¹ Azan ti go jɛ e, Yesu mɔ we sɔn kafanawumu ese fan eɖe osinmɛ; ² emɔ bɛ ahwan mɔ lɛ bɔ ɖe hinnɛ; tɛnxwe mɔ jan kaka lo sɔn gɛnto. Yesu mɔ nɔ Mawuxo lɔ tɔn mɛ. ³ Mɛ nɛhwlɛn lɛ wa ekɛ, emɛ enɛ(4) mɔɖe emɛ emɔ hɛn kplibɔnɔ lokpo lo wa ekɛ. ⁴ Exé ahwan lɔ su kaka e go kpego awa ekɛ e le ɔ, e gbɔjwɛ jla ixɔ éxé mɛ Yesu ɖe ɔ takun mɔ klɔn xɔ lɔ ɖe ada exe Yesu ɖe ɔ, mɔ zé kplibɔnɔɔ gɔ izan éxé ji eɖe ɔ jɛ Yesu asamɛ. ⁵ Exé Yesu mɔ kɛn é ɖinu ɖo ɔ, e lɔ na kplibɔnɔ ɔ fan: "un vi, e yi i ehwɛlɛ yi kɛɛ". ⁶ Sɛnkplɔnmɛtɔ nɛhwlɛnlɛ mɔɖe awansinnɔ ɖe emɛlɛ mɛ mɔ bɛ lilɔ do odɔmɛ fan: ⁷ "Amu ɖiakpwe éxé la lɔ inu etɔnɛ kɔ haɖo? Nugbɛn enɔ nyla do Mawu go, emɛ la tɛn kpego lo yi ehwɛ yi kɛmɛ yan Mawu lokponɔ go. ⁸ Exé Yesu mɔ kunnu jɛ ego ɖe gbigbɔmɛ fan enɔ lɔ ixo enɛ ha do odɔmɔ ɔ, e kanse wi fan amu wutu mi lo nɔ lin inu enɛlɛ. ⁹ Nɛ e lɔ na kplibɔnɔ fan e yi i ehwɛlɛ yikɛ ɔ alo cite nɔ zɔnzɔnlin ɔ, elomu e fa hugan wu te. ¹⁰ Vɔɔ, mi nyɔ fan inyɔ gbɛtɔ vi ɔ eɖo acɛ exé wa yi acɛ walo yi ehwɛ yikɛ emɛ ɖe awlango ji. Exé elɔ etɔnɛ ɔ, e lɔna ¹¹ kplibɔnɔ ɔfan: "i ɖegbe nɛ fan site ze i ozan nɔ sɔn osin". ¹² Jlokpwe ɔ, ɖiakpwe ɔ mɔ cite mɔ ze e zan mɔ zɔnzɔnlin, mɔ tɔn ɖe yɛmɛtɛtɛ okunmɛ avo mɔ xo yɛmɛtɛtɛ, e mɔ bɛ Mawu mimlan mɔ lɔ fan mi go mɔ inu etɔkɔha kpɔn gblée." ¹³ Yesu e gɔ sɔn Galilée e tɔlɔkpa emɛlɛ tɛtɛ mɔ wa ekɛ emɔ nɔ inu kplɔntɔn. ¹⁴ Exé Yesu yimɔ ɔ, emɔ Levi Alufe vi ɔ ɖe awanyinɔ ɖe denudɔn watɔ lɛ e xɔmɛ; mɔ lɔni fan: "jɛ ogun na". Emɔ cite mɔ jɛ ogun ni . ¹⁵ Yesu mɔ wenɔ ɖunu ɖe levilɛ osinmɛ; toxwayitɔlɛ gɔ ehwɛhutɔ susu mɔnɔdunu gɔ e ahwanvilɛ, ɖo esu gléglé mɔ jɛ ogun ni. ¹⁶ Exé esɛnkplɔn emɛtɔ éxé ɖe Falizinu lɛ mɔ etɔnɛ ɔ, e kanse e ahwanvi lɛ fan: "amu wutu elo ɖunu go toxwayitɔ gɔ ehwɛhutɔlɛ?" ¹⁷ Exé Yesu se etɔnɛ ɔ, e lɔnɛ fan: "emɛ éxé ɖe ganji lɛ gonɛ ozɔn gbɔtɔ enu hudo e" vɔ emɛ éxé nɔ jɛ ozɔn lɛ eyi enu hudo. Ehwɛ jijɔnɔlɛ ylɔtɔn gonɛ iwa e vɔ ehwɛhutɔlɛ ylɔtɔn iwa". ¹⁸ Jaan e ahwanvilɛ gɔ Mawu sɛntɔ gbɛ éxé e ylɔfan Falizenulɛ nɔ nublatɔn emɛnɛhwlɛnlɛ mɔwe kanse Yesu fan amu wutu Jaan e ahwanvu lɛɛ gɔ ahwanvi Falizenu lɛ etɔn lo nɔ nugbɛn blatɔn vɔɔ i ahwanvilɛ go bla tie?" ¹⁹ Yesu mɔ yigbe nɛ fan: "osisunɔ e hwannyi lɛ go kpego a bla nugbɛn gan éxé mɛ osisunɔ lɔ gbɛ kpo ɖe kpwɛ gɔɖée, inu go kpego anyi etɔnɛ e ; e go kpego a blanugbɛn gan éxé mɛ ekpo ɖe kpwɛ gɔde e. ²⁰ Vɔɔ, e la we jɛ gan nɛhwlɛmɛ emɔwe kɔ sisunɔ feɖe ekɛ, gan enɛmɛ ɔ ela blanugbɛn. ²¹ Mɛle go kan ovɔn yɔyɔ exé go sɔn esin kpɔn lo tan ovɔ xoxo; ɖo nɛnyi fan e bayi etɔnɛ ɔ, ovɔn yɔyɔ kinkan lɔ la vun owu xoxo lɔ, imɔ ɔ mɔgɔ ga deji. ²² Gbɛ mɛti go yi vin yɔyɔ yi kɔndo agbaza kpla xoxomɛ e. ɖo nɛ e bayi etɔnɛ ɔ vin lɔ la wo kpla lɔ, vinlɔ gɔ okplalɔ tɛtɛ mɔ gu emɛ. Vɔ vin yɔyɔ ɔ agbaza kpla yɔyɔ mɛ ekɔn do. ²³ Ewe jɛ gbɔjwɛzangbe gbelokpo Yesu mɔ nɔ zɔn jinɔkɔnglé nɛhwlɛn mɛ mɔnɔ nya eyɔ gɔ e ahwanvi lɛ ; exé enɔ sɔn ɔ e ahwanvi lɛ jɛ nukun lɛ din ji mɔnɔ ɖu, ²⁴ Falizinu lɛ mɔlɔ n'i fan: "kpɔn! amu wutu i ahwanvi nɔ mi esɛn gbɛ fan nɛ mɛ bayi gbɔjwɛzangbe e? ²⁵ Emɔ yigbe nɛ fan: "inu exe davidi bayi gan éxé enɔ din inuɖuɖu ɖo xovɛci eyɔ gɔ eme éxé gɔdi e zɔnlɛ ɔ mi go xlɛ kpɔn e nɛn? ²⁶ E byɛ sinsɛn xɔmɛ ɖe vɔsanuxhwlemawutɔ gbo Abiata e ganmɛ nuɖuɖu éxé e yi hwlé Mawu ɖe mi esɛn mɛ ɔ, vɔsanuxwlemawutɔlɛ kɛkɛ jɛn ayi mɔ ɖu ɔ e yi mɔ ɖu, mɔ gɔ na emɛ éxé gɔɖi ezɔn lɛ" ²⁷ E gɔ lɔ nɛ fan: "gbɛtɔ wutu e lo ɖo gbɔjwɛzan ɔ; e go nyi gbɔjwɛzan ɔ wutu e lo ɖo e lo ɖo gbɛtɔ e. ²⁸ Enɛ wutu inyɔ gbɛtɔvi ɔ, i lo kpacɛ do gbɔjwɛzan ɔ fe nugbɛn."