¹ Yesu nɔ xo eɖɛ gbelokpo ɖe xiɖehwlɛn . Exe exo eɖɛ yɔɔ , Devi etɔn lokpo mɔwa ekɛ we lɔni fan : "osintɔ osintɔ kplɔnmi eɖɛ xixo ɖikɛn Jaan kplɔn e Devi lɛ ha. ² Yesu mɔ lɔ ni fan :"mitɔn eɖɛ waxo ɔ milɔ fan :" mitɔ exe ɖe jihwle, i nyikɔ ni nyi wiwe" kinkɔn. Acɛkpikpa itɔn ni jɛte. ³ Nami nuɖuɖu okunkɛngbe kunkɛngbe tɔn. ⁴ Yi mi ogɔjijɛ yi kɛmi , ɖikɛn miɛiɛfe miyikɛ minɔ exe jɛogɔ domilɛ Ma yi mido tintɛnkpɔn mɛ e. ⁵ Yesu mɔnɔ lɔ nɛ fan :"emɛ ɖe mimɛ mɔ ɖo hwannyí lokpo mɔsɔn ekɛ ɖe zandomɛ mɔlɔ ni fan :"un hwannyi yan kpɔnnɔ, otɔn na, ⁶ Ɖo un hwannyi lokpo we zɛ mɛnjlo u tɛn, vɔ igo ɖo nuɖuɖu ti wa ni tɛn e." ⁷ E hwannyi lɔ mɔnɔ xɔmɛ mɔ ɖo egoni fan "ma do tagba na e. I mɔ suhɔn xoxo , inyɔ gɔdo un vikpɛlɛ mɔsɔn xɔ. igo kpego a fɔn lona kpnnɔn wie." ⁸ Lo lɔ nami fan egɔ nɔ jlo ɖiɖo walo fɔn do mi wa hwannyí wtu le ɔ , elakpɔn do tagba exe minɔ doni lɔgo mɔ fɔn we bɛ kpɔnnɔn susu na mi. ⁹ Gɔ nɔ lɔ nami fan: "mibiɔ nɛ nami ; midin na mimɔ ; mi huhu nɛ hun nami. ¹⁰ Ɖo emɛ lele kpokpoe exe biɔ la mɔ yi ; emɛ exe din ɔ mɔmɔ ; emɛ exe huhu ɔ ela hun hɔn ni. ¹¹ Ivitɔ lomu eɖe mimɛ nɛnyi fan evi biɔ iwhe ɔ emɔyi idan do lɔmɛ ni . ¹² Alo nɛnyi fan ivi biɔ azi wi ɔ emɔ yi kekeɖe yi do olɔmɛ ni. ¹³ Nɛnyifan miɛlɛ gbɛtɔ nyinylan lɛ mi nyɔn ajɔ mɛmɛyi mɔ do mi vikpɛ lɛ ɔ, amu wtu mitɔ exe ɖe jihwle go kpego wa na gbigbɔ ɖedovo emɛ exe biɔ e. ¹⁴ Ganbumɛ ɔ ,Yesu nya gbigbɔ ebɛ makɛ tɔn. Exe enya gbigbɔ lɔ egodo ɔ emɛ exe mɛ gbigbɔ lɔ tɔnɖe lɔ mɔ lɔxo. E mɔ kpaca u togun lɔ. ¹⁵ Vɔ emɛ ɖehwlɛn lɛ mɔlɔ fan:" Bezebúlu gbigbɔ nyinylan lɛ ega eyɔ enɔzan lonɔ nya gbigbɔ lɛ." ¹⁶ Mɛ ɖehwlɛn lɛ mɔ doekpɔn mɔnɔ byɔ ɖesi fan nina ɖehwlɛ exe lɔ fan elɛɖe jihwle. ¹⁷ Vɔ, Yesu mɔ wlikun do e susu go mɔɖo ego nɛ fan :"nɛnyi kɔsuto lele gbɛhwana eɖe ɔ , kɔsuto enɛ lagba, etɔnɛke osin lele ma ɔ , ela gba mɔ kutu. ¹⁸ Nɛnyifan lɛgba gbɛhwan na eɖe ɔ, e acɛkpasin lakpego lo nɔte nɛ. Ɖo minɔ lɔ fan nɔnya gbigbɔ nyinylan lɛ gɔdo Bɛzebúiu. ¹⁹ Nɛnyifan inya gbigbɔ lɛ gɔdo acɛ Bɛzebúlu etɔn ɔ , gbigbɔ lomu miɛlɛ mi devi lɛ lo nya gbigbɔ lɛ. Enɛ wtu ɔ gbigbɔ nyinylan enɛ lɔlɛ lawa ɖo kojo nami. ²⁰ Enɛ wtuɔ nɛnyifan , Mawu egan lo nyan gbigbɔ nyinylan lɛ ɔ, mimɔ nyɔɛn fan Mawu e acɛ kpikpa mɔ jɛte do mimɛ. ²¹ Nɛnyifan gbɛtɔ glegbenu sɔ ahwannu mɔnɔ cɔ e osin ɔ , inuti go kpego wawe gba osin lɔe. ²² Vɔ, nɛnyifan emɛ exe igan hugan wi wawe wli mɔyi ahwan wanu etɔn lɛ ɖesi mɔbɛ dɔkun etɔn lɛ tɛtɛ losɔn la ma na emɛ bulɛ . ²³ Emɛ exe go ɖe gɔdo leɔ, enyi un kɛntɔ, emɛ exe gonɔ bɔ agun lɛ na leɔ, nɔ gba un agun. ²⁴ Nɛnyifan gbigbɔ mawetɔn ɖe gbɛtɔ lele mɛ ɔ, esɔn la ci soklaji nɛlo yi gbɔjɔɛ. Nɛnyifan e din vivo gbɔɔ, elɔfan lagɔ lɛkɔ sɔn un osin xoxo lɔmɛ. ²⁵ Vɔ nɛnyifan e lɛkɔ wawe mɔ osin enɛ ɖe kinkɔn ɖo emɔ kpɔ emɛ. ²⁶ Enɛ ɔ esɔn la kplan gbigbɔ acowe ibu exe ɖo igan hugan wi emɔ tun osin do emɛ. Enɛ ɔ egbɛ yɔyɔ emɛ enɛ etɔn egɔ nylan u egbɛ tantɛn lɔ. ²⁷ Exe Yesu lɔ etɔnɛ ɔ, nyɔsi lokpo mɔ ɖoego fan: "donanɔ enyi odɔ exe mɛ onɔ gɔdo onɔ exe onɔ." ²⁸ Vɔ, emɔ ɖoego nɛ fan: "donanɔ enyi emɛ exe nɔse Mawu exo mɔnɔ hin ego lɛ." ²⁹ Exe ahwankpɔ lɔ tlɔdo Yesu ɔ, emɔlɔnɛ fan: "gbɛtɔ egbetɔn lɛ ɔ emɛ nyinylan enyi. Enɔ ɖin ɖexlɛ vɔ Jonasi e ɖexlɛ lokponɔge mɔnɛ ewa mɔ. ³⁰ Ɖo ɖikɛn Jonasi nyi ɖexlɛ na Ninivutɔlɛ ha ɔ etɔnɛ ke Yesu la nyi ɖexlɛ na gbɛtɔ egbetɔnlɛ wenɛ. ³¹ Ɖe hwɛdazangbe ɔ, nyɔsi tofɔligbe tɔ la cite ɖe gbɛtɔ egbetɔn lɛ nukɔn ma ɖo kojo nɛ, ɖo elɛɖe ito dindɛnmɛ nɛ lo wese inunyɔtɔ Salumɔexo, vɔ ewemɔ emɛ emɛbu hugan u Salumɔ. ³² Ɖe ehwɛdazangbe ɔ, Ninivutɔlɛ la nɔte ɖe okɔta egbetɔn nukɔn mɔ da ehwɛ ni. Ɖo ela ɖo lɛvɔjɔ ɖe Jonasi exo exe ese ɖe Ninivu lɔ mɛ emɔloemɔ fan emɛ gɔ hugan u Jonasi. ³³ Mɛti go kpɔ zogbɛn lo yiɖo inugɔe alo jawigun e , vɔ inuji ɖe jihwle eyiɖo emɛ tɛtɛ mɔmɔnu ɖe kinklɛn mɛ. ³⁴ Okun itɔn enyi kinklɛn na agbaza itɔn . Nɛnyifan okun itɔn ɖe ganji ɔ, i agbaza fe jwɔ gɔdo kinklɛn. Vɔ nɛnyifan okun itɔn jɛ ozɔn ɔ, agbaza itɔn tɛtɛ ɖe zinvlumɛ. ³⁵ Wlibona iɖe na kinklɛn itɔn nima tlɔzun zinvlue. ³⁶ Nɛnyifan agbaza itɔn tɛtɛ ɖe kinklɛn mɛ gbɛ xiti goɖe zinvlumɛ le ɔ, elanɔ ɖi agbaza itɔn inu kinklɛn enyi ha. ³⁷ Exe elɔxoyɔɔ, Falizinu lokpo mɔ lɔni fan ni kpan eyɛ lo sɔn losɔn simɛ inuɖutɔn. ³⁸ Yesu mɔ hwedi losɔn sinmɛ. Emɔ kpaca u Falizinu lɔ fan Yesu go klɔ asi feto lo ɖu nue. ³⁹ Vɔ osintɔ mɔlɔ ni fan: "miɛlɛ Falizinulɛ ɔ, mi klɔ godo na kɔfo/kɔkpo gɔdo nuɖuɖu gannulɛ, vɔ mi odɔmɛ mɔ jwɔ gɔdo hunnyinylan gɔdo susu ajotɔn lɛ. ⁴⁰ Inumanyɔtɔlɛ ! Emɛ exe bayi dɔmɛ lɔ ke gonɛ bayi wutulɔ. ⁴¹ Mi gbɔjuɛ yi nuɖuɖu exe ɖe gannu gɔdo kɔfo/kɔkpo mɛ lɔ yina ayanɔ lɛ, enɛ ɔ inu tɛtɛ la nyi kikɔn nami. ⁴² Aheelu nami Falizinulɛ ! Ɖo mina maɖo owoe na nuhwɛnkun exe eylɔ fan Mati gɔdo exe eylɔ fan hlú fe gɔdo ima olɔkpa olɔkpa exe nɔ jikpamɛ lɛ, vɔ minɔ ɖekɔ ɖe kinkɔn mɛ gɔdo wannyinyi Mawu etɔn. Eɖe vivɛ fan mila wanu jijɔ, minɔ nyiwan na Mawu, gbɛ mi go ɖowa wɔnji ɖe inu kpɔtɔɛ lɛe. ⁴³ Aheelu nami Falizinu lɛ, mi nyiwan na awansinɔ ɖe nukɔn ɖe nukplɔnxɔ Jwifu lɛ etɔn mɛ, mimɔ jlofan nɛnɔ do igbe nami gɔdo sisi ɖe tokplitɛn lɛ. ⁴⁴ Aheelu nami , ɖo miɖeɖi yɔdo maɖo jesido exe ji ezɔn zɔnlin zɔn ɖe manyɔɛn mɛ. ⁴⁵ Enɛ e godoɔ , cica esinkplɔntɔ Jwifunu lokpo mɔ kɛnse fan: "cica ixo onɔlɔɔ onɔzun miɛlɛ fea." ⁴⁶ Yesu mɔlɔ ni fan: "Aheelu nami esɛnkplɔntɔ lɛ , mido agban kpinkpɛn na emɛlɛ, vɔ migo wa olɔgɔ ti nɛe. ⁴⁷ Aheelu nami, ɖo mi tun yɔdo viviohwɛn lɛ do xoyilɔɖawantɔ exe mi tɔgbolɛ mɔ hulɛ ji. ⁴⁸ Inu exe mi tɔgbolɛ bayilɛ ɔ , minɔ kafui, mɔ yigbe na tɛtɛ ; ɖo eyɛlɛ ehu xoyilɔɖawantɔ Mawu etɔn lɛ , miɛlɛ mɔ mɛ kpe adodoe do e yɔdo lɛ ji. ⁴⁹ Enɛ lɔ ewanu Mawu lo lɔdo migo ɖe exomɛ fan: "layi xoyilɔdawantɔ gɔdo ehwɛnzangun lɛ ɖo xlɛn ; elahu mɛ ɖehwlɛn, ma do vivɛ sise na emɛ ɖehwlɛn. ⁵⁰ Na Mawu nilo biɔ hlɔn ehun xoyilɔdawantɔ Mawu etɔn enɛ lɛ u gbɛtɔ egbetɔn lɛ ; xoyilɔɖawantɔ enɛ exe ehun e tɔgbolɛ mɔyi kɔnhwan ɖe gan exe mɛ Mawu mɔ da egbɛ do; ⁵¹ Alɔ na mi fan Mawu la vihlɔn ehun etɔn wu gbɛtɔ tɛntɔnlɛ, bɛ ɖe Abeli e hunji gbɔn lo sɔn zakali etɔnji . Zakali exe hu ɖe cɔcixɔmɛ ɖe vɔsakpe gɔdo tɛnxwe kinkɔn e cɛncɛnmɛ. ⁵² Aheelu namiɛlɛ esɛnkplɔnemɛlɛ, ɖo mi yi nunyinyɔn e osin cavi lɔ ; vɔ miɛlɛ tetelɛ gɔ biɛ xɔlɔmɛ e; vɔ emɛ exe biɛ emɛlɛ ɔ mimɔ gɔ sumɔ de ! ⁵³ Exe Yesu tɔn ɖe Falizinu lɔ xwɛ ɔ , esɛnkplɔnemɛtɔ gɔdo Falizinu jɛ tagba doni ji , mɔ jɛ ixo kanse wi ji unklɛn unklɛn. ⁵⁴ Nɛ lo tlɛmɔ ni, lo kpego lo wli ɖe exogbe lɛmɛ.