¹ Xie wɛnɖagbɛ éxé lɔxo do Yesu Klisu Muwuvi ɔ go ɔ bɛɖe ɔ we. ² Gbeyilɔtɔ Mawutɔn Ezayi e mɔ wlan ɖ'awan fan Mawu fan un wɛnzanhun we iɖo loxlan we emɔ jɛ owunkɔn nɛ mɔ jla mɔjiɖo nɛ. ³ Ela ɖe abobo do tɔ ɖe zogbe ma nɔ lɔfan mi jla imɔ ɖo na Aklunɔ, mi jɔ emɔ lɛ. ⁴ Jaan, Mawusinɛ ylɔn emɛdo tɔ wa mɔ nɔ abobo ji ɖe zogbe fan fan mi lɛkɔ ɖe mi ehwɛlɛ gun mɔwe lɛ Mawusin nɛ Mawu nɛ yi mi ehwɛ lɛ yi kɛmi. ⁵ Emɛ éxé ɖe Judée gbeji lɛ tɛtɛ gɔ emɛ éxé ɖe Jeluzalɛmu lɛ wa ekɛ mɔ lɔ e hwɛ tɛtɛ , Jaan mɔ lɛ Mawusin nɛ ɖe judɛntɔ mɛ. ⁶ Awu kancan kancan ɖehwlɛn Jaan do, emɔyi lakumi agbaza lo lwɛn. e mɔ bla goji gɔ agbazakan. E ɖu bɔsukle gɔ owii aku. ⁷ Enɔ Mawuxolɔ jla togunlɛtɔn fan: "emɛ nɛhwlɛn ɖe un godo lozwan; emɛ enɛ hugan wu, go wa emɛti wa tɛn kpego lo xixi mɔ tlu e ofɔkpa kan lɛ vɔvɔ e. ⁸ Inyɔ, esin eyɔ i yi lo do Mawusin takun na mi, eyɔ ma yi gbigbɔ kinkɔn lo lɛ Mawu sin na mi." ⁹ Gan enɛmɛ eyi Yesu lɛɖe glée toxo éxé e ylɔ fan Nazalɛti ɔ mɛ ɖe Galilée awlango ji lo wa. Jaan e lɛ Mawu sin ni ɖe Judɛntɔmɛ. ¹⁰ Gan éxé mɛ Yesu nɔ tɔn ɖe tɔɔ mɛ ɔ, jihwle hun gbigbɔ mɔciɖi ahwannɛ mɔɖe mɔ we ci eji. ¹¹ Emɔ se igbe nɛhwlɛn ɖe jihwle emɔ lɔ fan: "ivi vivɛ eyi onyi na, mɔ mɔ jijwɛ do igo tawun " ¹² Enɛ e godo ɔ gbigbɔ lɔ ɖo Yesu lohlan zogbe; ¹³ enɔ xinnɛ na azan kanle, satan mɔ tɛnkpɔn, gbemɛ kanlin lɛ cɛncɛn onɔ; mawu e wɛnzangunlɛ mɔ we do olɔwi. ¹⁴ Exé ewli Jaan e godo ɔ Yesu sɔn galilée mɔ nɔ jla wɛnɖagbɛ Mawu etɔn na ¹⁵ emɛlɛ mɔ lɔ fan: " ganlɔmɛ we su éxé kɔsu ɖuɖu Mawu etɔn mɔ gogo . Mi, lɛkɔ ɖe mi ehwɛlɛ gun mɔ ɖinu na wɛnɖagbɛ Mawu etɔn." ¹⁶ Yesu mɔ nɔ zɔn Galilée e tɔkpa mɔ mɔ Simɔɔ gɔ e nɔvi Andlée nɔ daɖɔ ɖe tɔji; ɖo iɖɔdatɔ enyi. ¹⁷ Yesu mɔ lɔnɛ fan: "mi jɛ ungun. La na kplɔn wu mi, mi mɔ nɔ dɔn gbɛtɔ lɛɛ ɖikɛn mi da ɖɔ lo wli ihwe ɔ ha". ¹⁸ Gan enɛmɛ ɔ e jo e ɖɔ lɛdo tlolo mɔ jɛ gun ni. ¹⁹ Exé Yesu gɔ sɛlosɔn owunkɔn vile ɔ, emɔ zébéɖée evi owe Maki gɔ Jaan, emɔ ɖe toji hunmɛ mɔ nɔ jla eɖɔlɛɖo, ²⁰ Yesu, mɔ ylwɛ tlolo, emɔ jo etɔ Zébéɖée ɔ do ɖo tɔji hun ɔ mɛ gɔ idɔn watɔlɛ, mɔjɛ egun. ²¹ Yesu gɔ e ahwavi lɛ sɔn kafanawumu; gbɔjwɛzan Jwifulɛɛ etɔn gbé ɔ ebyɛ ikplɔn xɔmɛ , mɔ bɛ inukpikplɔn emɛlɛ. ²² E nukplɔn emɛlɛ kpaca emɛ éxé enɔ ɖoto wilɛ. Ɖo e kplɔnnu emɛ gɔ acɛ kpikpa, e go ciɖi esɛnkplɔn emɛtɔ lɛ ha e. ²³ Gan enɛmɛ ɔ, dahwe nɛhwlɛn ɖe ikplɔnxɔlɔmɛ, gbigbɔ nyinylan mɔ ɖeji; ²⁴ enɔ d'abobo fan:" amu myɛlɛ gɔɖe kpedo Yesu Nazalɛtinu; mi kun ona sudo lo wa? Inyɔ emɛ éxé onyi ɔ ; emɛ kinkɔn mawu etɔn eyi onyi." ²⁵ Yesu mɔ bɛ adan deji fan "bɔnu, mɔ lɛ ɖe dahwe éxéji. ²⁶ Gbigbɔ nyinylan lɔ mɔ hunhun dahwe lɔ gangan mɔ lɛ ɖeji mɔ dabobo gbo nɛhwlɛn . ²⁷ E kpaca eyɛmɛ tɛtɛ emɔ kanse eɖelɛ fan amu we; inukplɔnemɛ olɔkpabuwemɛ e ɖegbɛ do gbigbɔ nyinylan lɛ gɔdo acɛkpikpa amɔ segbe n'i. ²⁸ Jlokpe ɔ, e nyikɔ mɔ gbakpe zɔn Galilée gbe ɔ ji. ²⁹ Exé Yesu tɔnɖe kplɔnxɔ Jwifulɛ etɔn mɛ ɔ, éyɔ gɔ Maki gɔdo Jaan e we sɔn Simɔɔ gɔ Andlée e osimɛ. ³⁰ Simɔɔ e sinɔ mɔnɔ jɛ ozɔn, mɔ ɖe awan finfin; exe Yesu wa tlolo ɔ, e lɔ e xo na Yesu. ³¹ Yesu sɔn ozɔntɔlɔ kɛ mɔ hɛn e olɔ, mɔ ze jite ; tlolo ɔ, ozɔnlɔ mɔyɔ n'i , e mɔ jɛ emɛjlo yi ji. ³² Hwedo gan éxé mɛ sɛzo nɔ sɔ xɔ, e kplan ozɔntɔ lɛ tɛtɛ gɔdo emɛ éxé ji gbigbɔ nyinylan ɖe lɛ lo wa na Yesu. ³³ Ito ɔ tɛtɛ mɔ we bɔ ɖe osin éxé mɛ Yesu ɖe ɔ e agboji. ³⁴ Yesu gbɔ ozɔn olɔkpa olɔkpa na ozɔntɔ susu; mɔ nya gbigbɔ nyinylan susu, gbɛ ego lwɔn nɛ gbigbɔnyinylan lɔ lɛ nɛ lɔ xo e; ɖo e nyɔ emɛ éxé e nyi ɔ. ³⁵ Yesu fɔn klɛmɛ fuu, mɔ sɔn xie mɛti go su do tagba ni ɖe ɔ e, mɔ xo eɖɛ ɖe hinnɛ. ³⁶ Simɔɔ gɔ e hagbɛ lɛ mɔ do ofɔ n'i. ³⁷ Gan éxé mɛ e sɔ lɛ mwɛn ɔ elɔ ni fan: "mɛlɛ tɛtɛ e nɔ din". ³⁸ E mɔ lɔ nɛ fan: "mi na nɛ ami lɛ ɖe xie mɔ sɔn ito éxé gogo wu xie lɛ mɛ nɛ a lɛ jla Mawuxo ɖe hinnɛ lɛ fe. Ɖo inu éxé wutu i lo tɔn ɔ wenɛ". ³⁹ E mɔ zɔn Galilée e to ɔ tɛtɛ mɛ, mɔ jla Mawuxo lɔ zɔn ikplɔxɔlɛmɛ mɔ nya gbigbɔ nyinylan ɖe mɛlɛji. ⁴⁰ Dahwe gudunɔ ɖehwlɛn wa Yesu kɛ mɔ jɛ klo ɖe unkɔni mɔ lɔ fan :" nɛ e jlo ɔ, e yi ɔ, o la gbɔ ozɔn na. ⁴¹ E nu mɔ ɖu odɔnu na Yesu emɔ dlɛn olɔ mɔ ɖ'olɔ e go fan: " i jlo, i ozɔn ni gbɔ ." ⁴² Tlolo ɔ en ozɔn mɔ gbɔ. E ozɔn mɔ yɔ. ⁴³ Yesu mɔlɔ xo ni gɔ adan fan: "ɖoto wu ganji! ma lɔ na mɛti e ⁴⁴ vɔɔ, yi kɛn oɖe ɔ lɛ xlɛ vɔsanuxwle Mawutɔlɛ mɔ na wusisla e agban éxéMɔyizi lɔɔ nɛ lo nyɔ fan i ozɔn yɔ xonugbo". Enɛ e godo ɔ, e mɔ ɖo e. ⁴⁵ vɔɔ, éxé ɖiakpwe lɔ jɛmɔɔ, ejɛ inu exe Yesu wa ni ɔ jlaji zɔn xi tɛtɛ; enɛ wanu Yesu go kpego a gɔ sɔn ito ti mɛ e. Emɔ gbɔjwɛ lɛ ci xie mɛti go ɖé e. Emɛlɛ mɔ lɛɖe xi olɔkpa olɔkpa mɔ we mwɛn.