¹ Vɔ Yesu gɔdo e nukplɔnvi lɛ mɔnɔ zɔn igle ɖehwlɛn mɛ ɖe gbɔjuɛzan gbe e nu kplɔnvi lɛ mɔnɔ ɖe iglenukun lɛ mɔnɔ fleɖu. ² Vɔ Falizinu lɛ ɖehwlɛn lɛ mɔnɔ lɔ fan Amu wutu mi lo nɔ bayi inu exe ego nagbe mɛti ni bayi ɖe gbɔjɔɛzangbee ³ Yesu mɔ ɖoego nɛ fan mi gɔ xlɛ inu exe Davidi bayi gan exe mɛ xovɛ ci , eyɔfe gɔdo e devi lɛ. ⁴ Yesu biyɛ MAHU e simɛ mɔ yi kpɔn nɔ mɔ du mɔ na devi lɛ fe , vɔ kpɔnnɔ enɛ lɛ ɔ mɛti go ɖu nɛnyi fan emɛlɔ go wa ovɔsatɔ e . ⁵ Yesu mɔnɔ lɔ nɛ fan :"gbɛtɔ evi lɔ e nyɛ cica na sabatizan". ⁶ Sabatizan ibugbe ɔ , yesu sɔn sinsɛnxɔmɛ mɔnɔ kplɔn inu emɛlɛ .Dahwe lokpo fe ɖe xɔlɔmɛ mɔ kplibɔ do olɔ aɖisi ⁷ . Vɔ siklibu gɔdo falizinu mɔnɔ kpɔn yesu fan elakpego loyɔ ozɔn na emɛ ɖe gbɔjuɛzangbe ja. Enɛ ɔ emɔmɔ ehwɛ jijɔ lo do ehwɛ u Yesu fan ebayi nu nyinylan. ⁸ Vɔ, exe Yesu nɔ nyɔ e susu ɔ elɔ na emɛ exe kplibɔ do olɔ lɔ fan : "Site ɖe mɛlɛ mɛ ". ⁹ Yesu mɔn nɔn lɔ nɛfan : enagbe fan nɛn ba yi inu mɛn mɛnyi alo inu nyi nylan nɛn hwlɛn egbɛ na emɛn loo alo nɛn bui ɖe sabatizangbe ? ¹⁰ Yesu mɔn nɔn kpɔn mɛ na emɛ lɛ mɔn lɔ na dawhe lɔ fan Dlɛn olɔ itɔn emɔn dlɛn olɔ lɔ ozɔn mɔ yɔ ni . ¹¹ Xomɛnsin mɔn jɛ eji emɔn jɛ susuɖeji ɖe eɖe lɛ mɛnji na inu exe ewa wa na Yesu . ¹² Azan exe gbe yesu lasɔn osoji la xo eɖɛ lɔ wa ema nɔn zan nute lo xo eɖɛ na Mawu. ¹³ Ɖe azan lɔ gbe ɔ eylɔ alevi etɔn lɛ mɔn can emɛn owiyowe. Ɖe emɛn mɔn ɖo nyikɔ nɛn fan emɛnɖoloxlan lɛ. ¹⁴ Emɛnɖo loxlan lɔ lɛ e nyikɔ we simɔɔn exe ena nyikɔ fan Pierre Andle enɔnvi Javi Jaan Batelemi. ¹⁵ Matie Tɔma Jaki Alfé evi Simɔn, exe ejlɔ fan ehun jɛ do tojitɔ. ¹⁶ Juda Jaki evi Juda Isikaliɔtɔ exe we zu emɛn ma ɖo gan . ¹⁷ Yesu mɔn jɛte ɖɖe oso lɔji gɔdo e nukplɔnvi lɛ emɔn we nɔnte ɖe tɛnxwe gbaa ɖehwlɛn. Emɛn susu ɖe e devi lɛ mɛn fe ɖe tɛnxwe lɔ mɛn fe gɔdo akɔta susu lɛ ɖe Juide ɖe Jeruzalɛmu gɔdo ito exe ɖe exulaji tyr gɔdo sidon etɔn lɛ. ¹⁸ Ewa nɛn lo we se ixo emɔn lo mɔn ozɔn hɛngbɔ Emɛn exe gbigbɔ manve nɔn do tagba nan lɛ fe mɔn yi ozɔn hɛngbɔ . ¹⁹ Togun lɔ tɛtɛ din a ɖo olɔ ego ɖo igan lowhlɛn nɔn tɔn ɖemɛn emɔn nɔn mɔn ozɔn yiyɔ. ²⁰ Exe yesu ɖekɔ kpɔn e devi lɛ ɔ emɔn nɔn lɔ fa n vivo nɔn ényi ayanɔn lɛ ɖo Mawu e acɛkpa sin nyi mitɔn. ²¹ Vivo nɔn enyi miɛ lɛ emɛn exe xovɛ nɔn ci tɛn lɛ ogo la we ji mi vivo nɔn enyi miɛlɛ emɛn exe nɔn vi avi tɛn lɛ mi la we ko edɛ. ²² Vivo nɔn mi nyi gan exe mɛn gbɛtɔ lɛ la gbɛwan nan mi ela ɖe mi do vo ela zun mi emɔnʒ nɔn ɖo nyikɔ nyi nylan lɛɛ migo ɖo i nyɔn utu. ²³ Mi nɔn jijɔɛmɛn ɖe azan ɖe azan enɛn gbe mi zlɔn gɔdo jijɔɛ ɖo axɔsu mitɔn la we tli ɖe jihwle. walɔ exe etɔgbolɛ mɔn zan gɔdo ixo lɔ ɖawan tɔn lɛ wenɛn. ²⁴ Helu nan miɛlɛ dohun nɔn lɛ Do emɔn fa okɔn nan mi. ²⁵ Helu nan miɛlɛ emɛn exe ogoji tɛn lɛ Ɖo xovɛ la we ci mi. helu na miɛlɛ emɛn exe ko adɛ tɛn lɛ Ɖo mi la we nɔn dɔnu ɖu mɛn mi ma we viavi. ²⁶ Nudonu ewa mi gan emɛn gbɛtɔ lɛ nɔn lɔ ixo mɛn mɛn i do mi go Ɖo kɛn ke etɔgbo lɛ mɔn bayi nan awonɔn xolɔ ɖawantɔ lɛ wenɛn. ²⁷ Vɔ na miɛlɛ exe nɔn ɖoto u lɛ ɔ nɔn lɔ nan mi fan ami nyi wan nan mi kɛntɔ lɛ mi wa ɖagbɛ na emɛn exe gbɛ wan nami lɛ. ²⁸ Mi xo donan ɖɛ nan emɛn exe nɔn ɖefun na mi lɛ . ²⁹ Nɛ nyi fan mɛ lele xotomɛ nɛ ɔ yi tokpa owegɔ yi ni nɛ . Nɛ nyi fan mɛ lele yi inu dido itɔn ɔ, joedo nɛ gɔ yi awugbo itɔn. ³⁰ Na inu u emɛ exe biɔnu wi. Nɛ nyi fan emɛ lele yi inu ɖe isiɔ ma gɔ biɔ fan nɛ yi nɛ e ³¹ Inu exe mi jlo fan emɛlɛ nɛ wa na eyɛ ɔ oyɔfe bayi nɛ ³² Nɛ nyi fan mi ɖo hwan nyinyi nan emɛ exe do hwan nyinyi na mi lɛ ɔ ale lomu etɔn na mi . Ɖo exwɛwutɔ lɛ fe nyi hwan na emɛ exe nyi hwan nɛ lɛ. ³³ Nɛ nyi fan mi bayi nu mɛmɛyi na emɛ exe bayi nami ɔ , ale lomu etɔn nami . Ɖo exwɛxwutɔlɛ fe bayi. ³⁴ Nɛ nyi fan emɛ exe lawe su axɔ nami lɛ kɛɖɛ jan mimɔ nya inu na ɔ,ale lomu eɖemɛ nami . Exwɛxwutɔ lɛ fe nya ixwa na exwɛxwutɔ ehalɛ mɔnɔte kpɔn axɔsu etɔnha pɛpɛpɛ. ³⁵ Vɔ mi nyihwan na mi kɛntɔlɛ mɔwa ɖagbɛ nɛ . Mi nya ixwa na mɛlele ɔ mimaɖokun fan eyɛ la gɔ mɔyie ; enɛ ɔ mi ale mɔ tli .Mila we nyi jihwlevi lɛ , ɖo eyɔ teteɔ ekɔn odɔmɛd do hunnylantɔlɛ go. ³⁶ Minɔ kpɔn dɔnuɖununa emɛ ɖikɛn mitɔ fe kpɔn na emɛ ha. ³⁷ Mima da ehwɛ na emɛtie nɛma lo da na miɛlɛ fee. Mi ma ɖo kojo nyinylan na emɛtie enɛɔ Mawu go na ɖo kojo na miɛlɛ fee. Mi yi ehwɛ yikɛ emɛ nɛ yikɛ miɛlɛ fee. ³⁸ Mina inu emɛ emɔna miɛlɛ fe . Ɖo inujlɛka mɛmɛyi ewa lo jlɛ na miɛlɛ fe. Etɔn mitɔn wana mi ɔ , elajlɛ ganji mɔ hunhun i , mɔ zin e mɔ juɔ mɔ kunxwan. Ɖo inujlɛka exe mi zan na minɔvilɛ ɔ eyɔke ewa zan lo jlɛ na miɛlɛ fee. ³⁹ Yesu mɔgɔ we dolo exe nɛ fan :"okun gbigba nɔ la kpego mɔ kplan okun gbigbanɔ nɛ . Nɛnyifan edokpɔn ɔ eyɛmɛ owelɛ gosu jɛ idomɛ . ⁴⁰ Inukpikplɔnvi go xugan u e cica e ; vɔ inukplɔnvi exe kplɔn ganji la we nɔ ɖi e cica ha . ⁴¹ Amu wutu olonɔmɔ esɛ ɖe okunji na inɔvi, gbɛ ogonɔ otinkpo exe ɖe i okunji e . ⁴² Amu wutu olo nɔ lɔ na inɔvi fan :" nɔvi note aɖe esɛ ɖe okunji nɛ " nɛnyi fan oyɔ tete go kpego a ɖe otinkpo exe ɖe i okunji e . ayimɛnuwatɔ ! Ɖe otinkpo ɖe i okunji gba , emɛ e godo ɔ ola mɔ kunnu lo ɖe esɛ ɖe okunji na i nɔvi . ⁴³ Otin mɛmɛ i ti gona sinsɛnnyinylan e , etɔnɛ ke otin nyinylan tigo na sinsɛn mɛmɛi wenɛ. ⁴⁴ Ɖo sinsɛn otin lokpo lokpo etɔn ɔ eɖe inu exe otin lɔ nyi ixlɛ . Ego gbɛn loboe ɖe kpɔfɛntinjie ; gbɛ egogbɛn viun ɖe exɛtinjie. ⁴⁵ Gbɛtɔ mɛmɛyi ɔ, dɔkun mɛmɛyi exe ɖe jimɛ ni lɛ ɖe inu mɛmɛyi lɛ tɔn, gbɛtɔ nyinylan ɔ , dɔkun nyinylan exe ɖe jimɛ ni lɛ mɔ ɖe inu nyinylan lɛ tɔn. Ɖo ejwɔ ɖe jimɛ ɔ eyɔ nugbɛnlo lɔxo. ⁴⁶ Amu wtu milonɔ jlɔ fan : "osintɔ osintɔ gbɛ migonɔ wado un xo lɛ jie . ⁴⁷ Gbɛtɔ lele kpokpoe exe wa Unkɛ, mɔnɔ se un xo lɛ mɔnɔ zɔndeji , emɛ exe go mi la jlɛdo we. ⁴⁸ Eɖeɖi gbɛtɔ exe tɔn osin watun emɔ kundo siso , mɔɖo dodoe etɔn ɖo ekpɛnji . Gan exemɛ itɔ jwɔ mɔwe gba do ixɔlɔgo , jijɛhɔn lɛ mɔwe xo do ixɔlɔgo ɔ , ego hunhun ixɔ gbɔn lo mui fee. Ɖo etun ixɔ lɔ ganji . ⁴⁹ Vɔ, emɛ exe nɔse unxo gbɛ ego nɔ yido zizanmɛ lɛ ɔ, eɖeɖi gbɛtɔ exe tun osin etɔn do xlanglo vɔvɔ mado dodoe ni. Gan exemɛ sisahun gɔdo jɛhɔn sinsinɛn lɛ lawe gbadego ɔ, jlokpo ɔ ixɔ lamu mɔ kutu fio.