛ éxé inyɔ, tete i yi ɖe untɔ si ɔ: la na kewun emɔ kpacɛ na okɔtalɛɛ. ²⁷ E acɛ kpikpa la siɛn ɖi gankpo ha, mɔ gbɛ hannyan ɖikɛn e gba kozɛn hannya ɖo ɔ mɔɖe. ²⁸ La nɛ sunvi klɛmɛtɔn fe . ²⁹ Emɛ éxé ɖoto wa lo se nu ɔ, ni se jɛ inu éxé gbigbɔ nɔlɔ mɛ na gbigbɔ lɛ ganji