¹ Jezu ɖe te ɖe nazalɛti tɔ lɔ kpa gbelokpo, mɛ susu mɔ subɔ wi mɔa se mawu xo, ² vɔ e mɔ tɔji hun owe ɖe tɔ ɔ kpa, ɖɔ datɔ lɛ mɔ jɛte ɖemɛ mɔnɔ huhu e ɖɔ lɛ. ³ Yesu byɛ tɔjihun éxé nyi Simɔɔ etɔn mɛ, mɔ byɛ fan ni sɛlosɔn ɖe tɔlɔkpa vlie , eyɔ tete mɔ sinawan ɖe tɔjihun ɔ mɛ jɛ inu kplɔ emɛlɛji. ⁴ Éxe e lɔxo yɔ̀ɔ, é lɔ na simɔ fán : sɛ lo sɔn itɔ lɔ mɛ mɔ dun mǐ ɖɔ lɛɛ mɔ lo daɖɔ. ⁵ Simɔ mɔ yigbe ni fan : « cicà, ,mi wadɔ́n ɖè ozán lɔ́ tɛtɛ mɛ nuti mà hù. Vɔ̌ zɔn i xó mɛ ɔ́, là dà idɔ lɔ́lɛ.» ⁶ È jɛ ihwé súsú wli ji glo ɔ̌n édɔ lɛ̀ mɔ́ nà vun. ⁷ È tɔgbe wù èhá éxé ɖe tɔ jihún ɖétɔ mɛlɛ fan nɛ̌ we gɔ̀ olɔ ná eyɛ, ěmɔ wá wè jùwɔ tɔ̀ jihun owe lɛ̀ gbɔn ě mɔ nà suwɔ̀ ⁸ Vɔ̌ simɔ piyɛ ɔ́, éxé émɔ̀ nù enɛ ɔ é jɛ ofɔ̀ji na Jezu mɔlɔ fán: « nɔ̀ zɔga na, osintɔ́, ɖó ehwɛ̀ hutɔ éyi éwǎ.» ⁹ É kpácá wi gɔ emɛ exe ɖe xinɛ gɔdǐ lɛ̀ na iɖɔ exe è dà ɔ wutu. ¹⁰ Jakigɔ̀ jǎn, zébedě évi, iɖɔ tɔ́ lɛ̀ tɛ́tɛ́ gɔdo simɔ fan : «ma cuwɔ é ɖó là yi lo bay gbɛtɔ tɛ̀ é ɖɔ. dàtɔ́.» ¹¹ Exe èlo zè ě tɔji hùn lɛɛ lowa tɔkpà ɔ, ě jo nù tɛtɛ dò mɔ jɛ égùn. ¹² Eto lókpó ɖé xinnɛ d'ahwè lokpó mɔ́ ɖe emɛ mɔ́ nɔ jɛ gudu zɔ̀n. Exé émɔ̀ Jezu ɔ̀, é jɛ awán mɔ cɔ́n okunmɛ́ kɔ́mɛ mɔ́ nɔ xó eɖɛ éxé : «osintɔ, nɛ onɔ din ɔ́ o lá yi un lo bay emɛ kinkɔn.» ¹³ Vɔ̌, Jezu mɔ drèn olɔ, mɔ dolɔ égè fán : « nɔ din, zùn emɛ kin kɔn.» Troloɔ́, gùdùzɔ̀n lɔ́ lɛ ɖ'égo. ¹⁴ Jezu mɔ́ nɔ́ zɔ́n ɛ fán ni má lɔ́ xó ti na emɛti e. Elɔni fá́n : « là xlɛ̀ iɖè wù vɔ sánú xwle mawutɔ, omɔ́ bay nunina lókpo na ì lɛwó ɖí kɛ́n ,oyízi wlán ɖó ɔ́, éla nyi ikunu lókpó na yé.» ¹⁵ Èlɔ́ éxó éji-éji, ahwán sùsù wé kpli mǎ ló efoto wi mɔ lo mɔ̀ ozɔ̀n hɛ̀n gbɔ̀. ¹⁶ Vɔ̌ eyɔ́ tɔ̀n ɖè tèn xwé zogbe mɛ mǎ xò ɖɛ. ¹⁷ É jɛ gbè lókpó, emɔ nɔ kplɔ́n inú emɛ lɛ. Favizinu lɛɛ gɔ̀ ésén kplɔ̀n eme tɔ lɛ ɖé awán sinnɔ̀, ě lɛ ɖe itò galite etɔ̀n gɔ Judě gɔ jeluzalɛmu étome, kéu, hihlɔ́n Mawu etɔ̀n mɔ́ ɖe idɔ́n ji ɖé eyɔ́ me lǒ gbɔ̀ ozɔ̀n. ¹⁸ Vɔ̌, gbɛtɔ nɛhwlɛ́n lɛɛ hɛ́n d'áhwè nɛhwlèn towa emɔ nɔ je kplibɔ́ zɔ̀n, è nɔ din á kɔ́ɛ dò tɛn xwé owu kɔ̀n tɔ́n , mɛ. ¹⁹ Éxé è gó nyɔ̀ xi éxé èwá zě zɔ̀n émɛ ɖé é ɖó ahwàn lɔ́ wutu, è ylá ixɔ́ takùn mɔ̀ lò zè jɛ̀tè gɔ̀ zigi fégɔ é zàn, ɖè cɛ́ncɛ́n mɛ na Togún lɔ̀ Yesu owunkɔ̀n. ²⁰ lókpɔ̀n è nú ɖiɖi ɔ, è fán : «d'ahwè i èhwè lɛɛ nyi kikɛ́.» Fawunu lɛɛ fégɔ̀ sikubu lɛ̀ɛ bɛ̀ hùhlù fan : « Eme onyi, mɔ́ nɔ́ du osù dó Mawu núgbɛ̀n? ²¹ Eme la těn kpégo lo ze éhwè ke eme nɛ ègó wa Mawu kɛɖɛ é?.» ²² Vɔ̌, Mawu nyɔ́ è linlin, m̵ɔ kɛ̌n sè fan : «amutu mi lǒ kán ixó nyi ylàn sé ɖé mǐ eji lɛ mɛ? ²³ Amù efa hugán nɛ lo lɔ fán : "i ehwɛ lɛɛ nyi kikɛ" alo fán: "citɛ mɔ zɔnzɔnlin?" ²⁴ Hún, mi nyɔ́ fán ivi lɔ́ ɖo acɛ ɖɛ awlango ji mǎ ze ohwɛ lɛ ikɛ mɛ, nɔ̀ lɔ n̵ɛ: "cite, kɔ̀ yi o zàn mɔ sɔ́n i xwɛ̀.» ²⁵ De zàn ɔ, d'ahwé lɔ́ cite ɖe owunkɔ̀n éxwɛ xɔ̀n súsú kpa na Mawu mɛ. ²⁶ É kpà cá emɛ tɛ́tɛ é mɔnɔ kpá Mawu, gɔ cicuwɔ́, è ján «mi mɔ̀ inu kpá cá lɛ égbé.» ²⁷ Ěhɛ égodo ɔ, ò tɔ́n, mɔ̀ mɔ̀̀toxwá yitɔ́ lókpó mɔ̀ ɖo nyi kɔ lévi tɔ́n ɖè àwán sinɔ́ xi éxé è nyi éxwá ɖé ɔ. É lɔ ni fan «je ogún-nà.» ²⁸ Levi jó nú tɛ́tɛ́ dè, mɔ cite mɔ je ogún ni. ²⁹ Levi ɖù xwè gbó lokpo toxwá nyi tɔ le etɔn gɔ mɛbú lɛ zàn ogàn mɛmɛ yi gɔd ě ɖe núɖù-kplɔ̀n kɔ̀n. ³⁰ Fatizinu lɛ gɔ siklibu lɛ nɔ̀ hlún mɔ́ nɔ́ lɔ na devì lɛ fán : « amútù mǐ lǒ ɖunú mɔ́ nɔ nú nú gɔ́ tò xwá yitɔ gɔ̀ èhwɛhutɔ́ lɛ?.» ³¹ Yesu yigbè nɛ̀ mɔ̀ lɔ fan : « Égó wà emɛ gan ji lɛ eyi éɖó hin-nyá dòto étɔn è, vɔ̌ ozɔ̀njɛtɔ́tɛ. ³² Yi go wá á ylɔ́ emɛ jijɔ̀ lɛɛ, vɔ̌ ehwe hutɔ lɛ nɛ̌ lo ɖo lɛnvɔ̀jɔ.» ³³ È lɔ ni fan :« devi jǎn etɔ̀n lɛ wé blá nùgbɛ̀n mɔ xodɛ, ètɔ́nɛ ké na falizinu lɛ fé, vɔ̌ yèlɛ mɔ́ du mɔ́ nù.» ³⁴ Yesu lɔ̀ nɛ̀ fán :« mi là tɛ̌n kpégo mɔ̀ ɖo olɔ wlitɔ́ lɔ́ ehwan-nyi lɛ xovɛ̀ gan exe mɛ olɔwlitɔ́ lɔ́ ɖe ekɛ ɔ?

³⁵ Azán lɛ lǎ wá kéun, olɔwlitɔ́ ɔ mǎ lɛ ɖe èkɛ́, gan ene lɛ mɛɔ̀, è lá blàhugbɛ̀n.» ³⁶ É gɔ dó ló nɛ̀ fán :«mɛti gó vun ovɔ̀n yɔ́yɔ́ ló paci ovɔ́n xóxó ɛ .Nɛ é bay ɔ́, é vún ovɔn yɔ́yɔ́ ɔ, exwá éxé é ɖ'étɛ̀n nà yɔ́yɔ́ lɔ̀ɔ gó na zɔ̀n gɔ̀ ovɔ̀n xóxó lɔ́ e .» ³⁷ Gbɛ̀ ,ɛti go din vin yɔ́yɔ́ dó inù xóxó bumɛ è, manɛ́ɔ vin yɔ́yɔ́ gblé ɖétɔ́ lɔ́ lɛ, é trɔ́ keún ɖétɔ́ lɛ mɔ́ bù. ³⁸ Hùn, e là din vin yɔyɔ ɔ́ dó nú yɔyɔ́ mɛ. ³⁹ Gbɛ mɛti gó nu vin xóxó, mɔ́ gɔ din anù yɔ́yɔ́ é ɖo é lɔ fán: "xóxó lɔ jɔ̀hù"