¹ E nɛ lɛo godo ɔ, hlɛngantɔ ɖé émɛ kaznléko, mɔ ɖwé loxlan owé owé ito éxé mɛ é nɔ din sɔn lɛ. ² E mɔ nɔ lɔ fan: « Iglé lɔ ga, vɔ ɔnukun ɖétɔ vilé jan éɖé. Xwéɖɛ na hlɛntɔ nukun tɔn, nɛɖo un kunɖé tɔ loxlan glémɛ. ³ Misɔn! éyié, iɖo mi loxlan ɖi kɛn lɛngbɔ vu ɖo ohla lɛ cɛncen mɛ. ⁴ Mima yi saki alo fokpa é gbɛ mi ma dogbé na mɛti ɖé mɔji é. ⁵ Osin lélékpokpwé mɛ mi wa biɛ mi lɔ fan, fifa nɛ nɔ osin lɔ ji. ⁶ Nɛ fifa é mɛ ɖé yinɛ ɔ mi fifa la nɔ é ji alo é mɔ lɛkɔ low a mi kɛ. ⁷ Mi nɔ osin é nɛ mɛ, mɔ ɖu, mɔ nu i nu éwa na miɔ ɖo idɔnwatɔ ɖo éyaxɔsu. Mi ma zɔn osin lɛ mɛ é. ⁸ Nɛ mi biɛ ito lélé mɛ émɔ yi miɔ mi ɖu nu é wa na mi ɔ mimɔ gbɔ ozɔn na ozɔntɔ éɖé xi nɛ lɛ ɔ. ⁹ Mi lɔ nɛ fan, hwɛndo Mahu tɔn sɛkpɔ wi. ¹⁰ Amɔ ito lélé kpokpwé mɛ, mi wa biɛ gbɛ é go na yi mi lé ɔ, mi sɔn émɔ lɛ ji mɔ lɔ fan " ¹¹ Mi ɖé gbɔn la jɛ afin tutu mitɔn ɖé mi o fɔ lɛ go kplanta u mi, a mɔ mi nywɛ fan fiɔ du Mahu é tɔn gogo." ¹² Nɔlɔ na mi, gbɔnna hwɛdida zan gbé, égo na mɔ nu sinsin kuku Sodome gbɔn lo mɔ na ito éxé é. ¹³ Tanyla kan nɛ Chorazin! Tanyla kan nɛ Bethsaida! nɛ idɔn gbékpan é wa ɖé ikɛ mɔ nyi wiwa ɖé Tyr alo Sidɔn, é la mɔ ɖo lɛvɔjɔ xoxo mɔ fɔ saki gɔ zofin kpla. ¹⁴ Amɔ é la kandé mɛ na Tyr gɔ Sidɔn ɖé tanylan kan zan gbé wu oyɔ. ¹⁵ A yɔ Capanaùm, o nɔ mɔ fan o nɔ sɔn jihlé nɛ? O, é la ɖiɖi gbɔn lo biɛ kuodé ¹⁶ E mɛ nɔ ɖoto wi ɔ, nɔ ɖoto wu, é mɛ xé gbɛ miɔ gbɛ nyɔ fé, mɔ gbɛ é mɛ ɖoloxlan ɔ» ¹⁷ E yé mɛ kanleko lɛko logɔ gɔdo jijwɛ fan: « Hlɛngantɔ, gbɔn la jɛ a wovi lɛ sɔn do na mi ɖé i nyi kɔ mɛ.» ¹⁸ Jesus lɔ nɛ fan: « I mɔ satana flɛ ɖé jihlé ɖi kiklɛn mɔ ɖé. ¹⁹ E iwé yi na acɛ wu mi na mi lo zɔnlin ɖé idan, kékélé gɔdo hinhlɔn kɛntɔ é tɔn ji gbɛ nuti go kpégo wa ɖu dé mi ji é. ²⁰ A mɔ mi ma mɔ jijwɛ fan nuɖé yɛsi mɛ lɛ son ɖo na mi a mɔ mi mɔ jijwɛ fan: mi nyikɔ nyi winwlan ɖé sɛxwé to mɛ. ²¹ Gan xixo lokpo lɔ mɛ ɔ, Jesus mɔ jijwɛ gbékpan ɖé gbigbɔ wiwé go mɔ lɔ fan ixomlan wi, o un tɔ Hlɛngantɔ, o ji gɔ ido ɖotɔ ɖo o yi nu éxé lɛ itɔ nu nyɔ tɔgbogbo lɛ omɔ ɖé xlɛ vikpɛ vu lɛ ɛɛn itɔ ɖo éjɛ inukun étɔn nɛ» ²² Nu tɛtɛ bi, un tɔ bɛ d'asi na gbɛ mɛti go nyɔ ivi ɖo vo na itɔ é nɛ go wa ivi lɔ léɔ. Gɔ é mɛ éxé ivi lɔ jlo a ɖéxlɛ ²³ Jɔ wunkɔn wu é nu nukplaɔnvi lɛ é nɔ lɔ nɛ fan: « Jijwɛ na émɛ éxé nɔ mɔ i nu mi nƥɔ mɔ lɛ. ²⁴ Nɔ lɔ na mi fan, lo da wan tɔ susu godo iga susu jlo wamɔ inu mi nɔ mɔ lɛ co é o kpégo é é na sé inu minɔ sé lɛ co ékpé go wé losé é. ²⁵ Sɛnkplɔn mɛ tɔ, jwive noté mɔ kpɔnkaka mɔ lɔ fan: « Cica a mu wa bayi ɖo lo mɔ gbɛ ma gɔn .» ²⁶ Jesus lɔ ni fan: « Amu é hlan ɖo ésɛn lɔ mɛ? E mɛ mi nɔ xlɛ?» ²⁷ Nɛ lo ɖo é go ni ɔ, é fan: « O ɖo la nyi wan hlɛngantɔ yi Mahu gɔ yi ayicxa tɛtɛ bi yi alidɔn, yi hinhlɔn tɛtɛ bi yi lin lin tɛtɛ bi. O mɔ wé nyi wan na inɔzo ɖi kɛn o yɔ tété mɔ ɖé. » ²⁸ Jesus mɔ yi gbé ni fan: « O yi gbé mɛ mɛ, bayi étɔnɛ o mɔ nɔ égbɛ.» ²⁹ Sɛnkplɔn mɛ tɔ, nɛ lo kpé go gbéjé éɖé mɛ kpɔn ɔ lɔ na Jesus é mɛ mɔ wa un owé gɔ lɔ? » ³⁰ Nɛ lo yi gbé niɔ, Jesus fan Dahwé lokpo lɛɖé Jérusalem losɔn Jériko, mɔ sɔn la jɛ ajotɔ lɛ o lɔ mɛ é mɔ ɖo funya funyan ni mɔ bɛ ni tɛtɛ ɖé si, mɔn xu wé mɔ jwédo iku ma mɛ égbɛ mamɛ. ³¹ Nu goma ɖo kun, mɛsɛntɔ Mahu tɔn mɔ zɔn i mɔ lɔ ji, éxé lo mɔ ɛ, é eɛ do xi bu. ³² Vɔsan nu xlé Mahu tɔƥ lokpo fé wa mɔ mɔɛ, mƥɔ zɔn adaji ni. ³³ Samari tɔ lokpo fé wé nɔ nyan lowa tɛnxhué éxé nɔnvi lɔ ɖéɔ é lo mɔ ɛ, énu ɖu odɔ nu ni. ³⁴ E gogiowi mɔ bla abi ni mɔ kɔ ami gɔ ahan ɖé mɛ ni é mɔ zé do é sɔ ji lo sɔn mɛ jlo zɛtɛn xué, é mɔ xli bo ni. ³⁵ Azan éxwé diɔ, édé ixwa owé tɛn i na é mɛ é tɔn wa mɛjlyitɛnkɔ fan nɛ xliboni gan ji unkɔ lilɛ mɛɔ, i nu o wa gɔ zan lɛ tɛtɛ bi ɔ, la suwi nɛ. ³⁶ Ɖé é yɛ mɛ o tɔn lɛ mɛ ɔ é mɛ wa nɔnvi é jɛ to lɛ mɛ é nɔvi. ³⁷ Sɛnkplɔn mɛ tɔ fan é mɛ é wli bo ni Jesus fan: Sɛn o mɔ bayi ɖi é ha mɔ ɖé ³⁸ Tɛn ɔ é nɔ zɛ nwɛnɔ ɖé mɔji ɔ é biɛ ito lo kpo mɛ nyɔnsi ɖéhlɛn é jlwɛ fan Marthe yi do osin mɛ. ³⁹ E ɖo é nɔvi nyɔsi lokpo é jlɔ fan Marie é mɔ sin na wan ɖé Jesus kɛ lo sé i xo gbé lɛ. ⁴⁰ Vɔ ɔ Marthe nɔ j' agbagba nɛ lo ɖa nu lo yi mɛ jlo. E wa Jesus ke fan: hlɛngantɔ, é gonɔ bayi nunti nɛ Fan un nɔnvi jon nyɔ lokpo nɔ do na nuɖiɖa lɔ.? Lɔ ni fan nɛ kpédo ungo ⁴¹ Hlɛngantɔ yi gbé ni fan Marthe o caka na susu, ⁴² vɔ nu lo kpogé é wa vivɛ Mari yi inu vivɛ lɔ é xé é kpégo wa yi ɖési gblé.